BUALTHLENG MAWITU 12-15
Rengliana chhuahvahna chang hre lo lutuk chuan Runthanga chu a ti mangang tawh tak zet a. Hetiang lam hawi a sawi pui lahin Rengliana thinrimna kai chhuakin, thiante pawh insualpui mai hnial lo khawpin a insum zo tawh thin si lo va, a tih ngaihna hre lo chuan Thansanga te thianho chu sawmin Rengliana te inlam a pan pui ringawt a. Rengliana pawh inah lo awmin a lo thu thluang duai a, chutia Runthanga te lo kal a hmuh pawh chuan lawm loh aiah tak tak a lo lawm der ve lek a ni.
An han thut atanga reilote hnuah chuan Thansanga te thian zaho mize ngai pawh chhuak leh tawhin a chang leh an ri leh awk thin a. Dammawia tawngkam vangte chuan an nui dar dar thin. Rengliana erawh chuan hre lo ang hmakin a en ngai a en ngut ngut reng a, Runthanga beidawng lutuk chuan, "Hrilkunga pawh chu a va dam har ve mawle. Hetiang reng kan nih ai chuan Hrilkunga chu kal ve lo mai se a tha zawk mahna" a ti rilru vawng vawng a. Mahse Dammawia'n, "Sawbual ngawah khuan tumpang chal kiu ri hmanniah Thansanga pa in a hria a, chan tumin Val upa Ruma leh midang pawh an kal" a rawn ti chiah chu Rengliana chuan rang fahranin, "I chiang chiah maw, Mawia" a rawn ti a. Dammawia lah chuan, "Hre chiang e a, in kal ve chuan buk nghakah min hruai ve teh u. Hrilh che u kan duh thin a, mahse inah i tawm bo reng zel si a. Pawna i thut chhuah ve lah hian i thinrim ber bur hmel thei bawk si a, kan be ngam ngai lo che alawm" a rawn ti a.
Rengliana pawh chuan a dik a ti viau mai. A nau a sunna la reh lo hi ning hle tawh mah se reh tur chuan a phal ngam lo va, hlim taka tual chai ai chuan a nau ngaia hun hman hi a la duh zawk fan thin a ni. A nauvin Chhuahchawnga te inneih sa tur zawnga an ramchhuah dawn laia tumpang chal ngei ka rawn hawn ang che tih paha Thasangi dar a ben thak thak lai te kha a mitthla dauh dauh va, a mittui a rawn hnam leh ta. Mahse naupang an awm bawk nen, inti pachang thuaiin "Runa, u Ruma te chu rawn haw phawt se kan kal ve dawn em niang. U Thanhranga pawh a phur viauin ka ring a ni" a rawn ti a. Runthanga'n a rawn chhan hma chuan, "Ka pa chu hruai ve lo zawk rawh u, pa faa ram chhuah zawng a nuam awm lo e mai" tiin Thansanga chuan a rawn sawi a. Mahse Runthanga chuan, "E, khatin an sawi ngai lo. Kan pate hi an hlu ber tih hriat tur a ni. I pa hian i tana tha lo tur a duh ngai reng reng dawn lo va, ani aia hmangaih tu che an awm lo tih hre reng rawh. Mi bulah phei chuan sawi reng reng suh ang che" a rawn ti charh charh a.
Thansanga pawh chuan, "Ka tihpalh a ni" a rawn ti ve a. Rengliana chuan, "Tihpalh tih sawi a ngai hleinem. Rawlthar nih inhnaih tawh a,nangni ang rual kan nih lai chuan in rilru ang kha kan pu ve fo thin, mahse a lo dik hauh lo va. Kan pate hi kan lo tluk tak tak ngai lo a ni. Tun ang hun hi nangmahni a inrintawkna inneih nasat vanglai tak a ni. Mahse kha inrintawkna in neih a kha chu a lem mai chauh a la ni tih hre reng rawh u. Nakinah phei chuan in nu leh pate aia thei zawk, mahni tawka thei ve tawh ni a in inngaih hun te ala awm ang. Chutih hunah chuan in chaknate kha in chapo pui anih chuan inngam loh in tawng thuai ang. Khuanun chutiang mi chu a dam rei a phal ngai lo a ni. Mahse inchakna te malsawmna dawng tlaka, midang tana inhman tangkai tlat erawh chuan tumahin an hneh thei ngai lo ang che u" a rawn ti ve bawk a.
Zanriah ei hun dawn thleng inkawmin an hawng ta a, chumi zanah chuan Rengliana pawh Zawlbukah te kai vein, Runthanga nen chuan Niliani chu an rim ve bawk a. An awm loh hlan khan Zathanga chhang chiah khan pasal a lo nei ve leh bawk nen, Pu Zangaiate inah pawh mi panga bak an cheng tawh lo a ni. Inleng dang awm ve mah se khawnbawl upa inte a ni bawk nen, an tam lem lo hle mai a. Runthanga te thian dun an va luh chuan thutna te an lo kian sap sap a. Runthanga te lah mi a ni hek lo, lo awm ve te chu ti ti puiin, tumpang chal chungchang chu an sawi kualpui a tlangval awmve te chuan chan ve an chak thute pawh chu an rawn sawi ve sap sap bawk a.
Chutia rei fe an titi hnu chuan an lalfanu Sangzuali chu rawn lang hlawlin, Niliani nen chuan eng eng emaw an han sawi dun sep sep a. Rengliana'n lalfanu a hmuh chuan chiang taka a hmuh lohna a rei tawh bawk nen, hmeltha a ti kher mai. Lalfanu chhuak tur chuan Rengliana chu a rawn melh a, Rengliana’n a lo melh lai tak a ni bawk nen, lai zetin lalfanu chu a chhuak ta a. Runthanga chuan Rengliana chu a nuih put put bawk a. Niliani pawh chuan a khat tawkin a rawn nuih ve bawk a. Rengliana chuan sei tawk tawkin a lei a lo chhuah leh ringawt thin.
Tlangval dangte an tin hnu chuan leihkapuiah chuang chhuakin eng eng emaw te an han sawi a, Rengliana pawh a hlim ve hle mai. Pu Zangaia lo haw chuan chutia Rengliana lo tel ve chu mak a ti hle mai. Mahse a lawmpui em em a, "Renga chu mi tlawh serh riau va ka vui khawp mai" a rawn ti a. Rengliana chuan, "Ekhai, ka pu, ka lo tlawh ziah tawh dawn che u alawm" tiin a chhang a. Runthanga chuan, "lalfanu hmuh leh i beisei vang bak a ni lo ange" a han tih veleh Pu Zangaia chuan, "Eheu, Sangzuali rawn kal zawk hlan khan eng engemaw i lo sawi pui hman a ni maw" a lo ti vat a. Rengliana zak lutuk chuan Runthanga chu pawm kang nawlhin, "Ka theh thla dawn khawp che" tih pahin leihkapui hmawr lam chu a pan a, Runthanga lah a tal nasa si, a mawngtam te lah chu a rawn lang leh thin. Niliani lah a sirah a lo nui char char bawk a. Tichuan a tuka thing phurh ho intiamin an tin ta a.
Zawlbuk an va thlen chuan mu turin an lo intintuah mek a, mahse Runthanga chu inthlahrun a hnekin a thianpa a lawiluh pui ve tak avang chuan nuam a tih hmel phian zawk a. Valupa Ruma pawh chuan lo be vat vatin an han mu ve ta a. Runthanga chu a rawn nui phuh leh thawt thin a, Rengliana chuan a rem lai laiah a va sik leh sawk thin bawk a.
Zingah chuan Runthanga chuan Rengliana chu a han sawi det det a, chutah mit ek kai nuai chunga a rawn meng de de chu, "Renga, tho rawh. Sangzuali ka nia" a zu ti a. Rengliana awih lo lutuk hmel ner nasa lutuk chu nuih zui tlawrh tlawrh pahin a chhuak ta daih a, a hnu lawkah Rengliana pawh chu rawn thovin, "Lalfanu thaw uih ber i ni" ti rilru chungin an inlam chu a pan ve bek bek a.
Tukthuan ei khamah chuan a silai te chu a endik mawlh mawlh a, a nuin a kalna tur a zawhna te chu thingpu paha sakhi tuai vel kah tur zawn mai mai a rilruk thute a hrilh a. A silai a hrukfai zawh chuan a nau silai pawh chu a hma ang bawkin a hru fai leh vek a, a kal dawnah chuan dah thain, a silai puin kawtchhuah lam chu a pan ta. Kawtchhuah a va thlen chuan Runthanga chauh chu lo la awmin, Niliani chu an han nghak ren rawn a, nakinah chuan an lam pana nula lo kalte chu an hmu ta. Rengliana tawng zawt zawt lai chu a tawp chiang kher mai.
Niliani bula Lalfanu Sangzuali lo kal ve bek bek chu en pawh a en ngam lo a ni. An thiante pawh chuan hrethiam takin, chhaih zui tawh lovin ram lam panin an kal pui ta a, kawt chhuah an pelh deuh fe hnu chuan an khaw tlangval, ral rama thi ta te luvun an phum khawmna leh a bula Lianmawia an phumna hmun, Runthanga'n thlen a huphurh leh pelh vat vat a duh em emna hmun chu an thleng ta. Rengliana chu engmah sawi loin hma a rawn hruai a, midangte chuan an lo en reng ringawt a. Rengliana chu kal zelin a nau thlan zawn a thlen chuan a ding det a. "A hun a thleng tep e, pasaltha. Lo nghak hram hram rawh aw" ti chhuak sapin a kal liam ta nghal a.
Runthanga te pawh chuan an va umpha leh ta thuai a, tichuan kawng tluan chuan an titi ho va. Rengliana pawh a tawng ve ta zeuh zeuh a, Sangzuali nena an mit intawn fuh chang chuan an lai chhe thei hle. An tum ram an inchhir thlen chuan Runthanga leh Rengliana chu an han che sawk sawk a, an nula te thing phurh tur chu lakkhawm sakin an ek leh zung zung a, kar lovah chuan an inpeih fel ta der mai a. Niliani chuan Runthanga chu mit mei zeuhvin, "Runa, khulai deuhah khuan lak tur hual sa ka u nen kan nei a, zu la lawk teh ang. Nidanga phurh leh a tan pawh" tiin an kal sawn a. Rengliana lah chu Sangzuali hreipui nen chuan a ding reng ringawt a, a chang leh a vai leh fua fua a, Sangzuali lah chuan en pawh en ngam lovin hnuai lam a lo bih ngur ngur a. Rengliana zawk chu inti pachang luiin, "Sangi, tunlai enge i tih thin a?" a han ti ve rawk a. Sangzuali lah chu nuihza si, nui ngam si lovin, "Eng tih vak tur pawh a awm lo" tihpahin hnuai lam bihin a nui ru nghal char char a. Rengliana chu Sangzuali bulah chuan thuin rei lote a han ngawi leh a, chutah, "Ka thu ve ringawt a, thinrim fefe an tam awm si a" a han ti leh a. Sangzuali chuan, "Chutiang an awm awm ka hre hauh lo. Nang zawk, thiannu Liani u hi a lo thinrim ru riau ange" a rawn ti a. Rengliana chuan rang zetin, "Thangkungluliana ngaihzawngte chuan thinrimna chhan tur a nei reng reng lo, an tawng mawh dun si, innei ta se nikhatah vawi engzat nge an inbiak ang aw" tih pahin Sangzuali chu a va en a. Sangzuali pawh chuan a lo en ve chiah bawk a, an hawisawn rang kher mai.
