HNEHTU AW RÂWL - 9

Behliang mun hun velah Upa Buangthanga pawh Lal in aṭanga rawn chhuakin an in lam panin a kal hnak hnak a, an khaw pa te zînga mite râwn hlawh ber pâwl leh rualkawm thiam a ni a, a tawh apiangte nen ṭha takin an inbe zêl a, naupang lo infiam nak nakte chu a han chhawnchhaih leh rih ṭhin a, naupang hnap tla pêr pûr a lo awmte lah a pawm nawlh a, a han hruk fai sak leh tâwk tâwk ṭhin bawk a, naupang aṭanga puitlingte chen a an zah rawn leh ngainat a ni tih a hriat hle. An in a thlen dawn hnaihah chuan an kawmthlang nu Pi Chalchhûmi kawtchhuah lam lo thlîr reng chu a hmu a, "Kha, dauh dauh mai a, enge maw i thlîr le?" a han ti a, Pi Chalchhûmi chuan, "A, Buanga pa, Chêmtei te thing phur hi an lo la haw ve thei tlat lo. Ka mang a ang ru deuh riau a ni." a lo ti a, a aw aṭang chuan a hlauthawng tawh tak zet tih Upa Buangthanga chuan a man thiam nghal a, "Tu te nen nge an nih?" a han ti a Pi Chalchhûmi'n, "Kan Lal tunu Rochâmi leh an ṭhian Chhâwnzauviite nen an nih kha maw le." tia a chhân hnu chuan Zabuanga thing lo ek mêk chu ko nghalin, "Lal inah chanchin lo han thlen la, kei zawlbukah ka lo va kal ange." a ti a, rang takin an kalna tur lam ve ve panin an kal ta nghal a. Tlangvâl awm ang ang chu khaw dai lamah kalin Rochâmite ṭhian thum chu an vâk ta a, Zabuanga rilru chu a hmanhmawh kher mai, a hmangaih Rochâmi chuan buaina enge maw tak a tâwk ang tih a hlau hle. Unau hmêl hai hun vêlah chuan, "He ta hi Liansângi kan hmu e." tih ri an hriatna lam chu an vaiin an pan nghal a, Liansângi thing a kut an phuar beh sak chu a hlau lutuk a lo thi dang ṭhelh a, a hawi â hru bawk. Val Upa Zaluaia chuan tui a han pe a, "Liani hlau tawh rêng rêng suh. Kan awm tawh hi. Tute'n nge hetianga kal san che?" tiin aw nêm takin a han zâwt a, Liansângi chuan khur der der chungin, "Chhûnkhûm mikhualte khân. Châmi leh Chhâwnite an man a, a tlan chhuahna'n U Zabuanga Tumpâng lu kha an ngiat a ni." a rawn ti thâm ṭiak a, chu veleh Zabuanga chu a rawn ter ta at mai a, "Khualkhuaah khati khawp khân zah hre lêk loin an rawn che a, chutah tenawm takin an chhuak leh nghal. An lu ka va han la dáwn chiang tak êm." tiin khaw lam pan nghal mai chu a han tum a, mahse, Duhlaia chuan um zui nghal vatin, "Buanga, in ngaihtuah chiang teh. Hrangseia kha pasal fing tak a ni a, tunah hian i tân thang a kam tawh ngei ang. A lo châng tawh ngei che anga, i va thi ngei bawkin a rinawm. Chu vângin inngaihtuah harh la, rilru fîm tak hmang ang che." tiin a han zilh a, Zabuanga pawh chuan inthlah dul riai riai pahin," Ka tihpalh a ni. Khaw lam i pan vat teh ang. "a ti a, ti chuan khaw lam panin hmanhmawh takin an kal ta a. Zanah Lal