THAI KÂWI

Lalnu Sangliani'n a laizawnnu a han hmu chu kuah nghal thlawpin rei tak inhmu tawh lo an ni bawka, an inngai dun viau a ni ngei ang. An ṭap hawm hawm bawk a, hlim tak leh ngaihngam taka a pa Lalna ram chhuahsan tu Lalnu Sangliani'n a seilenna khua a luh leh meuh chuan a pa hmel hmuh tur a awm ta lo. Lalnu Sangliani chuan a fapa Ramtea chu he khuaa a hruai ve tawh anih avangin hmelhriattirna te a nei lem lo a, a fanu erawh koin Parmawii, Biakmawii leh Sangzuali te chu a hmelhriat tira. Parzaliani te nufa pawh chu Lalpa Rengliana chuan Sangliani te chhungkaw hnenah chuan in hmelhriattirna te e nei ve bawka. Chawiliana chanchin an han hriat chuan an khawngaih hlawm hle a, hman lawka sapui laka an khua lo chhanhim tawh tu anihna kha an la theihnghilh bik lo hle. Zanriah kil lai chuan Lalnu Sangliani chuan "Biakte pasal neih i tum lo em ni? Mawitei i dal riaua ka hriat tlat chu le?" tiin a han fiam a Sangzuali chuan "Ka u, a nei ve ngei dawn chiang alawm, lo ngai...

Thangkunga leh Upa Chhuanthanga haw chu kawng tluanin an inbe mang lo a, an thina rim dun hle mai Lalpa Dohranga thlarau zahna nei lo chu nise thih huamin Damdep Lal inah ngei khan thisen an luan tur ngei ang. Chhuanthanga chuan "Thanga khua kan thlen hunah Chawnga hnena thu thlen dan kan thiam hle a ngai dawn a ni." a han ti charh charh a, Thangkunga paw'n Chhuahchawnga thinrim chu dan mai mai chi a nih dawn loh bakah a chet dan tur chu suangtuah phak bak a ni dawn tih a hria a, ral ramah an kal dun fo tawh a, an naupan deuh lai te phei chuan an che rawva ve thei hle anih kha, mahse Chhuahchawnga hi a che nunrawng zingah a tel ve ngai hauh lo a, mahse tunah erawh a chet dan tur chu suangtuah ngam chi pawh a ni tlat lo a ni. Thansanga chuan Lalpa Rengliana chu biaiin Damdep khaw lama kal ngei a duh thu chu a sawia kut a thawh dawn loh thu leh Lianmawia khawih tute hmuh ve hrim hrim a duh thute chu a sawia, Lalpa Rengliana pawhin a hrethiam hle, anihna takah chuan Lal...

Lo sul haw hun a ni a, naupangte chu kawtchhuahah an nu leh pate, an ute lo haw hun nghakin an awm khawma an ri ve chel chul mai a, an nu leh pa leh an unaute hmu hmasa apiangte'n pan chatin mahni in lam ṭheuh panin an inchhawm hnak hnak a  Pasalṭha a nih theihna'n a hming chher ṭan ve mek Lianmawia chuan a awmna ram chin a thlirin buk lama let leh rual a ni tawh lo a, hun ngaihtuah lo lekin a sanghal kah hliam hnu a lo chhui tih a hre chhuak a, zia lo a ti hle mai, a awmna hmun hi khawi khaw ram nge tih pawh a hre tawh si lo, a sanghal chhui mek hnu lan dan aṭangin a tuk lamah chuan a tawn tawh ngei a inbeisei bawk a, buk lama let lo a chhui tlang law law a duh ta zawk a. Buk lama ei rel mek Chhuahchawnga leh Thangkunga te erawh an rilru a nuam zan lo hle,an chhak lama thawm rawn ri thla rawk rawk chu an han en a, sakhi tuai paw bahlat chunga Kapthanga lo lang an hmuh chuan an thaw huai nghe nghe, mahse Kapthanga'n "Khawnge Lianmawia" a rawn tih rual chuan a...

