HNEHTU AW RÂWL - 44

Chhûn ni sen sat vânglai a la ni chiah lo va, Ruala leh Thangneuvate chu tlâng thengthaw nuam takah chawlin Chhawrtui khua chu an chhuk thlîr a. Nuam an tih thute sawi dunin an vaibel an pak khu hlarh hlarh a. An thlan a daih hnu chuan kal zai rêl in Chhawrtui khua chu an hnungchhawn ta a. Ni lênga an kal hnuah Chhawrtui perh târna hmun an thleng ta a, Neuva chuan, "En mah teh. Kal lamah khân ka rilru a nu deuh but bawk nen ngaihtuah nachang ka lo hre miah lo va. Lal Thanliana hi a lan ang ngawt hi a niin ka ring lo. Fing hle lo se chu heti khawpa ram zau hi a nei hauh lo ang." a rawn ti charh charh a, Ruala chuan, "Ni e, a thlah kal zêlte'n an la chhuang viau ngei ang." tiin a lo chhâng a. Sairêngi chu a mitthlaah a rawn lang a, a fa a lo pai hlauh anih chuan Lal Thanliana te pafa in an enkawl sei lian anga, Lal huaisen leh fing tâk a la nih ngei pawh a ring. Zan riah an han bâr zawh hnu chuan meipui chhepin a piah mei ên tâwk vela hlaah bûk pawh sa buai lem loin titi pahin an mu a. Chhûmtei chanchinte sawiin Thangzînga fa Zathangi'n a han pai maite chu mak an tih thu sawiin an nui dûn hawk hawk a. Mahse, rei tak titi loin a tûk vârṭiana chhuah tumin an muhil ta vat a.

Chhawrtui khaw Lal inah erawh Thanchhûnga chuan a nupui thusawi zawng zawng chu a han ngaihtuah vang vang hnuah, "Pawi ti rêng rêng suh. I thiam lohna pakhat mah a awm hlei nêm, kei hian i lakah zêp ka nei a, hrilh che duh viau ṭhin mah i la, ka ngam ngang ngai si lo va. Tunah erawh ka hrilh ngei che a ngai ta. Kan rawlthar ve ṭan ve ik ek chauh tih laia thil thleng kha a ni a. Kan khuaah hian hmeithai, a fanu, rilru lama rual ban lo nena khawsa hi an awm a. A fanu chu a hmêl a ṭhain keini aia u deuh mah ni se, kan thlîr ve vawng vawng fo a ni. Mahse, rilru lam a dik lohna nei anih avâng khân tuma'n ngaihzawn tinah an tin ngai lo thung a, a khât tawkin a bo va, kan khaw tlangvâl hoin an zawng luih luih ṭhin . Ṭum khat chu sava vehin dâi ka hrût a, ka duh tâwk ka perh thlâk hnuah tui in tûrin lui lam ka pan a, chutah chuan chu hmeithai fa, rilru lam dik lo chu saruak veka a lo inbual ka zu hmu a. Rawlthar ṭan tîr, thisen lum ṭhat vanglainhun hmang chho ka ni bawk nên hmuhnawm ka tiin ka en ta reng a. Chutia ka en reng lai chuan min lo hmu ta thut mai a, mahse, tlân chhiat emaw, kal sawn zâi rêng ka rêl hauh lo. A taksa mawina khan min hneh ni berin ka hria. Mahse, amah zawk chuan min rawn pan a, ka hmaah saruak ngal ngata rawn dingin zaizirin min thlêm ta a. Mahse, ka inngaihtuah harh a, ka pa'n, "Tiang rilru lama rual ban lo leh, pian phung a rual ban lote hi ngaih chî an ni lo. Khuanu vohbîkte an nih avângin khuanu hremna tawn a awl." tia min hrilh ṭhin kha ka hre chhua a, kal sawn ka tum ta a. Mahse, ka kal sawn phal loin min chelh bet tlat bawk si, ka thisen lah a lo lum ve tawh bawk nên chu lai hmunah chuan thil ṭha lo tak ka ti ta a. Mahse, kha mi nî aṭang khân hmeichhe îtna hi ka nei ta ngai miah lo va. Kan inneih tirh a i bula ka mut chângte khân i duh i hmuh zawh loh hlauin i hriat loh hian ka inti phûr chawp nasa ṭhin hle. Mahse, tun hnuah erawh ka rawn pangai chho ve leh ta zawk a, ka tlangvâl hun chhûng zawng khan hmeichhia hian ka mit an la ngai hauh lo. He thil ka zêp tlat avâng hian min ngaidam la, Ruala fa i lo pai anih pawhin ka fa ang chiahin ka chawi sei lian anga, Lal ropui tak a la nih theihna'n ka kai hruai bawk ang. " tiin a nupui sam chu a chûl sak heuh heuh va. Sairêngi pawh chuan" Thil kal tawh chu theihngilh la. Kan hma lam hun hi nghakhlel takin i thlir dun zawk teh ang. " tih pahin a pasal awmah chuan beiin a muhil ta siai siai a.