inah pasalṭha leh val upate chu kal khâwmin Lal leh upate nen ro an han rêl a, Lal Rochuha lu kai deuh tawh chu a thluak a nu but mai a," Ka tunu an ru ngam a maw? An khua saw kan hal darh vek tûr a ni. " tiin a men deuh pûr reng a, ro pawh an rêl hlei thei meuh lo. Upa Min Vawrliana chuan, "Ekhai, engtin nge kan Lal tunute chu kan va chhanchhuah anga, engtin nge kan va chêt ang? An thil phût hi pêk chi a ni em?" a han ti dek dek a, Lal Rochuha chuan, "A teuh lo, Zabuanga Tumpâng lu khu Upa Buangthanga te banglaiah a intâr reng tur a ni." a rawn ti ṭeu hlar a, chu veleh Upa Buangthanga chu rawn ding chhuakin, "Ka ngaihdan ka han sawi ve ange. Kan lal tunute tlanna'n chuan kan Tumpâng lu khu kan ui hauh lo. Mahse, an duh anga kan va chêt mai chuan kan tlawm hle tihna a ni ang. Chhûnkhûm khua hi ṭum li lai ka lo kal tawhna a ni a, a khaw thlêng a pharh zauin a rem hle a, in zathum nufa zet an ni a, an zawlbuk pawh a lian hle. An Lalpa Saichhînga hi Lal kawlhsen ve tak a ni a, tûn hma phei kha chuan a ho ngatin paihte ho an rûn a, sal atân an hâwn ruih ruih ṭhin. An khaw luhkhân hi pakhat chauh a awm bâkah an khaw innghahna tlâng hi a sâng êm a râl lakah pawh an him hle. Mahse, sathar khâm an tih mai lam aṭanga hêl chuan awl sam takin a luh theih a, khâm lâwn erawh a ngai thung. " a rawn ti a, chu veleh Upa Min Vawrliana chuan," Buanga pa sawi kha kan hrethiam tlâng em? A kal khân sawi aṭanga kal kan inhuam chuan awlsam takin khua kan lût thei dawn a tihna anih chu. Kan val upate khân in inhuam chuan naktuk zîngah chhuak nghal u la, a kal tûrte pawh inthlang fel vek u la. Kan lal tunu leh a ṭhiannu chhanchhuah dân tûr pawh nangni a kal tûrte'n rêl u la a fuh berin ka ring." tiin Lal Rochuha ai chu a awh zung zung a, Lal Rochuha hming hliauna tûr a khuh hneh zia chu an hmuh ve vek avângin an upa min chu an ngaisâng thar hle a, a rorêl dân lah an pawm zâwng tak a ni bawk. Val Upa Zaluaia chuan," Kan inhuam e. "a rawn ti a, Upa Buangthanga chuan," Sialsîr lamah kal ang che u, zan khatin in hma thei ang, mahse, ramngaw chhengchhe tak in paltlang a ngai dâwn thung. Hrangseiate hnu chhui tûr erawh tlangvâl panga awm bawk se, sathar khâm chu chhim lamah a awm a, a thlangah lui a luang bawk, luikam hmun remchâng laiah in inkhuar anga, in innghâk vek dawn nia. "a rawn ti ve bawk a, Lal Rochuha ber a râwn tlâk tâk si loah chuan a upate zînga a rin ber pahnih chuan thu an pawt chat ta zung zung a, ti chuan an rorêl zo fel vatin an ṭîn ta a. Lal chhungkua leh Upate chu Rochâmite in lamah leh Chhâwnzauvite in lamah kalin, an fanute ngaihtuah êm êm tu, an nu leh pate hnêm tûrin zan rei tak thleng an lêng nghe nghe.