Sangzuali hian Runthanga kianga Rengliana, Niliani te ina a awm a hmuh khan Biakliani rim angah a ngai a ni. Mahse Niliani te ina Rengliana’n amah a en danah khan Runthanga zui ve mai mai anih a ring ru leh deuh bawk a, hriat chian duhin a chhimbudawi ta a, a hlawhtling hle mai. Tichuan eng enge maw an han sawi dun fe hnu chuan Rengliana chuan, "Inhmuh loh hlanin i lo hmeltha tawhin i lo nula tawh hle mai. I pasal neih hunah min sawm ve rawh aw" a han ti a. Sangzuali chuan, "Nang pawh i nupui neih hunah min sawm ve rawh aw" a lo ti sam et a. Rengliana sawi tur hre lo chuan a tawp a tawpah, "Ka nupui tur ni la chuan sawm i ngai awm si lo va, mahse lalfanu i ni sia" a han ti rawk a. Sangzuali insum zo tawh lo chu a rawn nui chhuak ta. Rengliana ngaihna hre lo chuan, "lalfanu i ni reng alawm, dawt ka sawi a mi?" a rawn ti leh a. Sangzuali pawh insum leh vatin, "Lalfanu ka nih vang ringawtin lal thlah kher ka nei dawn tihna a ni hleinem. Ka pa pawhin, ‘Nang tal hi chu kan khuaa mi hi nei la ka duh,’ min ti thin asin" a han ti a. Rengliana pawh chuan a thinlung a thu awm chu sawi chhuah hun tak a ni tih a hrethiam ve a ni chek ang chu, eng emaw an han sawi dun fe hnu chuan Sangzuali chu a kuah ta hle hle a. Hmangaih biahthu di infah dun mawlh mawlh chungin, inkuah reng chu an ning deuh a niang chu, lalfanu hmui sen no chek chu Rengliana chuan a fawh sak ta vang vang a. Kil khat atanga lo enthla rengtu Rengliana chuan chutianga chet nan chuan khua an hnaih deuh bakah ngaihzawng nei ngai lo an ni bawk nen, an kal thui nghal lutuk palh ang tih hlauin thawm a chhuah ta vat a.
An bul an va thlen chuan Rengliana chuan rum theihpa tawpin a lo melh a, Runthanga chuan a nuih put put bawk a. Tichuan thu hovin an han ti ti ho mam mam a, Nau riltam hunah chuan haw turin an inpuah chah a. Rengliana pawh chuan Sangzuali hnena zana len intiam chungin a silai nen chuan a pensan ve ta bawk a.
Rengliana chuan an kalna lam chu Sawbual ngaw lam anih avangin sa a kah a ring lo hle mai a. Mahse a kalna lam thlak leh tur chuan khua a let leh emaw, ram pil ril atanga kal emaw a ngaih avangin a peih tawh lem lo chu phur lo fahranin a kal ta zel a. Chhun chaw fak hunlai thleng pawh chuan kah tur sakhi takngial pawh a la hmu lo a ni. Mahse beidawng lo va hmalam pan zelin, luite tui vawt dai nuam taka a insil mek lai chuan a chhak lawka sakhi huk that that ri chu a hre ta. Rang takin chulam chu thawm dim takin a pan chho nghal a, thui lo te a han kal a. sakhi pa chal ve pangngai tawh tak leh a kianga a kawppui awm ve chu a hmu ta a. A silai chuan a pachal chu a han tin vang vang a, mahse a hmeh per dawn chuan thawm dang a hre leh ta. A han nghak leh det a, chutah a piah hnimbuk kar atanga sakhi patuai mum tha nelh nawlh rawn chhuak chu a va hmu leh ta a. A khawi ber nge a kah ang tih a inngaihtuah vang vang hnu chuan sakhi pachal chu a tan hawn a harsat avang leh pasaltha Thanhranga’n duhamna nun nei lo tura a zirtirna te hre rengin, sakhi patuai zakdawhah chuan a lung verh tlang hawk khawpa nain a kap ta a. Sakhi nupa pawh rang taka tlanchhe nghalin Rengliana chuan a sakhi ah chu a iptepuiah chuan ak puar nawlhin inlam a pan leh ta.
Khua a han thlen chuan an inlam a pan nghal vang vang a, inchhung a han luh chuan Runthanga chu a lo thu reng mai a. "Kan pasaltha ram chhuak zarah sa tui hang hawp beiseiin ka rawn kal anih hi" a lo ti thuai a. Rengliana pawh chuan a sakhi ah chu phawrh chhuakin Runthanga nen chuan inchawi chhuakin an va puah dun mawlh mawlh a. Rengliana nu pawhin chutia a fapa nun pangngaia rawn nung leh ta chu a lawm rualin a fapa Lianmawia awm ve se tihna rilru nen chuan a mittui chu dan rual lohin a sur zung zung a. Sakhi sa an chan fel hnu chuan Runthanga chuan a sa tur leh Niliani pek tur chu a la a, Rengliana pawh Thanhranga te inlam panin sakhi sa nen chuan a kal ve ta bawk a.
Thanhrangate in a va luh chuan Sakhi sa chu Tialthangi hnenah chuan a han hlan a, Thanhranga nen chuan tumpang chal chungchangte chu zawtin Thanhranga chu chan puiah te a han sawm a. Mahse Thanhranga erawh chuan a naute tana a awh pui em avang leh tumpang a lo kah ve tawh tho avangin thiam takin a hnar fithla ta a, Rengliana chuan Thansanga te unau chu buk nghak atana hruai atan a han dil ve leh a, Thanhranga pawh chuan a lo pawm ve mai bawk a. Tichuan an inlam pan chuan a hawng ve leh ta a.
Zanriah ei lai chuan Rengliana chu a pa chuan, "I nau ngaia indawmkun reng hi a zahthlak tih hria la, i thianpa Runa pawh a zahawm zozai tawh e. Vawina i vak chhuak pawh kan lawm hle a, tun atang chuan pasaltha fapa neih leh ka duh tawh tih hria la ka duh a ni. Tin, hei i lo tlangval ve ta bawk a, tu hmel hmuhte pawh kan chak ve tawh hle mai. Kan lalfanu te nen thing in lo phur ho a ni awm a, lal thlah mah ni se kan Lalpa hi lal a zawnga fel ber a ni a, a fanu hi a pasaltha tan hian a ui hauhvin ka ring lo. Amaherawh chu lal pawi sawi palh a hlauhawm zia hre rengin fimkhur ang che" a ti a.
Chaweikhamah chuan leihkapuiah thuin a vaibel chu a pak mawlh mawlh a, Runthanga rawn thlen hnu chuan lal in lam panin an kal ta. Lal in an han thlen chuan khawnbawl upa thenkhat chu an lo chuang kai ve tawh a, chutia an pasaltha te pahnih lo lang an han hmu chu lo chiau au vatin thutna te an lo pe sawk sawk a. Rengliana'n lal sa tur atana an dah hran a pekte chu lak pahin lawm thu a lo hrilh mawlh mawlh bawk a. Enge maw chen an titi hnu chuan Lalpa chuan Sangzuali chu ko chhuakin, Runthanga te nena inkawm tur chuan a ti ta a, leihkapuiah insawn pheiin Sangzuali leh Rengliana chu insi chetin an thu dun a. Runthanga pawh mawi hnai taka chhuanlam siamin Niliani te inlam a pan bawk a. Chu zan thlasik khaw vawt lo thleng tur intam deuhin boruak a vawn daih suk karah chuan Rengliana pangti lum ngheng chuan Sangzuali chu a thu hle hle a. Rengliana’n tumpang chal chan an tum thu a sawi te chu hlawhtling ngei tura duhsakna hlan chungin, haw leh vat turten a hrilh ve mawlh mawlh bawk a. Leng hawn ar chuan Rengliana pangtilum avanga khaw vawt zawng zawng hre chang tawh lo emaw tih kai tur, Sangzuali chu leihkapui atanga a hmangaih zawlbuk lam pana a kal thla bek bek lai chu a en liam ta a. Inchhung luh tuma a inher chiah chu a pa chu a hnungah a lo ding reng mai. A hmu thut bawk nen, "awi" tih pahin a phu zuk nghe nghe a, a zak hle mai. Mahse a rin loh lam takin a pa chuan, "Bawihte, kan khuaah ngei hian pasal nei turin ka duh thin che a, i u lah kan hmuh phak lohva a awm a chinah kan lung a len zia pawh i hria a ni. Mahse nang lah chuan duh zawng hmuh tik ni reng i nei mang si lo. La naupang hle mah la, kan mang a ang ru hman hial a ni. Mahse tunah chuan i hmu ta bawk a, makpa a tana iaiawm loh berte an ni a, amaherawh chu mite sawi kai tur khawp chuan awm dun tam suh ang che u. Tin, lal ka nih avang ringawt hian mipui hmai zah lo lekin khawi lovah chhuahna apiangah te i lo kawp anih vaih phei chuan kan meng ngam lo ang tih hria la, nang chu a hminga lal fanu mai i ni a, lal i ni ve lo tih inhria la, fimkhur hle ang che" a rawn ti a. Sangzuali pawh chuan zak tak chungin, "Ka pa, i thusawi chu zawm ka tum tlat ang" a rawn ti ve bawk a. Tichuan inchhung lam pan chuan an inzui lut ve ta a.
Rengliana zawlbuk thlen hnu lawkah Runthanga pawh chu rawn thlengin ram chhuah dan tur chu an han sawi dun a. A tuk nileng chu inbuatsaihnan hman ni se, a tuklehah zan sarih riak buhfai nen thawh chhuah ni se an ti a, tichuan an ngaihzawngte nen tawnmang lama leng dun turin an chhing ta siai siai a.
