HNEHTU AW RÂWL - 40
Zan khat chu lêng lên âr a khûang ta maw tihah Rualate ṭhian thum chu an inzui chhuak leh a, Ruala chuan, "Zanin chu khawi lamah nge ni ang?" a rawn ti a, Thangzînga chuan, "Kei zawng zanin chu veng lu lamah lên ka duh deuh mang e." a rawn ti a, Ruala chuan, "Khai a, hmuh ṭha i lo hmu pek em ni?"tih pahin a rawn nuih vur vur a, Thangzînga chuan," Akhai, chutiang lam pawh a ni lo. " a rawn ti duh chauh va, Ruala chuan chhaih buai a zawh zui zêl châk hle mah se, Thangneuva nên unau nauva lên dun reng chu an tân a nuam dawn lo tih hrethiamin Thangzînga hnenah chuan, "Han leng mawlh teh. Keiin i u kan zui ve thung a nge." a ti a, Thangzînga pawh a kal tumna lam pan chuan a kal ve ta nghal a. Ruala leh Thangneuva erawh khaw mawng lam pana kalin Mankûngate inah rei lo tê an han lut kawi zawka Mankûnga fate pahnih, mioa naupang fel tawh takte chu rei lo tê an kawm hnuah chhuakin Thangneuva chuan, "Ruala taka, lênna tûr ka hria a nia. Lo kal rawh" tih pahin khaw mawng lan chu a pan pui leh ta a, in tâwp ber aṭanga chhiara pangana, in tê fel tak, hmeithai in ni ngeia langah chuan an lût ta a. A chhûngah chuan an khaw râwlthar paruk vêl hian hmeithai fanu tleirawl Chalchhûmi chu an lo rîm ve a, chutia an pasalṭha huaisen pahnih lo lût an hmuh chuan an ṭi dâk hlawm a, Ruala chuan, "Ekhai, hei zanin chu titi pui tur kan nei dawn e. A va nuam dawn em." tih pahin ṭhuthmun a rem nghal tharh a, Thangneuva pawh muangchângin a rawn ṭhu ve a. Thangneuva'n Chalchhûmi a en dân chu Ruala chuan a lo hmu khiau mai a, a ṭhianpa hian a duh tak a tawng taah ngaiin a lawm pui hle. Mahse, Chalchhûmi zak chu a hawi chhuak ngam meuh lo va, an rawn pêm luhna a la rei lo bawk nen Ruala chuan a hmêl pawh a la hre chiang lo va, a hming Thangneuva'n a hrilh bâk chu hriat a nei hauh lo. Thangneuva chuan, "Chhûmte, i nu hi a lêng chhuak em ni?" a han ti a, Chalchhûmi chuan rawn dah chhuah pahin, "Aw, ṭhenawmte inah a kal lawk anih kha." tiin a rawn chhâng a, Chalchhûmi hmêl chu Ruala chuan a lo en chik hman hle. Tleirawl hmelṭha tak, hmeithai fa ni lo se chu nakin lawka khual kâi pha hial khawp la ni ngei tûr a ni tih chu a hmu thiam tlat. Râwlthar awm ve ho ṭi dâk chu Ruala chuan chawk phûrin a titi pui ta a, ram lama chêt tlat dânte a han hrilh chuan Chhûmtei thleng chuan ngaihnawm ti takin an lo ngai thla ṭhap a, fiamthu thawh a an ṭhian ho an chêt chhiatna nuihzatthlak tak takte sawiin dâwt tlêm nên Thangneuva chu a han kâp vêl a, râwlthar ho bâkah Chhumtei leh Thangneuva thlengin an nui ve nasa kher mai. Chutia hlim taka an inkawm lai chuan lêng hâwn âr a lo khuang ta âl âl a. Râwlthar ho chu tho tharhin Chhûmtei chu an mangṭha sap sap a, an chhuah rual deuh thaw chuan Chhûmtei nu pawh a rawn haw ve a, a hmel chu upa lam deuh tawh mah se, a nulat lai chuan nula hmelṭha pangai tak a ni tih a la hriat theih a, eng ang chhungkua tak nge an nih tih Ruala chuan hriat a chak hle. Mahse, hun remchang dang a la awm beiseiin a la ngawi rih thung a. Chhumtei nuin mut san zai a rêl ve nghal avângin an pathum chauh chuan an awm a, rei awmna chî ni tawh hek lo, Ruala chuan ruahmanna dang neiin