A tûk zîngah chuan kawtchhuah lam panin rammu tûr ho chu an kal hum hum a, Lal leh upate'n an rawn thlah hnu chuan kal zai an rêl ta a, Hrangseiate kalna lama kal tûrin Duhlaia hovin Rualate ṭhian thum chu an kal a, Zabuanga erawh Val Upa Zaluaia nen tlangvâl dang zawng hruaiin Sialsîr lamah an kal thung. Rualate chu nilênga an kal hnuah riahbûkte sualin zan lam chu chawlh hahdamna'n an hmang a, khawfing chah ruala kal lehin khua an hnaih leh hnaih loh hriatna'n a thingkung lêra an han lâwn tih loh leh tuibur hmuamda chhung vêl chawlh an hmang zawk zawk tih loh chu an kal chak khawp mai. Hrângseiate pawh an hmeichhe man pahnihte chu an kal ṭha duh dâwn chuang lo tih an hriat avângin an pu nawlh ve ve a, an theih ang tâwka chaka kal puiin an chauh chhiat tak tak hmaa an inchhâwk zêl avângin an kal chak ve hle. A ni thumna unau hmêl hai velah chuan Rualate chuan an chhak lawka Chhûnkhûm khua chu an hmu pha ta, "Zaninah khua an lût ngei ang." tiin Ruala chu a han phun sap a, Duhlaia chuan, "Ni e, pawi ti suh. I uin ruahmanna fel fai tak a lo nei tawh ngei ang. Rin ai takin an kal chak thei a, kan pha ta ngang bîk lo a ni. Nikhat pumhlum tawp chu la nei i la chuan an lu kan ka phiar mai tûr. Riahbûk i sual phawt teh ang u." tiin hmun remchâng lam melh turin an kal sawn ta a. Lêng hâwn âr a khuan âl âl lai chuan Pasalṭha Hrangseiate pawh an Lal inah an lût ve chiah a, chutia an pasalṭha zin tei vâkin nula pahnih a rawn hâwn ta mai chu mak an ti hle. Lal Saichhînga chuan thil awm zia a han zâwt a, Hrangseia chuan, "Lalpa, anni khua kan va luh khân mikhual an lawm loh thu min hrilh hre vat a, mahse, zan khat lek tal riah kan dil avângin min phal sak hrâm a, Zawlbuk kan han lâwi a, kan riah leh ngam tawh lohna turin an ti a ni ngei ang, tlangvâl ho chuan tâwp chin rêng nei loin min buan ta a, mahni tawka kei ka ni inti ṭhiau ni mah se i tlangvâlte hi kan feiin kan chhel teh a sin, mahse, khati zâta tam hneh vek ngaihna awm tawh hek lo, kan tlâwm ve ta a, mahse kan tlâwm tawh hnuah pawh min la buan lui zêl a, thinrimna tihlan chî ni si lo chu kan tuar tlawk tlawk mai a ni. Zanlai âr khuan hun velah an duhtâwk ve ta hrâm a, bawhbêl bul kan chang ṭawk a ni. Chutah zun zung apiangin min rap harh reng bawk. Zîng khawvar rualin rawn haw kan tum a, he mite dai kal haw lam hi kan hmu a, phuba lâkna'n kan rawn hâwn ta mai a ni. Tin, ka sawi hmaih chu an khua kan luh dâwn hian Tumpâng chal ṭha tak, ka bang laia ka târ aia ropui khu ka kâp nghe nghe a, an khaw ram chin a lo ni bawk nen tiin an khuaah hian kan keng lût rawk mai a, a sa pawh kan chan tawh loh bâkah a lu phei chu an pasalṭha a an chhâl ve pakhat Zabuanga an tih maiin min chhuh bawk. " a han ti a, chu veleh Lal Saichhînga chuan rawn thawt zawt pahin," Hrangsei, khual kâi pasalṭha chuti khawp chuan an lo zah lo che a maw? An va han châk dâwn lo êm. Engtia phuba lâk nge i duh? "a han ti a, Hrangseia chuan," Lalpa, ka hmeichhe rawn hawnte hi an rawn lam ngeiin ka ring a, chu vângin inring rengin i lo nghâk zâwk teh ang u. " a rawn ti a, chuah Lal Saichhînga chuan," A ṭha, naktukah ralvên bûk kan thawm ṭha vek ang. Tin, he hmeichhe pahnih hi ripah kan khung dawn nge? "tiin Hrangseia chu a han râwn a, Hrangseia lah chuan fing zetin," Lalpa, i inah ngei hian awm rih se la a ṭha ang. Hmeichhe âwmnêm ripa khung êm zawng a zahthlâk mah mah e, mahse, pakhat zâwk hi chu ka sal atân min pe phal la ka ti hle mai. "tih pahin Rochâmi chu a han kâwk zauh va, Lal Saichhînga chuan," A ṭha alawm. I ta a ni e. "a rawn ti a, ti chuan Hrangseiate chuan Lal in chu chhuahsanin an in lam ṭheuh an pan ta a.