Lal inah chuan Sangzuali pawh chuan Rengliana mitthla rauh rauh chung chuan a mu meng ve kar a. Rengliana hi a tleirawl chhuah tirhah kha chuan a mawl hmel a tiin a bula awm a nawm a ring hle thin a, a pa in, ‘Ka khuaah ngei hian pasal nei la ka duh a ni’ a tih tum khan a pasal tur chu fel tak leh kawm nuam tak ni se a duh em thin avangin a rilruah Rengliana bak a lang lo a ni. Rengliana te unau sa kah an hmeh ni te chuan a hlim ru thei em em a, mahse a rilru sawi chhuah chu a ngam loh bakah Rengliana te unau lah ral rama an thang bo loh leh ram lamah an liam reng si. An inhmufuh ngai meuh lo a ni. Lianmawia boral avanga a khawnawt a an tah laite khan Rengliana chu a khawngaih ve em em kha a ni a. A tawrhzia leh engmah a tihpeih lohthu te, an khawngaihzia thu te, a pa ten an sawi laite pawhin a lo khawngaih ru ve em em thin. Khatia a pa tirhna hmuna a kal haw lam Niliani hnena thing phurh dun chungchang sawi tura pen a remchan avanga a kal khan, Rengliana lo awm ve reng kha a hmu ta a, an mit a intawn te khan a lawmin nuam a ti ve em em a ni. Thil tam tak ngaihtuahin han innei ta ila tih mai maite a ngaihtuah a, a chang leh amah leh amah chu a intenin, zak lo a inti hnuhnawh leh thin. Chutianga a ngaihtuahna a vah kual tir hnu chuan Rengliana ring taka zawlbuka hnar mek chuan a tawnmang lama a lo nghah thu a hnar ri hmang chuan a rawn thawn a ni mah na, a chhing ve leh ta siai siai a.
A tukah chuan Rengliana leh Runthanga chu nilengin an riah bo chhunga an mamawh turte lakkhawmin an buai char char a, tumpang chal pel tura kal an tum a ni bawk nen, an silai zen te chu an pho tang at bawk a. Thansanga te pathum pawh an phur tawh kher mai sava veh hun tur te an han suangtuah a an pathum chuan tu sava perh tla tam thei thei tih mai maitein an inhniala chu mi ni chu ral thuai thuai se an ti kher mai. Nilengin an mahni phur phurin an lo phur ve a zanriah ei lai chuan a pa chuan Thansanga chu ram riahnaa awm dan tur te a hrilh mawlh mawlh a, han tlangval deuh tawh la chuan ka silai hi i keng ve tur a nia mahse tunah erawh chuan silai hum turin i la tuai deuh mah mah a ni tiin aia upa te thu zawm tur tihte buaina lo thlen thut hunah a thiante ngaihtuah hmasa ber tura hrilhin a zilh malh malh reng bawk a. Khum lama a pa Pu Chawnghranga, ni engemaw zat chaw ei tur pawha rawn tho chhuak peih tawh lo chu a va en a, ani pawh chuan a lo bu nghut nghut a, kal ngei se duhna chhan a nei tlat a ni.
An eikham hnu lawkah chuan Dammawia leh Liansanga pawh an rawn luta Pu Zangaia chu an hnung deuhah chuan puana thil tuam keng chungin a rawn lut ve bawka Pu Zangaia chuan anni thian ho chu ram lama awm dan mawite chu a hrilh ve leh mawlh mawlh bawka Thanhranga pawh chuan a rawn tuihnih ve zeuh zeuh bawk a. Tichuan puana a thil tuam chu a han phawrh ta.
Thanhrangate mak ti lutuk chu an ka hau reng ringawt a, an tana hman nuam tawk tur vel fei nalh em em mai chu an han lek kang chhin vela, ramriah chu an phur phah nasa kher mai. Dammawia erawh a mittui a hru ru zauh zauh thung a. Pu Zangaia chuan hmu vatin, "Mawia, mitin hi kan duh angin kan awm vek thei lo tih hi hriat a tha tih hria ang che. Eng pawh ni se i mal lo va. Nu i nei a, Thanhranga hi i pa a ni tih hre tlat bawk la. Kei hi i pu ka ni tih hre reng ang che. Rawlthar nih in hlat tawh lo hle a, chuvangin i pu leh i pa hi kawng engkimah i thil tih tur reng rengah min rawn hmasa zel ang che"a rawn ti a. Dammawia pawh chuan "Ka lawm lutuk e, ka pu" a rawn ti ve bawk a.
Chu zan zanlai arkhuan lai chuan Bualthleng khaw chhungah chuan mihring vei vak thawm hriat tur a awm hauh lo a mahse Thangsangate ?hian ho helh hawlh riak khawm erawh ?awng ri ngam si loin an inlet kual chhen ringawta. Khawfing chah hma ?ep chuan an muhil ve ta hrama. Tuk ?huan kil dawnah Thansanga nuin a rawn kaih thawh takah chuan tho sap sapin Liansanga leh Dammawia chu an inlam an pan ta nghala. Tuk ?huan kil zawhah Thansanga chu insiam sawk sawkin a chhuak ta thuaia Liansanga a va sawma an inpeih hnu chuan Dammawia te inlam an pan ve leh ta nghala. Ti chuan kawtchhuah lamah an u te nghak turin an kal ta a, an va thlen meuh chuan an ute pahnih chu an lo awm reng tawh maia nuam lo an ti kher mai.
Mahse Runthanga chuan "E kha inlo va thleng rang ve kan mawng pawh kan lo la hung hman hleinem i kal nghal mai teh ang u" tiin hma a hruaia ti chuan an zui ta dam dam a, Rengliana chuan a nau silai chu kengin hnung a dawl thunga. Nau ril?am hun velah chuan an khaw tlangval Ramchuana te tumpang beisei a chhuak beidawng haw te nen an intawk ta an zu beidawng chiang hle maia mahse sazuk pachal leh sanghal sumsarih zet an kap a hlawhchham erawh an ni bik lo. Ti chuan eng eng emaw te an sawi ho hnu chuan an in?hen darh leh ta. Ramchuana te kha zan nga ngawt riak an ni a, ni thum hnuah pawh Tumpang hnu chu chhui chhuah tik ni an nei thei tlat lo a ni. A ni li na tlaiah chuan tlangval pahnihin an hmu ta an kap a kah pawh an kap fuh ve hle a hnu chu an han chhui zui nghal char chara midangte pawhin rawn fin vein an chhui ho ta char char a, mahse mak tak maiin sawbual ngaw chhungah chuan a hnu chu a rul chuk tlat mai a ni. An han zawn ngial paw'n an hmu thei ta si lo a Ramchuana chuan kah mi a ni lo ani ange tiin an rawn haw san ta ringawt a ni an haw lama an sa hmuh lian tham pahnih erawhin an vanduai phah ta a ni. An ni chauh niloin an kal hma a lo va chhuak tawh Val upa Ruma te pawh beidawngin an lo let leh tawh kha a ni a ?um hnih lai amah pel tute beidawn haw tirtu hian Runthanga te hi a beidawn tir ve mai angem le?
Nilenga an kal hnu chuan Sawbual ngaw chu behliang mun hunah an thleng ve ta hrama riahbuk te sualin zan sarih ngawt riah an tumna a ni bawka an sa uluk hle a Dammawia leh Liansanga chuan tui an lo chawi a Runthanga chuan ei lo relin Rengliana leh Thansanga te chuan buk chu an lo buai pui char char a, an inpeih fel meuh chuan khua a thim fel der tawh a, chaw chu bar nghal vat vatin an sarep paite chu an hmeh bawk a. Zan riah an eikham hnu chuan bukah chuan muzalin an ti ti pah bawka Dammawia chuan a fei chu khawiah mah a kalsawn san phal ngai lo a, a keng chawt reng ?hina, a chet ti khawr deuh mahse hrethiam takin an thlir liam ve tawp mai a ni. Chutia rei fe an titi hnu chuan mut hma a tha e tiin an mu ta diaka.
A tuk zing khawvar eng mawi tak chuan sawbual ngaw a an riahbuk sualna bul vel chu a rawn chhun eng ser ser bawka Thansanga chuan zan lama a mumang chu a ngaihtuahin mak a ti hle maia, tuk ?huan an kil lai chuan midang bulah chuan a sawi ta veka, midang ho pawh chuan mak an ti kher mai. Mahse ngaihthah ngawt chi a ni lo tih an chiang em em a ni. A mumangah chuan a pu leh nula pakhat hi a hmu a, chu nula chuan Thansanga chu a mitah tak enin hlawhtlinna chang mawlh teh u a rawn ti a, a pu pawh chuan lo huiin a pu bula a va kal chuan chunu chuan a mit chu a han hup sak vang vanga Pu Chawnghranga en pah chuan nang zawng i nihlawh teh e ti hi chuan lungmuang takin i chawl thei tawh dawn a nih hi "a lo ti a ti chuan an ral leh ta daiha. Tuk ?huan an eikham hnu chuan Rengliana leh Runthanga te chu an chhuak ta a, Sawbual ngaw hi ram chhengchhe ve tak anih thu kan sawi tawh kha, a ram a rual rem lo bawk nen tumpang hnu pawh chu chhui a harsa hle mai, a ek hlui zet te leh a hnu thar lem lo takte chu an hmuh chhun a ni maia, nilenga an vah kual hnu chuan engmah hmuh belh an nei si lo buk lamah an let veleh ta a, buk an va thlen chuan Thansangate pathum chuan zanriah chu an lo peih sa diam tawh a, ti chuan muang chang lova bar sawk sawkin zanah chuan a tuk lama an vah chhuah lehna turte chu Rengliana leh Runthanga chuan an sawi dun a, kal dun tawh loin a hranga kal an rawt ta a. A tukah chuan an ruahman ang chuan an che chhuak leh ta a mahse nilenga an vah hnuah pawh chauh chiah an hlawh chhuak a an buk lam an pan leh a, mahse an bei erawh a la dawng hauh lo thung. Buk nghaka an nau hruaite kut hmui chu an chhawr tang kaiin sava, thehlei leh chepa tih vel an ei reng theih phah hlauh a. Chutianga ni thum lai an vah leh hnu chuan an bei a dawng takzet ta zan sarih riah tum an ni bawka awm tluan loh aiah tiin ni hnih la awm chu an nau hruaite hrualna ni pah fawmin a huhoin an chhuak zel tawh dawn a ni.
A tukah chuan an nau hruaite nen chuan chu sawbual ngaw ram chhengchhia lung khawkrawk leh hruizam tam em emna hmunah chuan an kal chhuak ve leh ta. Chu mi ni chu tumpang chal an la beisei leh hram anga mahse an la hmu lo anih chuan ni khat dang la awm leh chu sa dang kahna'n hun an hmang tawh dawn a ni. Nau riltam hunah chuan lui kawrte pakhat hi va thlengin an han insil a, Thansanga te pathum chu chakai khawrhin an ri rawk rawk renga, chutia luikawra an rik mam mam lai chuan chhak lam a?angin Savawm note hi a rawn lang nawlh maia a hnungah cguan a mah ang rual vel pakhat hi a rawn kal ve leh bawka, Runthanga te chuan an lo en reng a, savawm note pahnih pawh chuan rawn en ve rengin a hnu lawkah chuan an pui chu a rawn kal ve buk buk bawka a lian kher mai sum sarih zet a tling ang tih tur a ni bawk.