Thangneuva chu a chhuah pui ta a. Thangneuva pawhin Ruala ruahmanna chu lo man thiamin sum hmunah Chhûmtei chu a han din pui dat a. Ruala erawh rang takin inhnuai lamah a lût nghal thung. Thangneuva chuan Chhûmtei hnênah chuan a ṭawngkam thiamna zawng zawng hmangin a duh thu chu a sawi ta a, Chhûmtei erawh a ngawi reng thung. Thangneuva lah nula mî tak a lo ni ngai lo bawk nên Chhûmtei dâra dawm pahin a chhânna a nghah thu sawiin a la tur vêl thul, in hnuai lama awm Ruala chuan zei lo a tiin a nuih za chu a insûm ṭang ṭang a. Chhûmtei chuan zâwi deuh sap hian, "U Neu, kan kâr a hla êmai. Nimin a ka feh haw kawtchhuah a ka bula i rawn ṭhut vângte khân kei aia upate leh he khaw mi hlun ni zawkte thinrim mitmeng ka tawn phah a sin. I lo lêng tih te hi hre leh ta se, kei hmeithai fa ve mai chu khaw hawi ngam lo khawpin min siam ngei ang. Chhûngkaw pangai tak nei ve chu ni i la, i tân ka inpe pumhlum ngei ang. Mahse, kei aia ṭha i phu a ni. Keimah vanga miin an hmuhsit tur zia che hi ka ngaihtuah ngam lo. U Neu, min hrethiam rih mai aniang chu " tiin a rawn chhâng ta a, Thangneuva chuan engmah pawh sawi loin a ding ngawi reng a, Chhûmtei lût lai leh," Muttui aw, mang ṭha tak mang la "a tihte chu a hre ruai ruai ringawt a ni. Kawtkaia Ruala lo ding a hmuh chuan nuih luih sak pahin," Kal i la. "a han ti a, mahse, a hlim hauh lo. Chhumtei thusawi zawng zawng kha a bengah a ri nawn tluk tluk mai a ni. Zawlbuk pana an kal lai chuan Thangneuva chuan Chhumtei chhân dânte chu a han sawia, Ruala paw'n a hriat sa vek tho mah ni se ṭha takin a lo ngaithla reng a, Thangneuva'n, "Amah vânga mite hmuhsit ka tawrh a phal lo mawlh kha a mak ka ti. Amahin min thlan a, keiin ka thlan phawt chuan mite sawi lo kâi deuh pawh ni i la, ka hlim êm êm âwm tho si a." a rawn tih laite chuan a lainat ru hle, "Ekhai, chutin ngai mah ta che. Chhumtei rilru tûr te dâwn ve la. Hmeichhe ho hi zawng thil hi an dâwn thuiin an thil ṭha lo lam ngaihruat avâng ringawtte hian an hlauthawng ringawt thei hial a nia. Chutia, i duh tak zet anih leh zantin kan lêng anga ti nia. Lêng tawh lo tura a tih chhan che kha chu theihnghilh la, kan ching fel vek dawn nia. "tiin Ruala chuan a fuih ve mawlh mawlh a. Zawlbuk an han thlen chuan Thangzinga mutna a lo la ruak huai a, Ruala chuan," Zînga pui chuh. A va lêng fuh reuh ve maw le. "tih pahin a nui vur vur a. Ni, Zînga lênna hi a fuh cher cher êm a ni. Kum hmasa lama he khuaa rawn pêm, nuthlawi lêng leh Zathangi , nau chaw bawm lian ṭha leh mawng bâwr khal nalh zet, fanu pakhat nei tawh nen mitmei an inhmuh ṭha êm a tin ni. Zathangi hi a nulat laia hmelṭha ve tak a ni a, nu anih a fa a neih phei chuan a ṭha zual sauh sauh emaw tih tur a ni. Mahse, an khaw hlui a, a pasalin an khaw mi ngei laka a sazu mei dawh san khân a tuar na êm a, a taksa pawhin a tawrh phah hle, a nu leh pate mangangin rilru na taka a awm reng ai chuan tiin an rawn pêm pui ta tawp a ni. A pasal leh a nupui tharte a hmuh loh a chin chu pangai lam a pan chho ve leh ta zêl a, tunah phei chuan a vunte pawh a rawn nung leh ta sar mai a, tlangvâl tamtakte'n nula hnahkhat aia an iai loh zâwk a ni leh ta.