Hrângseia in zu thleng chu a nu leh pate bâkah a farnu Thanmawii leh tlangvâl pahnih hi an lo awm a, a pa chuan," Ekhai, i lo haw ta maw? Kha khawi lam nula nge? "a han ti a, Hrangseia chuan," A, ka pa, ka va zinna lam a mi anih hi" tih ringawta chhân pahnih tlangvâl pahnihte chu a han melh zawk a, "Mikhual kan nei em ni?" tiin a pa chu a zâwt lêt a, a pa chuan, "Aw hei, Sialsîr upa min fapa leh a ṭhianpate an nih hi. Ranngo zawngin an rawn kal a, hei, tukin lamah khân an rawn thleng ve chiah a ni." a rawn ti a, Hrangseia chuan thâwk deuh huai pahin, "Ekhai, chuti hei, kan Thanmawiite hi hawn daih rawh u. A lêng tar mai ang." tiin mikhual tlangvâlte chu a han bia a, Thanmawii chuan, "Awi, ka u ṭhin hi a. Nupui thar neih vâng mai a. Min nin nghal ngawt le." a rawn ti a, chu veleh mikhual tlangvâl pahnihte chu an lo nui dûn hak hak a. Rochâmi erawh khatia in an luh ruala an khaw tlangvâl pahnih a hmuh hlawl rual khân mak tihnain a khat a, a ṭawng chhuah ṭhelh anih kha, mahse, Hrangseia zawkin a rawb ṭawng khalh hnuah an lemchante a hrethiam ta a, a thaw pawh a veng deuh huai tawh nghe nghe. Hrângseialeh mikhual tlangvâl pahnihte chu rei tak thleng an inkawm hnuah Zawlbuk lam panin an kal tlâng ta a, Rochâmi pawh Hrângseia farnuin mutna tûr a hrilhnaah chuan a mu meng kur a, a hma huna thil lo thleng tûr chu a suangtuah ringawt pawhin a hnuk a ulh ṭûn nghe nghe. Mahse, a rin loh dân deuhvin zanlai arkhuan thlengin Hrângseia chu a rawn lang ta lo va, mahse, zanlai ar khuan hnu lawkah thâwm a rawn awm ta. Rochâmi chu a ṭap deuh nghal pûr tawh a, a khŭr ru der der bawk. Mahse, a hmuia kutphah hlai takin a rawn hup paha a beng bula, "Châmi keimah." ti tu âw zawk tak a hriat rual chuan a thaw deuh huai a, Zabuanga kut chu vuan vatin Zabuanga'n a kaihthawh hnu chuan an chhuak ta nghâl a, kawtchhuah an va thleng a, Roliana chuan rang takin a farnu chu a rawn pawm chawt a, Rochâmi pawhin a nuṭapa a han hmu chu a lâwm tih hriat takin a mittui luang karah chuan a nui lui hrâm hrâm a, rei pawh an la awm hmain Chhawnzauvi pawh Mankûnga'n a rawn hruai ve bawk a, "Lal in chu Ruala kutah a awm tawh e, Lal fanute pawh an lo kal mêk tawhin ka ring." tiin a rawn nui var var bawk. Rochâmi te ṭhian dûn in han inhmu leh chu an hlimin an lâwm hle a, inkuah chawt pahin an ṭap dun hlawp hlawp bawk.

Kawtchhuahah chuan an khaw tlangvâl sawmhnih vêl an awm a, an thil tih tum pawh hmeichhia mah ni se, an hre chiang hle. Tuibur hmuam da hnu velah Hrângseia farnu Thanmawii bâkah Lal fanu Sairêngi leh a nau Saimawiite chu an khaw tlangvâlte'n dîm bak sak loin an rawn hruai bawk a, Rochâmi chuan a chan ang hmeichhe dangin an han chang ve tŭr chu a lainat ru angreng hle,a bîkin Thanmawii phei chu zan lama ṭha taka be tu a ni tlat. Mahse, Thanmawii berin rawn kawh siah paha, "Nang hian ka u i bum a maw?" a rawn tih rual chuan a rilru chu a inthlâk leh nghal vat a, Thanmawii a hmui an hup beh sak avânga ṭawng thei tawh loin rum taka a rawn melh chu nuih sak pahin a hawi sawn san hmak a, Roliana chu panin,"Rova, nang chu kal ve lo la." a va ti a, Roliana chuan, "Ni lo ve, i tân phuba ka la dawn a ni." a lo ti bûl hmuk a, mahse, Duhlaia chu lo inrawlh vatin, "Lal tupa Roliana leh Mankûnga hovin râwlthar paruk kha bûk lamah lêt leh u la, kan hmeichhe mante leh kan khaw nulate hi in lo vêng tûr a ni. Silai pahnih kawl ang che u. Hun kan ngah tawh lo e, i kal vat ang." tiin khaw lam pan chuan tlangvâl ho chu Zabuanga nen an hruai ta nghal a, tlangvâl hawklak zual ho chuan," Rova, zu che nasa lutuk suh u aw. "tiin an rawn chhaih zui ṭawk ṭawk a.