Rualate'n Tlungvêl khua an thlen chuan ranngo zawng angin mipui tam zawkin an lo ngai vek a, an hlawhchham emaw ti a, lo fiam tâwk lah an awm nuk nghe nghe. An zin haw thu leh an zinna chanchinte Lal hnênah an han thlen phawt a, ti chuan mahni in lam panin an haw ta a. Zathangi rai thu chu khuaah a lo khat tawh a, Thangneuva ber a rawn haw takah chuan a pa chuan Zathangi chhungte hnena palai tirh a rawn rawt ta a. Thangneuva chuan a nau nen a a ruala nupui han neih chu a duhin a châk rilru hle, mahse, a dil ngam chiah si lo. Mahse, a pa chuan, "Neuva, nang pawh i va thangna chanchinte zaninah hrilh la, in inbiak rem theih chuan palai kan tir ve dawn nia. In unauva a ruala in nei thei anih chuan hna hnih tur, vawi khat hnaah kan tlingtla tihna a ni mai." a lo ti a, a lâwm kher mai. Chu mi zân Chhûmtei te in lam pana a kalte chu a phûr êm êm mai a. In chhûng aṭanga Chhûmtei aw tliang râtin a rawn chhawn te chuan a phur kher mai. Mahse, in lêng dang an awm ve neuh neuh avângin a thu sawi tur zawng zawng te chu a la dah ṭha rih a. Lêng hâwn âr a khuan meuh chuan a khuang har a ti tawh lutuk a, a thinur ru ṭûn tawh nghe nghe. Tlangvâl lêng ve te an chhuah rêm veleh Chhûmtei nu pawh rawn tho lehin Thangneuva thusawi chu an ngaithla ta a. Chhûmtei nu chuan, "Aw, ka fapate chu thlamuang takin i zarah an chawl thei ta. Ka va lawm em. Ka pasal pawhin a chhuang khawp ang che." tih pahin a mittui a hru mawlh mawlh a. Thangneuva chuan a tih tur dik tak a tih thu leh Chhûmtei a hmangaih vâng chauh va, kal anih thute sawiin nupuiah a han dîk ṭha leh a. An inbiak rem tâkah chuan lungawi takin zawlbuk lam a pan ta a.

Hun leh nîte'n mual an liam zêl a, Chhûmtei nên an inneih vela an luah luh nghal tûra Thangneuva in sak pawh an zo fel ta dêr mai. Lal Rothanga thu hniala khaw daidoa awm thlang zawktu Thangneuva chu tlangvâl zawng zawngte ngaihsân leh tluk loh en a an en a ni. An unau nupui neih nî a rawn thlen meuh chuan favâng awllen a hnai tawh hle a. Khawtlângin awmni khamin chu inneihna ropui chu an lâwm a, ruai ropui tak ṭhehin an ri hut hut mai a ni. Chhûmtei nu chuan a fanu khiangawi tur chu mittui nen, hlim takin a thlah liam a, Chhûmtei mittui tla hrûk hul saktu Thangneuva chuan hringfate zinga mipa hlim ber niin a inhre hial a ni. Lâwi ṭhat zàn a han thlen chuan tlangvâl rual ho chu an phûr kher mai le. Thangneuva te unau chu phuar hlâwmin an inchhûngah ve ve an han dah a, inhnuaiah tawm khawmin an nupuite'n phelh an tum laite chuan lo âuin an zak tlân let leh rual chuan in ban te chu an han sawi nghing leh ṭhin a, an hlim dar dar hle. Mahse, rei tak ti buai loin nupa tuak tharte tana hun hlimawm rawn thleng tur chu an lo kian ve ta a. Thangzînga chuan a nupui rai puar ve ṭan tawh chu a pumah duat takin a chûk sak heuh heuh va, a mipatna chu lang chhuak nasa hle mah se, tih chî a ni nge ni lo a hre si lo. Chutia a inngaihtuah vung vung chu a nupui chuan, "engah khatia i ngawih tak vung vung le?" tiin a rawn zawt a, Thangzînga rilru kal ding lutuk chuan, "U Zabuanga pêm ta kher kher kha aw. La awm se chuan ka zawt ang maw le." a lo ti ve thunga, a thusawi awm zia Zathangi'n a hriat chuan a nui nasa hle. "Mipa zawk i nia, i thu thu a lawm." tih pahin Thangzînga chu a han hnaih sauh a. Chutah Thangzînga chuan inngaihtuah vung vung pahin, "A pawi lem lo ang." tiin a nupui chungah chuan a lâwn nghal thak a. Thangneuva pawh Chhûmtei chungah chuan lâwn kâiin a kawhtebêl chuan luhna tûr a zawng ta rak rak a. A kaw awmna a han hawlh fuh ruala Chhûmtei na ti lo îp châwihte chu Thangneuva chuan a va ngaisâng teh lul êm. "U Neu, dim deuh ka aw." a rawn tih sap phei chuan Thangneuva chu a khûr chhe lo chauh. Hmeichhe thianghlim laka a han zâm viau pawh hi a âwm lo hran lem lo ve. Chutah zawi muanga nawr lûtin, a luh zawh meuh chuan Chhûmtei mittui chu a luang zawih zawih tawh a, Neuva chuan," Kan duh tawk rih dawn em ni?" a han ti a, mahse, Chhûmtei chuan, "A na a reh tawh em" ti a, dawt vâr sawiin a lo kuah vat a, Thangneuva nuam ti taka a sûk tluk tluk laite chuan nâ a tiin theih ni phei se chu ṭah vak vak a châk hle. Mahse, a rei tial tial a, natna chu nawmna in rawn chiah chhoin Thangneuva'n a beih ngawrh poh leh a nawmna a nasa chho ta. Chhûmtei chuan a awm dân chu hriatthiam har a tiin a vawikhatna a lo ni bawk nen, a taksa zawng zawng a zat chuai chuai lâite chuan a khŭr deuh hlawk hlawk a, a â ruai mai a ni. Thangneuva a bula thaw hlawi hlawi chunga a rawn mut thlâk rual chuan a lo nuih sen sen a, ti chuan hlim takin an muhil ve ta siai siai a.