Chutia a fate kal lai dintirtute a han hmu chiah chu thinrim taka rak ruai ruai chungin a rawn tlan ta phut maia a awm hnai ber Thansanga chu ben thluk tawp tumin a ban chu a rawn vaia mahse Thansanga chu lo lum sawn hmanin a lum sawn pah chuan chu savawm ngumah chuan a fei chu a rawn chhun tlum thuih maia. Chu tia savawmin a ngum lam venga a hawi kual lai tak chu Liansangah chuan a pumah chuan rawn chhun ve leh nghalin sawvawm nu chu a rak ruai tawh maia Liansanga lah chuan afei chu a nawr thuk telh yelh bawk si, Dammawia fei rawn thlawk chhuak zawk chu chu savawm nu hrawkah tak chuan a bur ta vah maia sawvawm chu insangseng thei tawh si loin a thaw hlawi hlawi a, Dammawia chuan a fei chu phurin vawi hnih a han thil nawn leh pawk pawka savawm thi tur chu a chalchang nasa kher mai chutia savawm thawm ringawt an ngaihtuah lai chuan kawr lehlam pang atang chuan thawm rawn ri phei buan buanin Runthanga te chuan ngawi rengin an lo nghak ve bawka hnim buk a rawn pelh fel meuh chuan tumpang ropui lutuk chu a rawn lang ta kap turin an han tin vang vang a, an mahni phin tuma rawn tlanmeka chu kah tumin an lo insiam rema chutah Rengliana leh Runthanga silai chu rawn puak rual thuaiin Dammawia fei rawn thlawk chhuak pawh tumpang khelah chuan a bur vu a cha awp rawp rial a ni, mahse rawn ding chhuak lehin Thansanga te chu phin ngei rumin a rawn tlan chhuak leh ta a, mahse a ke hmalam pakhat leh a zakdawha ngenmu lut avang chuan a ?uan erawh a fum deuh hlek tawh chu a ni.
Liansanga chu tum bik takin a rawn tlan pheia Liansanga chuan a fei chu humin tumpang lam pan chuan a pen chhuak ve ta, pen thum vel a han pen a tumpang nen an inkarah chuan hlam hnih vek bak a awm tawh lo ang tihah chuan a mit veilamah tak chuan a fei chu bur vu khawpin ka khawh ta, chu veleh Thanhranga chuan a zakdawhah tak a rawn chhuna Runthanga chuan chemoui nen a rawn bawh ve ta bawka sat bawka rei lo teah chuan a awp hniam ?an ta. Rengliana chu an en thap a, ani pawh chuan a rilruin thil tam tak a ngaihtuaha a mittui khap per sawk sawk chungin a nau silai hmang ngei chuan a kap ta thuai a. Chu veleh Thansanga te pathum nuam ti lutuk chu an au khawk nasa kher mai.Runthanga chu tlawmngaiin khaw lam pan chuan a chhuak ta vata, midang zawngin sa chu an theih ang tawk tawkin an lo buai pui ve thung dawn a ni
A tuk chawhnu tlang herah chuan Runthanga leh tlangval dang sawm hnih rual te pawh rawn thlengin tumpang lu chu a hmu apiangte chuan a ropui an tiin an chul heuh heuh reng maia. Thansanga te ?hian thum savawm thah pawh chu lian an ti kher mai. A no hruai hi chu an kawlh em ?hin bawka kha savawm pawh kha Thansanga ten a note te pahnih an en lai a hmuh kha a thinrim puiin a nunna a chan phah ta anih kha chutah an piak lawka awm tawh tumpang chal lahin an thawm lo hriain phin darh vek tumin a bei nghal bawk nen a note pahnih pawh kha an lo hre chang tawh hauh lo maia, mahse zanah a note nanana chu an pui ngaiin thawm an rawn chhuah ta a chu lam chu pan nghal vatin an pui tello chuan ramhnuaia damkhawchhuah an tan a har dawn tih hriain mana enkawl an han tuma an lo beilet vein an tinte chu a lo hriam ve tawh ropui si nen an awm awma awm turin an let sam ta ringawt a ni.
Tlangval dangte nen chuan sa chu an han rep far tluk tluk a, nikhat dang nileng leh zankhat an rep leh hnu chuan khaw lam an pan ta. Leng len ar khuan rual vela thlengin Rengliana chuan tumpang hla do ngei mai chu mittui sur zung zungin a han chham a, ti chuan khaw lama naupang tualchai leh salu hmuh chakte leh tlângval dangte rawn thleng nen an ri ta hut hut maia. Tumpang ki chu tu pawhin a ropui an tiin Rengliana te thian dun chu vannei an tiin an ngaisang hlawm kher mai. Sangzuali pawhin sa lu chu rawn en vein Niliani nen chuan an rawn kal ve bawka. Zanah chuan salu lawm turin pa ho an zu bel nwn an inpu lut sap sap bawka. Rengliana te chhungkaw tan chuan an fapa an sun hnua hun hlimawm ber an hmang mek a ni. Chu tumpang an beih dan chanchin khaw miten an hriat kim meuh chuan a tu a te pawhin Thansanga te thianthum chu an huaisen an tiin, naupangte mah ni se an huaisenna lan tir fo tawh tu annihna avang chuan ngaihsan an hlawh hle a ni. Chu tumpang lu ropui tak chuan khaw dang kar lovah a kang kaiin Pasaltha Rengliana leh Pasaltha Runthanga chuan lusei khua chu an al hneh kher mai a an chanchin dangte thlenga an han hriat leh phei chuan an aihnahphah pui Pasaltha Thangkunga, Pasaltha Hrilkunga Pasaltha Chhuahchawnge te ho nen an vaia tangkhawm hmelma nih hlauhawm tur zia te chu lusei khuaah chuan an sawi nasat ber pawl a ni.
Thlasik khaw vawt zual a han reha mitin an hna tulah thawk leh mawp mawp tawhin Bualthleng khaw mipuite pawh chu an buai ve hle mai Rengliana leh Sangzuali te tan pawh inhmuh reng theih a ni tlat lo. Lal ina han len fo chu tih chi a ni lem bawk si lo nen mahse rinawmna thu an tiam tawh chu a sut hmasatu nih erawh an tum lo veve a ni.
Zan khat chu Thansangate thian thum an ina an tawm khawm thap lai chuan a pu thawm avang chuan a pu lam chu an va hawi rual thuta a pu chuan Thansanga chu alo hui lauh lauh a, ti chuan a pu bul a va thlen chuan a pu chuan a kut vun chuar leh ria thing theng tak chuan Thansanga kut chu a han hmer vang vanga "Taite i nu leh i pa thu hi lo hnial ngai suh la, khuanun venghim chein i lo thanlen hunah kan khawdaingul mai bakah pasaltha nunngil leh ropui tak lo ni ang che. Ka kal a hun ta, tunah chuan nangmah vang hian thlamuang takin kan khua pawh ngaihtuah loin ka kal thei tawh ang"a han ti a rei loteah a awm chu rawn sepin a chatthla zui ta.
Chutia a kal hun kan nghak an tih tur khawpa awm tawh a puin a kalsan chiah chu a tuar thiam lo leh hle mai si Thanhranga mupui tap ri chuan thenawm khawvengte ko khawmin, an lalpa pawhin a hriat veleh a rang a ranga rawn tlan thla nghalin Pu Chawnghranga ruang chu a rawn pawm vawng vawnga a tlangval lai te a naupan zual laite Pu Chawnghranga a zui det det thin laite a ngaihtuah kuala thil tam tak zirtirtu a ni a, Pu Chawnghranga puihna tello hian Bualthleng khua hi amah chauha a en kawl theih a ring ngai lo kha a ni a tunah chuan a hlauh ang ngeiin a ngai ta. Zankhuain ruang chu vawi khat pawb kal san loin duat takin a chul hliau hliau reng a ni. Thansanga pawhin a pu han thi ta mai chu na a ti ve em em a a pu kap kara thu pah a, a pu nena han titi dun lehte chu a chak em em mai a ni. Thanhranga erawh a intipachang thiam em em a pasaltha a ni bawka a tawrhna chu mi hmuhah a thup hram hram zel thunga tunah chuan an chhungkua chu ama rorelna hnuaiah an awm a ngai ta a, a pa a awm tawh si lo nen a pa hmun ruak luah chu harsa a ti ve hle tho a ni.
Pu Chawnghranga thih atanga ni nga a vei meuh chuan Bualthleng khua chuan mikhual pasaltha pali an thleng ta. An vai chuan lal inah lutin an kal chhante an han sawi a, chutah Lalpa chuan Rengliana leh Runthanga bakah Thanhranga chu a han koh tir ta vata an rawn thlen khawm hnu chuan ro an han rel zui nghala a tawpah an thu chu mum thei hlauhin an lo ruahhman lawk thin ang ngei chuan mihrang val panga te chu Chhuanthanga leh Thanhranga hona hnuaiah Lianmawia phuba la turin Tiau lui an kan dawn ta a ni. An chhuah dawn zanah chuan Lal inah chuan Chhuanthanga leh Thanhranga chu lengin lalpa ho chuan an titi a, Pu Zangaia te leihkapuiah chuan Runthanga te thian zaho bakah Niliani leh a u Biakliani, lal fanu Sangzuali pawh telin an hlim kher mai.
Rei lo te hnuah chuan Chhuahchawnva chuan "Kei zawng lal inlamah ka zawl pui te ka lo han kawm zawk ange, tleirawl rual ho bula awm chu patlimgin kan inhmeh vw lo emai" a han ti fiam zet chu an nuih zui tlawrh tlawrh a chutia a inla patling kual vel chu. Hrilkunga chuan ka chuang bik duh hauh lo a nia tiin a rawn zui ve nghal bawka. Mi dang zawng erawh a hran tete a thuin eng eng emaw an sawi sap sapa Thangkunga leh Rengliana pawhin an tihtur an zawh fel hnua an haw leh veleha palai tirh nghal chu an han intiam a, Runthanga erawh hmwithai fa mai anih avangin inneih lam chu a la sawi duh lo a ni. Tin, Niliani lah nula pangngai rawn ni chho hlim chauh a la ni a tleirawl mizia la thlah fel loh te pawh a la nei bawka chuvangin la nghah leh deuh pawh a pawi lo a ni.
Tichuan leng hawn ar a khuan rual chuan zawlbuk ah chuang kaiin a tuk vartianah chuan chung mi hrang valte chu Zehtet lam panin an chhuak ta kawtchhuah an han pelh hnu cguan Lianmawia thlan zawnah chuan ding thapin an rilruah enge maw tak an ngaihtuah veka mahse an sawi chhuak lo thung, a hnu deuhah Chhuahchawnga chuan "Thianpa i thihna hian pawih ho tana thihna a thlen tam tur zia pawih ho hian hria se la chu i la thi hauh lo ang mawle, mahse tunah chuan pialral atang kan min lo thlir la, i thiante i unaute hian i phuba kan la dawn a ni" a ti a, a kal ta nghal nal nal a.