Chu zânah ngei pawh chuan an in chhûnga khat mawi tawk in lêng a nei ve leh a, Thangzinga pawh a rin loh lutuk maiin a rawn lang ve hlawl bawk. Leng hawn ar khuan hnuah an pahnih chauh va titiin an ṭawng sep sep a, Zathangi pa a rawn hnâr tâk thlawrh thlawrhah chuan Thangzĭnga kut a hlei chho ṭan ta hle. Haw tur ang taka tho chhuakin Zathangi pawhin thlah tum ang takin a zui chhuak ve bawk a. Zathangite kawm chhak lawk a khiang kûng lam chu pan chhovin chu lai hmunah ngei chuan an mamawhte an han inpe tawn ta a. Thangzinga, tlangvâl harh vâng ṭha zek zawk, duh tawka a han che chu, rei tak lo nghei tawh Zathangi chuan a dâwl zo lo teuh ṭhin hle. A nuam ti lutuk chu a rûm leh ham ham ṭhin a, a au chhuah mai lohna'n a hmui nghet takin a hup a, a ngîk feih feih reng bawk. A rei tial tial a, Zathangi pawhin a rawn uar chho ta hle, chutah zet zawng a bawp pahnih khai kângin Thangzinga su tluk tluk chu a theih tâwpin a kherh bet a, a vâwrtawp thleng chu a khûr ta der der a. Thangzînga pawh hmanhmawh zual sauh vin, Zathangi taksa chhûngah chuan a tui hna rei tak kang tawh chu a luan chhuah tîr ta pur pur a. Chuta chin chu zantin Thangzĭnga chuan a ute a pâwl ta ngai meuh lo. Zathangi rûnah lawiin zawlbûk a lâwi tlai thei ta hle mai a, Zathangi in lêng tlangvâl dangte rinhlelh a kâi lohna'n lêng hâwn âr khûan hmain a chhuak ziah a, an hmun tiam lamah a lo nghâk ngat ngat ṭhin. Thangneuva leh Rualate erawh Chhûmtei an birh tlut tlut reng a, Chhûmite chuan hrehawm a ti hle. Ṭhiam siam thiam lo mî a nih avângin ṭhian tih a koh tur a neih chhunte chu râwlthar rual an ina lêng ve ṭhin te an ni mai a, a feh haw Thangneuva'n a lo hmuh ṭum pawh khân amah tê chauh vin a lo ṭhu anih kha. Nula dangte'n han be ve ṭhin mah se, inthlahrunna a neih len êm avângin ṭhianah a siam thei mang tlat lo, Thangneuva'n a biak khân an khaw nula chhuanvawrte zînga mi pahnihin an melh rum nasa hle anih kha, tunah phei chuan Thangneuva'n a rîm ṭhin thu hre tu an awm ta nual leh nghal a, hrehawm a ti hle. Thangneuva hnâwl hi thil harsa a tih ber a ni a, a chhan chu Zâwlnuam upa min fanu a nih lâi aṭang tawha a suangtuahnaa a mipa duh zawngin a neih ang zawng zawng neitu a ni miau va ni. Mahse, a pa a thi tawh a, tunah chuan Tlungvêl khaw hmeithai fa mai a nih tawh avângin a duh zawng ngawih ngawih pawh a hnâwl a ngai ta si. Thangneuva lah chuan khaw dang hawi san a tum lo bur mai si. Zan tinin a rîm a, in lêng dangte chhuah hnua a haw ve chauh ṭhin avângin mi tam takin an dem fiam hial tawh si.