Rolianate'n bûk an zu thlen chuan a la thim ṭha hle, meichher nen a kal ni mah se hmeichhe ho phei chu an inchhuih pilh phung a ni. Lal fanute pahnih chu an phuar behnaah chuan an ṭap deuh pûr reng a, Thanmawii erawh a meng rum ṭha âl âl hle, pasalṭha kawlhsen leh fing kherek tak farnu tih takah a nasa ve tâwk hle tih pawh a hriat. Rochâmi châu deuh chu rei lo têah a muhil thuai a, mipa ho erawh mei nun chawpin an kîl a, an titi nak nak hlawm. Rawlthar rual thaza ṭheh ṭhawh ho chuan beisei an nei tih hriat takin an hmeichhe mante chu an han thlêk leh zauh ṭhin. Roliana ngei pawh a ngaihtuahna chu hruai pênin a awm ve ta tlat, Lal fanute pahnih, an phuar beh avânga an puan pawh siam ṭha thei lote malte lang var halh mai chu hmuhnawm an ti tlâng hle. Mahse, Roliana chuan, "Lal fanute hi chu kan khawih hauh tûr a ni lo. Pakhat erawh Lal fanu anih ve lohna leh ka farnu a ânkhum man kha a vânduai pui dâwn a ni." tih pahin Thanmawii lam chu a pan nghal a, Thanmawii phuarna chu phelh sak pahin hmun thim lamah chuan dim lêk loin a hnûk phei a, Thanmawii pawh ṭang ve nasa hle mah se, an hnung khirhna ber Roliana'n a phelh sak ve si loh avângin a pawhna lam lamah chuan a kal lo thei si lo. Roliana'n duh tâwka a han chen hnu chuan nui var var chungin a rawn lêt a, "Mana, i hun" a rawn ti a, Mankûnga chuan, "Ngawi teh, midang ka kian ange." tih pahin a nui deuh suk suk a, chutah rawlthar ho chuan a indawtin an va chên ve leh ta a, Thanmawii pawh a hma ang ngawt chu a ni ta lo, muttui luang zawih zawih chungin a ṭhu kawm ngul tawh mai a ni. Lal fanute hlau tih hriat taka hawi phawk deuh hru hru reng chu Roliana chuan, "Hlau suh u, in chungah eng thil mah a thleng lo vang." tiin a hnêm a. Mankûnga chuan, "Ni e, kan khaw lamah in awm tawhte pawh a ngai mai thei a nia." tiin a han tihṭhaih zauh va, Lal fanute meng zuai nghal raih a hmuh rual chuan a nui deuh suk suk a. An ṭhiante'n khawfing chah ruala khua an beih ṭan dâwn chauh avângin pahnih tih loh chu bûkah lûtin an mu ta hlawm a. Roliana leh Mankûngate chu Rochâmite mutna lamah an riak ve ta thung a. Khaw fing chah dâwn hnaihah chuan Mankûnga chu a harh hlawl a, amah lo sawi nawk nawk tu hnênah chuan zawi deuh sapin, "Enge?" a han ti a, "Ka zun a chhuak lutuk. Mei a rêm vek tawh si." rawn titu Chhâwnzauvi a ni tih a hriat rual chuan tho vatin pawn lamah a chhuah pui ta a, Chhawnzauvi zun zawhah chuan bûkah lut ve tawh loin mei chu a han chhawm ṭha mawlh mawlh a, a chhawm ên hnu chuan mei pui an chhehna piah lawk a, an mimante veng tura an dahte lo muhil bawrh bawrh chu a hmu a, a nuih a za ru angreng hle, an mi mante lam a va en leh a, lal fanute pahnih chu rem leh rem loin an lo muhil ve suk suk a, Thanmawii erawh a lo la meng kar thung, a mittui