Midang pawh chuan zui ve nghalin nilenga an kal hnuah Zehtet khua an luta. A tuk zingah chhuak leh nghalin zan hnih hnuah Darchhep an lut leha Darchhepah cguan zan khat an han riak leh ren rawna ti chuan an chhuak leh dawn ta, an kal dawnah chuan ?hasangi rai puar lung tawh chu Rengliana chuan va pan hnaiin "Sangi kan thil tum avang hian i lung a awi loh loh hram kan beisei ' a han ti a Thasangi chuan, "Ka unaute inni a, inthutlukna chu pawm mai tur ka ni a lawm. Hlawhtlinna chang mawlh rawh u. Mahse ka nu erawh thi lo hram se ka duh a ni" a rawn ti a. Rengliana pawh chuan a pawm tih lan tirna'n a lu a lo bu nghut a, tichuan a pum chu chul sak in, "Ka va han velh sak nasa dawn tak che u em, pasaltha huaisen tur a nih hi" tih pahin a kalsan ta nghal a.
Kawt chhuah lam pan chuan an han kala kawt chhuahah chuan vaibel te pakin an han chawl zawka ti chuan kal an siam leh ?an ta, Hrilkunga chuan "Dapzeh khuate u lo inring rawh u kan unaupa nunna hi inzavaia nunna pawh khan a hen zo lo a chu vangin insuatna rapthlak inhmachhawn dawn e" a rawn ti chhuak sap a.
Dapzeh lal inah chuan ni engemaw zat kal ta a Lalpuithanga te ngaihdamna chang tu Zapaua thu thlen avang khan lal leh upate chu an indawm kun tlawk tlawk renga lalpa ber lah chu zu a in nasain a rui a phut reng zela. Dapzeh khawchhung chu lusun khawharna hmun lian takah a chang ta. An ngam loh chalah chil an hnawm a, an hnawm let ve meuh chuan an chan chuan maian chan pawh a tluk lo a ni.
Tlangval tih tham an nei tawh lo a, ralbei ngai lo leh ram hnuaiah pawh la tal tam lo tak takte an ni bawk a run tawk thut ta se Dapzeh khaw ropui tak ni thin chu awlsamtein a tlu chhia ang, mi sawmnga lek tan pawh zuamawm tak an ni ta.
Thanhrangate pawh kal zelin Tiau lui kamah chuan an thu far a, khaw en laia kan duh lovin unau hmelhai hun velah an kan anga tichuan zanlai arkhuan rual vela Dapzeh khaw luh chu an tum dan a ni. An han sawi ho nak nak hnu chuan Chhuanthanga chuan ruahmanna a nei ta, mi pahnihin khaw en laiin an va kan anga Dapzeh mi tu pawh an hmuh tawh phawt chu thatin an khaw sahlamah an lu an va khai ang, Dapzeh khua chu a ralti thei ang bera siam hmasak phawt an duh dan a ni.
Ti chuan Runthanga leh Chhuahchawnga chu an kal ta vata behliang mun hun vel anih chuan Dapzeh khaw daiah chuan an thu dun kar tawha an lam pana lo kal mek rawlthar pali te chu ngun takin an en a, thangkam en an nih duh hmel hle a silai tel lovin sakhi patuai an rawn zawn laih laih tlat a ni. An zawn an rawn pel dawn ta maw tihah chuan zuang chhuak rual thutin anmahni hnaihtute pahnih lu chu an han chhawk hmawka a la dam pahnih tlan chhiat tum chu umzui nghalin awlsamtein chung rawlthar pali te chu an that ta veka ti chuan khaw luhkhan awmna lam pan pheiin sahlamah chuan chung rawltharte lu chu an tar ta, rang takin a chhak lamah chuan an han biru vata rei loteah feh kal haw ho chu an rak teng tung ta mai. An khaw rawlthar palite lu an han hmu chu an ral?iin mipui te chu an mang ang takzet a ni.
Tlangval tlawmngai zualte'n an lu chu la thlain an inlam an pan puia tlangval pungkhawm pawh mi sawmsarih vel bak an ni hauh lo, rawlthar deuhte'n an pawlh zeuh zeuh bawk a. Dapzeh khuaah chuan a rualin ral kut tuarin an khaw rawlthar pali ngawtin nunna an chan ta. Lalpa Hrangthanmunga chuan lusei ho thil tih a nih a rin em em rualin lusei ho pawh Zapaua sawi danah khan an inbeihnaah khan a tam zawk an thi ve tho si a phuba la duh pawh ni se an nghah rei a ngai ve dawn hle khan a sawi bawk si a. Mahse an pasaltha rualte rapthlak zia a hrechiang em em a Zapaua meuh pawhin a hneh loh an awm bawk nen a hlauthawng rilru hle mai, a fanu ru chhuaktu lusei pasal?ha rualte chu an rawn kal anih mai pawh a hlau hlel love.
Zanah chuan nula leh tlangvalte chuan ruang chhuahna inah khawhar chhungte hnem turin an zaia in li lai anih avangin tlangval pawh an tam lem lo hle nula hlir emaw tih tur an ni zawk mah a ni. Ral kut tuara thi annih avangin an lumen lo bawka an tin thuai a, pavalai deuhte leh kum upa lam te chu leng lutin an khawharna te an hnem ve bawka. Tlangval zawlbuk lawilut pawh an tlem hle a, a tu amah titi tha peih pawh an awm meuh lo a ni.
Val upa te chuan ralveng indah tha an tih ve miau avangin an khaw luhkhan hmun hnihah chuan ralveng panga veve an dah a, ralven buk sakna hman pawh anih lem loh avangin thingkung remchang deuhah chuan an thut theihna turin thing an han rem kawkalh sawk sawka, zanlai ar khuan ruala inthlak tura tiin a thlak tura te an ruat vek bawka. ?iau lui lam atanga khaw luhkhan a ralvengte chuan zanlai arkhuan hnu lawka an lam pana mi panga lo kalte an hmuh chuan lawm takin an awmna thing a?angte chuan an rawn chhuk sap sapa, "In va rei em em ve" tiin pakhat chu a rawn ?awng lawng lawnga chung mi panga te zinga pakhat pawh chuan "nia kan duh aiin kan lo mutui a ni ti khan lo va let tawh u keinin kan lo veng ange" a rawn ti ve nghal zata an han inhnaih deuh hnu chuan chung ralveng te chuan an lam pana lo kalte chu an khaw mi leh sa te an ni lo tih an hre chiang ta kher mai.
Mahse an hre rei lo hle chem pui rawn thlawk fua fua chuan pialralah an panga chuan a nawr liam ve leh ta nghala. Ralveng thlak tutur an lam bun tawhte nen an vaiin tlangval sawm zet chu an that ta. Ti chuan khaw chhungah lut leh nghalin zawlbuk an han pana mahse zawlbuk an thlen hma chuan khaw chhim lama luhkhan pakhata ralveng inthlak haw lamte chu an rawn thleng ve ta tlat mai.
Runthanga te chu rang taka zawlbuka lutin an va inthawlh ve ta nghal sawk sawka, rei loteah midangte pawh chu rawn thlengin a hmasa bera rawn lut chuan "Linga enga khatia lut hmak nge maw innih le ka hmu hman vek che u muhil der khanglang lo mai teh" tih pahin Hrilkunga ke chu an rah luih sak a, Hrilkunga lah ?awng ngam tawh si lo a mu reng ringawta chu tlangval tihngaihna hre lo chuan "tawlh teh ka mutna i dal vek alawm" tih pahin Hrilkunga chu a rawn nawr tawlh nghala.
Chu pa chu Hrilkunga bulah chuan muin rei lo teah a chau ve tawh bawk nen a muhil zui ta bawrh bawrha an vaia an mut ngheh vek hun nghakin Runthangate chu an mu meng kar thunga, tuibur hmuamda hnu velah chuan tho chhuak tham thamin an bula mu te theuh hrawkah chuan zai ri hrawih hrawihin an ke leng tur te chu an kherh bet tlat bawka an lu chu lain pawnah an chhuak leh ta diaka, ti chuan khaw dai lama an mahni lo nghak rengtu Thanhranga leh Chhuanthanga te lam chu an pan ta nghala.
Thanhranga leh Chhuanthanga chuan chutia an naute'n tlangval sawm panga lai zankhat thil thua an va that ta mai chu an lawm pui em em a an naute hi pasaltha a mimal ang ringawt pawha khaw khat innghahna tham thiau an ni tawh tih an chiang em em a ni. Tichuan an inkhuarna khaw mawng lamah an vaia kal lehin khaw mawng bera in lo awm chu Thanhranga chuan a hal ta a, a dawt leh chiah a mi chu Chhuanthanga chuan a hal ta bawka.
A piah deuhah chuan lo nghakin rei lo teah chu in atang chuan thawm a rawn chhuak ta zawlbuka tlangval riakte chu rang takin an rawn tlan thla nghala inkang thelh tum chuan an han phe ta vat vata mahse chutih lai tak chuan silai vawi hnih rawn puakin tlangval pahnih chu an thal nghal thlawrh a, chu veleh silai vawi nga rawn puah zawm nghalin tlangval panga chu an thal ve leh bawka. Dapzeh khaw chhung chu an buai kher mai tlangvalte ruang bawihsawm hna chu patling hoin lo thawk in inkang leh zel tur chu an thelh ta char char a. Inkang an thelh chhung zawng chuan silai a puak zawm ta lo bawk nen an tlangval thite ruang chu zawnin an inlam an pan pui ta a.
Thanhranga pawhin "an thlan laitu tur an nei hlauha an vannei mai mai a nih kha, inkulhna tur hmun remchang i zawng phawt teh ang u" a ti a, ti chuan Dapzeh khaw ho zau lamah chuan kalin thlam remchang an hmuh hmasak berah chuan an riak ta phawta. A tukah chuan vak chhuak leh nghalin zau an pelh fe hnu chuan puk pakhat an hmu ta hlauha chutah chuan ei rel sawk sawkin an awm zel dan tur te an han sawi khawma, Dapzeh khua chu ruang a chhuah mawlh mawlh avangin a ralmuang tawh lo hle a mi tam tak chuan an lalpa paihthlak duhin demna thu an chhakchhuak hlawk hlawk tawha a ?hen erawh chuan pem bo an duh em em thung.
Thanhranga chuan tuk?huan an kil lai chuan "Zan tirah Chhuana nen lalinah kan va lut anga, nang ni chhim lam luhkhanah pahnih in kal anga a dang zawng nizana kan chetna lamah bawk inkal leh ang. Ralveng an indah leh ngeiin a rinawma chuvangin ralvengte chu silai telloin thah vek tum tur a ni, lal in a?anga leng len ar khuan huna silai kan hmeh puah veleh khaw chhim lam leh mawng lama kalten in lo awm hmasa apiang halin zawlbuk lam in pan anga zawlbuka tlangval lo chhuak hmasa apiang in lo thal zawih zawih mai tur a ni."a han ti charh charh a.