Lal Saingurliana chuan "Sangte nangni pathum hi chu kan hre tawh che u a, in va inlan hi a him lo a ni, Hminga hi kan rin mai angai ang, kan va luh ringawt kha kan tan a him tlat lo" a han ti a Thansanga chuan Hmingthanga chu ngaihtuah hle mah se kawng dang a hre bik si lo. "Hminga fimkhur takin kal la, khaw mawng lama mi rethei te chenna lamah thlen in i zawng dawn nia, khaw chhung thlithlai kha hna pawimawh berah nei la, tin an Lalpa laka hel rilru pu te hriat chhuah i tum hmasa ber dawn nia, zanin leh naktuk nilengin i hna i zo tur a ni, zan lamah kan vaiin khua kan lut ang"a han ti a. Hmingthanga hmelah chuan zamna a lang hauh lo a phurna a lang hial zawk a ni. "Sanga min rin hi a hun ve tawh reng a ni, in thlazar hnuaia ka awm reng zawngin in awm loh thut hunah ka che nawi viau palh anga sin, hlauthawng suh u in duh ang ngeiin engkim tih vek ka tum ang tih ka tiam a che u" tiin a kal ta nghala. Thansanga te chuan a kal liam tur chu an thlir vawng...

Chawiliana chu a ni telin a in enkawl uluk chho mawlh mawlh a, a fapa chu hmuh a chak em em a, a pian phung leh hmelte chu a lo va hmu chhuaktu Kapthanga chu a zawt chhen reng mai a ni. Kapthanga lah chuan chhang ṭha duh loin "Han in enkawl ṭha la i hmu mai ang" tiin nui ṭut ṭut chungin a han chhang ṭhina, Chawiliana hmel pawr fip fep te pawh a ni têla rawn danglamin Kapthanga te nupa pawh an lawm hle mai. Thangkunga leh Chhuahchawnga lah chuan Chawiliana chu a engahmah a hmain an phur pui em em maia, ni rei tak nun mumala nung tawh lo chu tia afapa vanga a rawn harh chhuak chu hmuh nuam an tiin an lawm pui hle a ni. Ni hnih zet Tuipang khua chu an enthla ta, a hma ang chu nise ngam pa taka lutin an duh danin an va che leh ngei ang. Mahse, tunah erawh a dan a dangin an luha an duh dan anga an va chet ringawt chuan an tan a ṭha lo thei tlat. Dammawia chuan "Khuaah hian ka lut anga enge chanchin thlithlai ka va tum ang, nang erawhin min lo veng reng thung dawn nia...

Zoliani'n nau a vei mêk lai chuan Chawiliana chu sum hmunah dingin a fa lo pian hun tur chu a nghak a, leihkapui lamah Thansanga leh Hmingthanga pawh ngawi renga dingin nau thar lo pian hun tur chu an nghak a, rei tak an nghah hnu chuan naute ṭap ri an hre ta. Chawiliana chu rang lutuk a inchhunga tlan luh a tum lai tak chuan a nu Ṭialthangi chu mangan hmel taka rawn chhuakin Chawiliana chu lut rih lo turin a han hrilh a. Chawiliana chu a hlauthawng kher mai, Thansanga leh Hmingthanga a bula rawn ding vatte chuan a ngaihna hre lo takin an han melh a. Tuibur hmuamda hnu velah an khaw nau chhar thiam Dengruali chuan naute rawn pawm chhuakin "Chawia fanu i nei e" a han ti a Chawiliana chuan a fanu chu en vang vangin Dengruali chu a en leh a, "Zotei enge a an?" a han tih ruala Dengruali hmel danglam nghal chu a hai lo kher mai. "Chawia a nunna a thlah mek a ni" a han tih rual chuan Thansanga leh Chawiliana chu tlan phei nghalin, khuma Zoliani lo mu dang...