luan thlâkna val kulh leh a sam thur bem bumte chuan a ti hlauhawm angreng phian lehnghal. Roliana pawh a rawn chhuak ve hlawl mai a, "Mana, kan awmna hi a ruam a thûk deuh bawk a, thâwm pawh hriat loh a awl dawn hle mai a." a lo ti a, Mankûnga pawh chuan, "Ni e, khua an bei ṭep tawhin ka ring. Va mu leh rawh ka lo meng ang." a ti a, Roliana chuan, "Va mu leh zawk teh, ka harhna a rei tawh U Chhawnzauvi'n a sawi nawk nawk lai che pawh kha ka hre vek alawm." a rawn ti a, Mankûnga chuan, "Va kal pui mai ta che, chungte." a rawn ti hlak a, Roliana chuan nuih sung pahin, "Mi ko miau hek lo. Va mu leh rawh." a rawn ti a, Mankûnga chuan thawh ṭuih ṭuih pahin, "Ti khan khawvar thleng vêng ang che. Mawl lutuk." tih pahin bûk lam a pan san nghal a. Chhâwnzauvi lo khur deuh hlak hlak chu Mankûnga chuan, "U Chhâwn, a vawt i ti em ni?" a han ti zawi sap a, Chhâwni chuan, "Ti êm em lo e." tiin a lo chhâng a Mankûnga chuan a pang a han deh sak a, a lo sa vur mai a, chu veleh a paun sin lai leh Roliana puan nen a han sin thuah tir a, mahse, Chhâwni tlun chu a reh lawk thei si lo, a mangang chuan a inthawlh sawk sawk a, a kuah lum ta ringawt a. Khawfing chah lai vel chuan hla taka silai puak ri chu a hre ruai ruai a, Chhâwni'n, "An bei ta a ni maw?" a rawn tih chuan a lo bu nghut a, Chhâwni tlun pawh a reh tawh a, a pang sa te pawh a rawn dai ta diak a, chutah a lum a tih avângin an puan sin thuah pakhat chu a han thehsawn a, pangai takin a rawn mu ṭha ve leh a, Mankûnga chuan mut sawn a han tum deuh na a, Chhâwni taksa si lo a han awm chu a ui ngang bawk nen, a muhil der ta ringawt a, mahse, Chhâwni inlet kualin a mipatna tho lah a mala a rawn hrût thuak rual chuan a meng kâwk a, Chhâwni pawh a tâwp ve chawt tho mai, Mankûnga chuan a huaisenna zawng zawng hmangin Chhâwni lam hawi chuan a han saisîr a, chutah a han kuah ta chawt a, mahse, Chhâwni'n engtin mah a lo tih loh avâng chuan a ngampa deuh sawt a, chutah zawi muangin a han lâwn kâi ta a. Chhâwni na ti chu a râk hman teuh kher mai, a inhup hman hrâm hrâm a ni. A mittui erawh a luang zawih zawih thung. Mankûnga chuan a fan ngai loh ram a fang chu nuam a ti hle, thâwm dim ngai hle lo phei se chu a che na viau nge ang. Thawm dîm thei ang berin, a theih anga ranga a han beih ṭang ṭang hnu chuan a zo fel ta, Chhâwni pawh a insiam ṭha nghal vat vat a, pangai takin a mu ve leh ta a. A thianghlimna, amah chhanchhuaktu hnêna a hlan chu inchhirna a nei lo va, pawi tihna a nei hek lo, an khaw tlangvalte zînga an chhuanvawr ni chho mêkte zînga mi, nakin lawk a pasalṭha huaisen tak la ni ve mai tûr chu amah aia naupang zâwk ni mah se, hlau leh khûr chunga mutmu pawh tuah thei lo va, a awm lai a rawn chhan chuah aṭang khan a thinlung a lo hlân fel diam tawh a ni.