Chumi ni nileng chuan pukah chuan tawm ?hapin zanah chuan an che chhuak leh ta, mahse an ruahmanna thlak lehin ralven buk chu in?henhrang loin a huhoin an tuam phawt dawn a ni zan hmasa lama an kalnaah khan thawm dim takin an kal leha Dapzeh tlangval ho pawh chhun lama an ralven buk sak tharah chuan an thu ve kar bawk a. Chutia an thut veng veng lai chuan an ralven bukah chuan mi pathum rawn zuang lut thutin an zinga silai keng pathumte chu an rawn bawh nghal a, an hnungah mi pahnih rawn lut leh bawkin silai keng lo pakhat zawk chu an rawn that leh nghal hmiah bawk a, pakhat erawh thu zawh fiah atan tiin a nunna an la laksak duh lo a ni.
Chu pawih pa chuan chung mipanga te chu a han en kuala a hlau lutuk chu a zun a cheh thawt thawt a, chutah pawn lam a va hawi chhuah chuan patling pahnih pasal?ha tih hriat tak vaibel pak chunga lo thu dun an naute chevel lo thlirtute chu a va hmu ta bawka. "Lusei pasaltha te u, ka nun zuah hram rawh u, thil hriat duh inneih apiang ka hrilh vek ang che u, ka thi anih chuan ka nu a dam zo lo ang a neih chhun leh a innghahna ka ni si a" a rawn ti tawk tawk a, Runthanga chuan "Kan thu i awih phawt chuan i nu nen chuan kan nun ang che u" a ti a ti chuan khawchhung atangin chhim lam ralven buk lam pan chuan an kal leh ta a, ralven buk an thlen hma deuh chuan an miman pa chu kal fal tirin ralven buka awmte chu an va thlem chhuah tir ta a, chhim lamah erawh pali chauhin lo vengin silai pawh pahnihin an hum ve bawka silai humte chu Rengliana leh Chhuahchawnga chuan bawh thal tawpin A dang pahnih chu Runthanga leh Thangkunga chuan an lo bawh thal ve nghal bawka ti chuan rei lo te chhungin an hna chu zofelin an miman pa chu a nu nenna khua chhuahsan nghal tura hrilhin an kal tir ta a.
Chhuahchawnga leh Rengliana chu kal khan dang zawkah chuan an let leha midang zawng chu chhim lamah chuan an lo awm dawn a ni. Lal inah chuan upa te leh lalpa chu zu khawnin an awma an khaw boruak tawn mek chuan an lu a tihai tlang hle a ralven buka awmte chu an thi ve leh mai angem? Nge ni a an thi fel diam tawh zawk? Tih chu ngaihtuahin an indawmkun tlawk tlawk maia.
Chutia thawm pawh chhuah mang loa an thut thap lai chuan lalin kawngka chu rawn inphih hawng lawpin a chhungah chuan Thanhranga chu silai lek kawh va chunga lutin " tumah che tawh suh u" a rawn ti a a hnungah Chhuanthanga chu rawn lut ve nghalin lalpa Hrangthanmunga chu a en kalh bawka. Hrangthanmunga chu rawn inti huaisen luiin ka lal inah min vau bet ngam a maw? Ngawi tak rawh u, ka khua hi damin in chhuahsan hauh lo ang a rawn ti tham tiaka
Chhuahchawnga chuan nuih suk pahin "Lalpa, at i so zel dawn nge i inpe dawn le, kan naua phuba la tura rawn kal kan ni a, kan unaupa thisen hi in vaia thisen pawh hian a hen zo reng reng lo a sin, he silai hi vawi khat ka hmeh puah rual rualin kan naute'n i khua hi meivapah an chan tir nghal ang" a rawn ti a Hrangthanmunga chuan lusei tlangval thi ta te an tam ve zia a hre ve tho bawk nen chhimbudawi a tum leh ta hram a.
"Nangni lusei ho dawihzep zia hi chu aw khaw dang tlangvalte puihna in la tihna ni renga nangni khaw thumah khuan mipa inawm reng reng lo zuk nia" tih pahin a han nui lui ve ngiala Thanhranga chuan "Khaw dang puihna mamawh tur khawp chuan keini khaw thumte hi kan nep love, mi pasarih mai mai pawhin i khua hi ral?i takin kan siam thei a, kan thawk chhuak tam kan lo ti mah mah zawk a sin" tih pahin che an awm leh awm loh chu a en kual nghal zung zung a, Zapauva'n lusei pasaltha parukte leh an hruaitupa te pahnih chanchin a sawi te, Vawmmana'n pakhat a kah hlum thu a sawite chu a hre chhuak uai uai a "Lalpa anni khaw thum pasal?ha te khu unau ang maia inngaina an ni a tlangval dangte tel lo pawhin an u te pahnih nen ringawt pawh khuan ngam chi zia zang an ni lo a ni" a tihte kha a hre chhuak uai uai a, a beidawng chuan "enge induh?" aw khur beuh beuh chungin a rawn ti ta a
Chhuanthanga chuan lalnu lam hawi pah chuan "min zui turin insiam rawh le i fanu pawhin a ngai tawh khawp mai che" a rawn ti a silai chu a van vawr zawngin a hmetpuak ta nghala. Chu veleh Dapzeh khua chu a rawn alh tan ta Zawlbuk atanga tlangval lo chhuak hmasa panga chu an thal chiang kher mai. Patling thenkhat pawh an ralthuam nen an rawn chhuak ve bawka Hrilkunga chuan inpawmchilhah an tan chet a harsa dawn tih hriain inhnuaiah put lut vatin a hal kual zung zung a Dapzeh tlangvalte chu inkang thelh reng rengin an buai ta, a kan belhchhah leh zel bawk si a khat tawkin silai a lo puaka an thal leh tawp zel bawk si a, pasaltha an awm tawh bawk si lo a dawih zual deuhte phei chu zaelbuk chhungah chuan zah pawh sawi thei loin an tawm kuk reng ringawt mai a ni.
Zanlai ar a khuan meuh chuan khaw chhung a in tam zawk chu a kang ta duai duai a, a bikin in inhnaih deuh phei chu a kang kai awlsam kher mai hmun thum a ?hena hmun hnih lai chu a kang hman a, tlangvalte chuan thelh tum tawh lovin, indang a kan kai lohna'n in thenkhat chu an lo ?hiat mawlh mawlh bawka. Tichuan Dapzeh khaw ropui tak ni thin chu Lusei pasaltha pasarih te lakah chuan a tlu chhe ti tih ta. Laltualah chuan mipui pungkhawm chu an rak teng tung maia inchhungah lah lal leh upate zawng zawng chu an tawm tlat bawk si. Mipui mangang tap ri te chuan an thinlung chu a va chhun na tak em.
A tuk zing khawvar rual chuan inkang pawh a reh fel ta tlangvalte chu an chau kher mai mahse nunaute buaipui turin lal tual lam chu an rawn pan khawm ve sap sapa. Chutih lai tak chuan lal in chu rawn intheh hawng lawpin an lalpa chu Chhuanthanga chuan a rawn tham chhuak nawk nawk a, leihkapuiah chuan dinpuiin a hnungah chuan pasaltha dang parukte chuan an rawb zui ve bawka. Chhuanthanga chuan mipuite chu an lalpa suahsual vanga thil thleng zawng zawngte chu a hrilh ta vek a, mipui rilru chi ai buai tawh chuan Chhuanthanga chuan a bum tel pah tih reng an hre lo a ni. Anihna dik takah chuan mipuite chuan an lalfanu ru chhuaka hruai let tumtute zawng zawng zawng lo chimih ?hak ?hak tute chu an haw hle tur a ni zawka.
Mahse Chhuanthanga chuan thudik nisi mipui te rilru kuai her zawng siin thu a sawi takah chuan anni rilru buai leh chiai mup tawh mipuite chuan an lalpa chu chil rawn duhin an rawn inhawr khawm ta, chu veleh Rengliana chuan lalpa chu rawn chawi lawpin ka nau phuba chu kan tlak fel ta tih pahin mipui zingah chuan a vawm lut ta a an han in?helh fel meuh chuan an lalpa taksa chu a bung nei nuai thei hial a ni. He tia mipui thiam taka an bum mai loh chuan an intam hleih si a,an lalpa thah ngei an duh bawk si a an hmuh laia an lalpa an thah chuan an zinga nunna chante an awm ve theih bawk si avang leh an haw kawnga ralmuang taka haw an duh avanga ti an ni a mahse Lianmawia thihna avangin an thil tihah chuan ti ?ha an intiin an lawm veng veng a ni.
Ti chuan lalnu chu hruaiin Thanhranga chuan an kal dawnah chuan thu sawiin "Tunah chuan lal innei tawh lo a in lalnu hi a fanu leh a tu nakin lawka lo piang mai turten an mamawh avangin kan hruai dawn a tha takin kan enkawl ang, nang ni erawh lal thar inthlang duh lo anih chuan khaw dangah inpem thei ang, in tlangval ralvenga indah te thihsan silai pawh ralven bukah a awm vek kha in nei leh vek thei ang. "tiin a sawia lalnu chu chhawmin Tiau lui lam pan chuan an kal leh ta.
Kal kawngah chuan lalnu chuan a pasal thihna chu tuarin han tah te nei zeuh zeuh mahse a fanu chanchinte chuan a ti lawm em em a, a pasal kha thinthawh thut nei mi a thinrim a pianga a nupui vuak ching em em mah nise pasalte zawng hmangaih a lo na deuh a niang e a ngai ve vawng vawng tho a ni. Mahse hun rei tak ata a hmuh leh chak em em a ngaih zia a sawi apianga a pasalin a thinrim khum ?hinna chhan a fanu hmu leh tur a ni chu a lawm letling phian a ni.
Hmeichhia nen a kal an nih tak avangin kawng lakah chuan zan sawm ngawt an riaka a ni sawm pakhatna chhun chawfak hunlai chuan Darchhep khua chu an lut ta Chhuanthanga chuan Bawhhla a han chham vang vanga silai chu a kap puak dur bawka midangte pawh chuan rawn nawn ve lehin ti chuan, a khaw nawta rammu an ni lem lo bawka khawchhungah chuan an lut ta lal inlam an pan nghal vata lalsaithanga'n an chet dan kim changte a han hriat chuan a chek tlak tlaka a hmaa ?hu pasaltha rualte chu a han en kual dan dan a, ka damchhung zawng huan nang ni vanglai hria leh hmu hmana khuanun min dam tir hi ka lawm reng tawh ngei ang. Ka chhuang hle mai che u a rawn ti a ti chuan zute khawnin an chet dan chanchin bawk chu an sawi kual leha ti chuan lal inah chuan Thasangi nu Thathangi chu thlen tirin midang zawng chu hmun dangah an thleng ve thung a.