Zan khat chu Ruala'n lênna tur dang nei ni a a insawi avângin Thangneuva chu amah chauh vin a lêng a, in lêng dang an ṭin hnu chuan Chhûmtei nu hnênah chuan Chhûmtei a duh ziate leh nupui atan a neih a duh ziate chu sawiin a dîl ta tawp mai a. Chhûmtei te nufa mak ti lutuk chu an hawi ka hau reng ringawt mai a ni. Chhumtei nu chuan Thangneuva chu mi rinawm a ni tih a hriat chîan avângin an khaw hlui, Tlângnuam lama Chhûmtei thil tawn zawng zawng chu a sawi ta a, upa min nupui leh fanu neih chhun an nih thute, an Lal fapain Chhûmtei a ngaihzawn tlat thute leh, Chhumtei'na duh loh avânga neih luih a tumte, Chhûmtei nuṭate pahnih leh a pa nunna in a tawrh phah hial thute chu a sawi ta vek a. Thangneuva chuan thinrim tak chungin, "Chhûmte, i tawrhna zawng zawng ka hre ta. I pa leh i unaute phuba hi keimah ngeiin ka la ang." a rawn ti chhuak ta hial a, a chhuah dawna Chhûmtei'n a rawn thlah chuan Chhûmtei chu a âwma kuah bei pahin "Chhûmte i pa leh i unaute phuba ka lâk hunah chuan min pawm ngei tawh ka beisei. Min la pawm lo cheu anih chuan i laka ka rilru put hmang ka sawi zâna i thusawi, 'chhungkaw pangai tak nei ve ni i la chuan i tan ka inpe pumhlum ngei ang' i tih kha dâwt min hrilhah ka ngai ang. " a ti sap a, Chhûmtei chuan," U Neu, ka ute kha kan khaw pasalṭha ve ve an ni a, an phuba i la tur hi an lawm viau ngei ang. Mahse, kal lo turin ka duh che. I tan ka inhawng thlap tawh e, a tirah kha chuan ka hlauthâwng a, min fiam mai maia ngaihna chen ka nei bawk nen ti khan ka chhâng ta che anih kha. Kal lo la, hetah hlim takin kan awm thei alawm. Min fiah i duh leh palai rawn tir la, kan innei em em ang. Ka nu i ngaihsak ve erawh ka phût tlat thung, ka neih chhun a ni tawh si a. Khawngaihin i rilru kha thlâk la, kal lo mai rawh. "a rawn ti thâm ṭuak a, Thangneuva chuan," Ni lo ve, ka kal anga, i pa leh i nuṭa te'n pialrâk aṭangin an mâkpa la ni mai tur che tla hi an lo en dawn lawm. Hlauthawng suh. "tih pahin Chhûmtei biang chu a piai sak zauh va, a kal ta a. Zawlbûk a han thlen chuan Ruala leh a nau an lo la awm hauh lo va, mak a ti ru hle. Mahse, chhuak tawh lem loin a mu zui ve mai a. Khaw lu lamah erawh Zathangi chuan a ruah loh thu Thangzînga bulah chuan a hrilh mêk a, Thangzînga ṭuah tawh lah chuan, "Palai ka rawn tîr dawn nia, hlauthawng hauh suh." tih pahin a han kuai âwn leh riai riai a, an duh tawk an ngah hnu chuan an inṭhenhrang leh ta a. Zawlbûk lam pana a kal lai chuan Thangzînga chuan zuitu awm tlatin a hria a, mahse, hawi lêt lo va kal lui zelin Lal tual a thlen dawn hnaihah chuan a ning ta deuh va, din pahin, "Mipa i nih chuan rawn in lan ta che. Khatia dawihzep taka thim thama i tawm sen reng le." a han ti hrâwk a, chu veleh Ruala chu rawn nuih chhuah vur vur pahin, "Ka pa Thangzîng, min hau suh." a rawn ti ta mai. Chu veleh Thangzînga chuan an thusawi leh an awm dân zawng zawng a lo en thla vek tih chu a hre ta a, zan a rei tawh a, thâwm chhuah chi ni tawh si lo, Ruala hnung zânga chum pawp pawhin a mawngah a han pêt leh zawt a, a kal san ta nal nal a, Ruala nuih za lutuk hnang nasa bawk si chu ṭhingṭhiin a kûn khûr ngawr ngawr a, a nuih za bawk si, a hnang thaw ṭha thei bawk si lo, Thangzînga lahin a kal san daih si, "Hnînga, ka hnang a hniaaaaa." tih pahin rem leh rem lovin a inchûm tawih tawih a, a hnang a reh fel meuh chuan tual laiah chuan muin a nui dîr ta ngar ngar a. Vâna arsi pe uarte chu thlîr pahin a rilruah Vânsangi a rawn lût a, Roliana leh a nau Parteite'n fa an nei ṭep tawh a, Mankûnga phei chuan pahnih lai a nei tawh. Thangzînga nuthlawi mawng vawng nalhi'n Thangzînga fa a pai tawh a, Thangneuva lahin a lungdumtu a tawng tawh bawk. Nupui nei turin a pain a tur ta fo bawk nen, "Vânte, favâng awllen lo nghâk hram hram rawh aw." ti sapin a tho chhuak a, Zawlbûk lam a pan ve ta a.
A ngaihnawm e
ReplyDeleteNgaihnawm riap riap teh e,,,,
ReplyDeleteE khai.. Chhunzawm leh vat teh
ReplyDeletea ngaihnawm
ReplyDeleteNgaihnawm kher mai
ReplyDeleteZanin hian chhuak dawn em aw
ReplyDeleteWmultfragMer-ho Amber Brown https://wakelet.com/wake/psEfnU0OOz01xPbNS3zZ6
ReplyDeletemyoficorlent