A tukah chuan Zehtet lam panin an chhuak leh nghala Hrilkunga Thangkunga leh Chhuanthanga te erawhin zui tawh loin an khuaah chuan an tawp ve ta thunga. Pi Thathangi chu an zawn deuh reng tawha a ke a vun nasat tawh em avangin kal thei zia zang a ni tawb si lo nen, zan thum an riah hnu chuan a zan lina lenglen ar khuan rualin khaw chhung chu an lut a, hla pawh chham tawh lem loin lal inlam chu an pan ding nghal nalha Lalpa puithanga pawh chuan a lo lawm thiam hle mai Thathangi pawh chu a khaw mi leh sa nih a phalsak thu te a hrilh ve nghala ti chuan Chhuahchawnga te inlam chu an pan ta a.
Thanhranga erawh lal inah chuan lal leh upa ho titinaah a thu ve ta thunga. Chhuahchawnga te in an va thlen chuan Rengliana chuan Pi Thathangi chu pawm lawkin a luh pui ta a "Pawih lal nupa kan lo kal e" a va ti luta Thasangin chutia a nu a hmu thut chu engmah tihna chang pawh hre loin chet pawh che sawn loin a en reng ringawta, a mit atangin mittui a rawn sur nghal zawih zawih bawka hruk zai pawh rel loin a nu chu a en ngawih ngawiha Pi Thathangi pawh chuan muttui khap per sak sak chungin "Chemte mi rawn kuah dawn lo em ni?" tih pahin a kut chu a rawn phar chhuaka. Chu veleh Thasangi chuan a nu chu rawn kuah thlawp in a insut nghal hlawp hlawp bawka. Hun rei tak a lo hmuh tawh loh, a ngaih em em thin amah hringtunu ngei a pain a vuak laia a ruka a lo tah pui thin. A pain a kutthak hnawihnana a hman fo hnu pawha lalnu tha leh a fanu tana nu tha ber nih tling em em Pi ?hathangi chu a fanu nen chuan tah ban zai reng rel loin an insut hlawp hlawp bawka. Chu zan chu an vaiin khawiah mah leng chhuak loin
Chhuahchawnga te inah chuan an awm khawm thap a. Thasangi chu a nu te pahnih inkarah chuan thuin, an pahnin chuan a ngheng tawnin a naute tha leh emaw tih tur hial khawpin a awm dan a rawn naupang chhe thar leh a. Leng hawn ar khuan rual chuan Rengliana leh Runthanga chu zawlbuk lam panin an kal ta a.
Zan an han mu chu Thasangi pum chu Chhuahchawnga chuan chul heuh heuh pahin "Rengliana chu Bualthleng lal makpa a ni thuai anga, Thangkunga pawh Bualthleng makpa a ni thuai bawk anga mahse an fate vel tu tur leh kaihruai tu tur Zehtet khua hian pasaltha hmimgthang leh ropui Thasang hmel?hai fapa an la nei dawn a ni" tih pahin a nupui pum puar lung tawh a chhungah mipa awm se, a len hunah pasaltha nise tia a lo ngaihtuah thin chu a zut kuala. Thasangi ve thung chuan "Hmeichhia nise nula hmeltha tawpkhawk rawn ni bawk se la, pasaltha pasala neih hnua fa tana pasal?ha bawk neih leh chu ka inhuam lo" a rawn ti chhuak ve bawka Chhuahchawnga chuan dik a tih rualin mipa nise a tihna chu a reh thei chuang lo, a nupui biangah chuan duat takin a chul hliau hliaua Pi ?hathangi awm a chin chu ?hasangi chu a hma aiin a hlim hle tih a hriat a ni. ?hasangi chuan "ka nu min pek let leh avangin ka lawm e tunah chuan ka nu te pahnih leh nang ka nei che u a, fa kan nei thuai dawn bawka mamawh dang ka nei ta lo e" a rawn ti chhuak sapa.
Chu tih lai mek chuan zawlbukah ve thung chuan Thanhranga chuan Rengliana hnenah chuan "Hmeichhia hi a kaw awmna lai a in ang lo a Sailo hmeichhe ho kua phei hi chu a te zualin a hmuh pawh a har an ti, Sangzuali u pasal kha ka ?hianpa a nia min hrilh veka chuvangin Sangzuali pawh hi a malpui dinglam leh a kap inkar thuk lai takah a awm vein ka ring a ni a kap lai tak a mi kha chu zunna chauh a ni anga, fa neihna tur erawh a mapui leh a kap inkar inthlep thuk laiah khan a awm ang"a ti a Rengliana lah hmeichhe chanchin hriat a lawi nei lo, an chawn var an han hlim lan luih khum pawha a ho emai ti mai mai ?hin mi tan chuan awih loh chi ni hek lo lawm takin a mu nui vur vur a, Runthanga nuih za lutuk chu a inhup dir char char bik peka, a kua hi a lo hreuh ru fo tawh a ni mahna an inzuina a rei ve tawh bawk nen.
Zingah hma takah thoin Thanhranga te pathum chuan Chhuahchawnga te inlam chu an pan leh ta a, an va thlen chuan an han insiam sawk sawka Chhuahchawnga te nupa pawh chuan lo pui ve mawlh mawlhin an insiam zawh chuan lal hnenah haw an tum tih hrilh tura kal an tum ta a, Chhuahchawnga chuan "in ngaihawm dawn hle mai kan inhmuh leh thuai i beisei ang u, dam takin u le" a han ti a Runthanga chuan "lo dam zel ang che u nangni deuh hi a nia ngaihawn tur chu," tih pahin a chhuak ta a Thanhranga chuan a zui ve bawka ?hasangi chuan "U Reng i thusawi ang ngeiin ka nu chuan na engmah a neih loh bakah ka hnen a rawn thlen theih phah a ka lawm hle mai kan tana in inpekna hi engtikah mah ka theihnghilh tawh lo ang" a han ti a Rengliana chuan "Ekhai unau vek kan ni e lawmthu sawi a ngai reng reng lo a nia" tih pahin a dul puar tawh tak chu va khawihin "lo piang thuai thuai la i pa te ho hi min la rawn khum vek dawn nia" a han ti a chu veleh ?hasangi chuan "Hmeichhia a ni dawn" a lo ti ve bawka ti chuan hlim takin an inmang?ha ta a.
Nilenga an kal hnu chuan Bualthleng khua chu zanriah ei hma deuhin an lut ta. An khua rei tak an thangbo san tak chu an ngai tlang tawh bawka kawtchhuah an thlen pawh chuan chawl khawmuang loin hmangaih berte hmuh chakin an pen sawk sawk tawh mai a ni. Lal inah an vaiin an han lut hmasa tete a Lalpa Dohranga chuan a pasal?ha te chu a chhuang tih hriat zetin a han en a, zu te chu a han leh bawk a, Thanhranga en pah chuan "Hranga Chhunthanga hi chu an lalpa thu ni se, nang erawh hi chu in lama awm tam i hun ve tawhin ka hria a ni, i pa awm loh a chin phei chu kan rorelnaah hian rawn duh zeuh zeuhna che kan nei chho ve mial mahna, hei tunah chuan i naute hian an rawn khum tawh che a, an rintlak ve takzet tawh a nih hi nang erawh khawchhunglamah nupui fanaute uap lum ve tawh la a ?ha ang"a han ti a, Thanhranga pawh chuan chutia a nupui mai pawh ni lo an lalpa thlenga ram lama tal tam tawh loa chhungkua uap lum ve tawh tura a tih takah chuan tum pawh a tum ve ta hle a, mahse a tumna hi a chakna hian a hneh leh nge nge ?hin zel kha a ni a, enge a an dawn ni.
Lal inah chuan lalpa chuan zanriah kil turin a han sawm tak naa mahni in pawh la tlawh miah lo annihna avang chuan thiam taka hnarin zana leng leh zawk tura intiamin an inzui chhuak leh ta a. Thanhranga'n inchhung a han luh chuan a fate pahnih chuan lo lawm vatin a nupui pawh chuan a lo nuih sen sen bawka. Mahse, kim lo riaua hriatna a nei a, tap lam a han en a a pa ?hutna ?hin lo ruak ta huai a hmuh chuan a pa a ngaih a zual hle mai, a tlangval tirh a ?anga patling anih thlenga a ram chhuak haw lo chiau au ?hintu han awm ta lo chu a ruak huaiin a hria a ni.
Zan riah an han kil zo a, leng len ar a khuan takah chuan a fate pahnih pawh chu an ?hiante lam panin an chhuak ta vata Thanhranga pawh chu a nupui chu hruaiin leihkapui lamah chuan a ?hut puia inthlahlel tih hriat takin Thanhranga chuan kuahin ?ialthangi chuan a kut a lo khalh sak niap niap bawka. Chu zan thiang vuk leh nipui rim rawn nam ?an tir thlasik boruak vawt zual pui reh ?an lai boruak nawm hunlai tak chuan chu pasal?ha a pianna khua BUALTHLENG MAWITU ngei mai chu a nupui duat tak bulah chuan lungawi takin a ?hu nui vur vur a.
Bualthleng an thlen a?anga ni thum hnu lekah chuan thutiam ti hlawhtling an awm ta ngei mai. Thangkunga palai te chu Thanhranga teinah chuan an thleng ?hapa Chhuanthanga leh an khaw pa pahnih an rawn kal a ni. Lal in lamah te han lutin an kal chhante an han hrilh hriaa lalpa pawh chuan a khaw nula fel chu chhuak dawn mah se Thangkunga hnenah chuan a ngaihngam thlak dawn hlein a hria a "Biakliani hi zawng a mawng a zangin a che reng reng hi a zei thlarh a nia, a ?awng tlem em mai pawha. Thangkunga nen pawh an inawm viau tak alawm maw le ?awng tlem leh ?awng tlem chu an inbakkaih pawh a har deuh ang" tih pahin a nui huau huau a. Zanah chuan Pu Zangaia te inah chuan palai te chu an va leng ta a ?awngkam ?ha taka inthlahin leng leh ngei turin thu an rawn hawn tir bawka. Zan khat hnuah va leng lehin chu zanah chuan an inneih hun turte leh Biakliani man turte chu an sawi fel ta veka.
Runthanga leh Thanhranga pawh chuan Thangkunga chu an lawm pui hle maia Rengliana erawh chuan "Thangkunga reng reng pawh hi a khawtual mite kan chet hun nghah ve tur a nia rammut zawha palai tirh ka intiam ve tho a, tuna han tirh ve lah a tih chi mang tawh bawk si lo, an inneih zanah a hre khawp ang ?hiante pawh nghak peih lo" a tibui bui a Thanhrangan "Renga nangni zawng khaw hmuna leng inni a a lungphan thlak hleinem, Thangkunga te zawng innei vat vat se a ?ha zawk a ni. An kar a hla tham si a an ?awngtlem ang ngawt lo hian lunglen hi an lo pe na ve hle ang tih pawh kan va hre hek suh" a tih takah chuan a zia ve leh ta deuha "Thangkung in inneih zan ka va nghakhlel tawh tak em" a ti deuh chhen maia Biakliani khawlai chhuak a hmuh lah hian "Lawi ?hat zan ka nghakhlel mange" a ti deuh chhen tawh lehnghala Biakliani lah chuan Thanhranga hnenah zualkoin a phur lo telh telh bawka. Midang ka a?anga Chhuahchawnga te inneih zana Rengliana chet dan a hriat ve tawh tho avangin Rengliana chu kal ve thei lo mai se a ti hle a, mahse a dam anih phawt chuan a kal lo phal dawn lo tih a hre chiang ropui bawk si, midangte pawn an tawng ve tho alawm ti mahse Rengliana chet duhdan tur a hre lawk bawk si lo a, lawi ?hat zan pumpelh mai te pawh a duh rum rum ve hial mahna.
An insawi rem ni tur a hnai tial tiala a khawi lam lam pawh an ?angin, Chhuahchawnga pawh Thangkunga te lam pui turin Darchhepah chuan a kal ve bawka, a nupui chu nau nei thei reng ni tawh mahse, a neih hun tur chiang takin an hre chuang si lo, chutiang vanga a ?hian ?ha berte zinga mi inneihna tur han ?hulh chu tih chiah a ngai bawk si loa rilru khingbai zetin Darchhep lamah chuan a tei ve fua fua reng mai a ni.
An insawi rem ni a thlen hma ni riat la awmah chuan Bualthleng lam pawh an inpeih ta, a tukah chuan Zehtet lam pan mai an han rela Zehtetah zan khat riaha a tuka Darchhep lam pan leh nghal an tum a ni. Mo zui tu tur pawh an tam ve hle maia, hmeichhia nen naupang nen an nih nuai avangin an kal sawt thei dawn lo hlea an hriat avangin "a kal lam hma i la a ?ha e" an ti deuh a ni. A tukah chuan Zehtet khaw lam pan chuan an chhuak ta a, tlangval puitling pangai tana nikhat nileng kal kha Zehtet khua an thlen meuh chuan leng hawn ar a khuang al al tawha, lal in lam pan vatin chanchin an lo va thlen lawk tawh bawk nen an lalpa chuan lawm taka lo mikhualin mo chhungkua chu a inah thlen tirin midang zawng chu khawnbawl upateinah chuan a sem darha, chutia an han insemdarh fel meuh chuan a lo tlai tawh bawk nen tlangvalte pawh Zawlbukah chuan lawi lut loin an thlen inah chuan an riak ve bawka.
Runthanga leh Rengliana te thlennaah chuan Thansanga te ?hian ho chu thlengin an inbuan kual a, indim lo takin an inkhawik sawk sawka, an che zia lah chu an zei em em lehnghal, in neitute lahin hmuhnawm an ti bawka mut zai pawh rel loin an thlir ?hap bawka. Chutia an hlim dar dar lai chuan khawmawng lam a?ang chuan "Sa a tla e" tih thawm a lo awm ta, rang takin Runthanga leh Rengliana chu an silai leh meichher lain an kal chhuak ta nghala Thansanga te ?hianthum lah chu an lo phur ve em em lehnghal Runthanga te pahnih an kal hla tawk ta maw tihah chuan an fei Pu Zangaia pek ?heuh chu humin an thleninte khap rual lohin an tlan chhuak ve ta nghala
Val upa Ruma kianga thleng Thanhranga chuan kal ve tum lem loin Ruma nen chuan tlangval kal liam zut zutte chu an lo thlir a Runthanga leh Rengliana te rawn thleng ve chu ral khat a?ang chuan an va hmu phaa an lawm hle mai, mahse a hnu lawka Thansangate ?hian thum fei nena khaw mawng lama an tlan thla ve an hmuh meuh chuan Thanhranga chuan "khai aw ka hlauh ang ngeiin" tih pahin inchhunga luh tum chuan a inher nghala Ruma pawh chuan "kei pek" tih pahin a rawn zui lut ve nghal bawka an silai leh an ipte pui chu an ak sawk sawka meichher pakhat veve kengin hmanhmawh takin an tlan liam ve ta nghala, tlan pah chuan Ruma chuan "Kan naua te mai mai chu aw Runthanga te khan an lo veng em ang chu a han ti a" Chutih lai mek chuan khua a?anga hla lo te khaw dai lawk ?hang pik hmunah chuan sakei chu tawm tlatin tlangval te chuan chhuah tir ngei tumin lungten an vawma, thawm chitin reng an siama, sakei lah chu a rawn hahum leh dum dum?hin, chutia an buai mup mup lai chuan tlangval pakhat a fal deuh chuan sakei tawmna chhak lawka lung lu tiat vêl awm chu lak tumin a kal ta mai, a bula ding Runthanga chuan fimkhur rawh ti hman chiah Sakei chu rawn zuang chhuakin chupa a hap fuh hma chiah chuan Rengliana chuan chu pa chu a va bawh thlu tawpa mahse Rengliana ban erawh a ham hman tlat a thi duh hle nghe nghe a chhak hnim buk kar a?ang chuan Thansanga te pathum chuan an lo en ve mek bawka. Chu tia sakei a rawn chhuah takah chuan Rengliana bulah Runthanga chu va ding vatin thal thlah chuan insai palh a hlauhawm tawh em avangin an chempui nen tlangval dangte chuan an han zim kuala, chutah Rengliana chuan a meiah chaih ang aw rawn zim hnai deuh rawh u tih pahin a tlangval chhan chhuah hlauh luat vanga thidang mek chu hmun remchangah dah sawnin hual tute zingah chuan a rawn inzep ve leha.
Runthanga chuan "Zehtet tlangval huaisente i hmachhawn hi i ti sual dawn a ni e khai le Zehtet tlangvalte u a meiah hian chaih ang u aw" tih pahin a bul ?annan sakei amah hnungchhawna a lo hualtute en kual mektu meiah chuan huk tuar khawpin a han pawt a a insaseng leh nghala. A chhak a?anga lo thlir reng Thanhranga leh Val upa Ruma chuan Thansanga te an awm lo tih an hmuh chuan an lawm hle mai a mahse chhun eng chu nise an hmuh phak tawk leka hlaah an ?hu ve mek tih hria se chu an ko chho vat anga an hau hrep ngei ang le. Zehtet tlangval huaisen zual panga te chuan chu sapui mei chu an han chaih ve leh bawka mahse midang rawn chhuak ngam an awm tawh tlat lo mai. Sakei lah chu a kawlh tulh tulh bawk si, Rengliana chuan "Thansanga te ho kha lo hruai i la chu an chaih hlum thei mai ang a" a han ti a chu veleh Dammawia insum zo lo chuan "hruai kan ngai hleinem kan lo kal e tih pahin a tlan chhuak ta nghala Thansanga leh Liansanga pawh chuan rawn zui nghalin Dammawia rahna tur en lo inchhuih tlu chu an rawn chil zui bawrh bawrha hualnaah chuan va tel nghalin Rengliana chuan sakei chu a lo chhaih kualin a meia Thansanga chuan "kha aw keimah" tih pahin a meiah chuan a han pawt pawpa, sakei rawn inher lai tak chu " helamah pawh" tih pahin Liansanga chuan a bekah chuan a lo tlawh sak chawrh bawka Dammawia pawh hnar thisung chunga rawn thlengin "kha keimah Bualthleng pasal?ha tur tih pahin sakei mei ah chuan a va man nghala a rawn inher dawn apiangin a fei chuan a lo chhun leh zela Thansanga leh Liansanga chuan rawn pui vatin chu sakei chu ainherna lam apiangah fei hmawr zum chuan a rawn chhun leh nawk ?hin. Tlangval ho lah an haw haw nasa ropui si, khatia an tlan chhuah khan a chhak lama a pa in aw rawl tawp tawpa an pathum hminga a rawn ko chu hre hlawm mahse an chakna chuan a hneh thlu ngang a ni.
Thanhranga pawh chuan a fate ?hianthum tlan chhuak chu aw rawl tawp tawpin au mahse an thlen rual ruala sapui meia an chaih nghal leh an ngam dan em em a hmuh chuan lungawi takin Val upa Ruma nen chuan an thlir dun ta a, chu sakei chu anni pathum lek tan chuan hneh chu a harsa ang mahse an ?an a han pheh deuh dawn apiangin tlangval ho chuan an rawn pui leh zel bawk si. Dammawia chuan "a ninawm tawh emai" tih pahin chu sakei zakdawh vei lamah chuan a fei chu a han chhun tlum pawka, chutih rual chuan Thansanga fei chuan Sakei hrawk chu a thil tlang pawk bawka liansanga pawh chuan zakdawh dinglam pangah chuan a rawn chhun zui ve bawka. Sakei mah ni se a sahuatah tak vek ni miau hek a tal nasa kher mai tlangvalte pawh ?eh hukin sakei natuar chu an thlir ?hup ringawt maia, Thanghraga'n "Runa Renga let a hun e, Thansang nang ni pawh rawn kal tawh u, kan ramhnuai pasal?ha chuan Zehtet tlangval huaisente a ngam ngang lo anih kha khatia na tuara dah reng kha a ?ha ngai lo a nia a hnuk kha chhat vat ula lal in lamah chanchin kan lo han thlen ange" a tih takah chuan Bualthleng lam zawng chuan inthiar fihlim sanin Zehtet tlangval silai kengte chuan an silai chu a ruala sakei lama hmet puakin tlawmngaihna nen a kaptu nih bik duh hauh loin an vaia kut zalah an thih tir ta a ni.
Kawng tluanin Thanhranga chuan Runthanga te ?hian dun chu a hau mawlh mawlha Darchhep an thlen hunah pawh Thansanga te ?hian thum chu enkawl uluk zual turin a hrilh mawlh mawlha. Runthangate pawh chuan Thanhranga rilru tur chu an hrethiam em em a, fa la nei lo mahse mahni fate ngaihtuah a nat dan tur zia chu an hre thiam phak uai uaiin an inhria a ni. An thlen in an thlen dawn chuan Thanhranga pa chuan a fapa te pathum chu an fei chu laksakin "kan khua kan thlen leh hma chu ka kawl sak rih mai che u a ngai dawn a ni, zaninah inhuaisen zia inpholanga ka chhuang takzet che u a ni, mahse tlangval rual thil tihnaah naupang inrawlh ve chhen an awm ka hre ngai lo, Darchhep lamah pawh khatiang buaina a thlen palh thut chuan in kal tawh tur a ni lo tih hria ang che u, chu vangin infei hi chu kan khua kan thlen hma chuan inhum tawh lo ang" tih pahin lal in lam a pan san ta daiha.
Lal inah chuan chanchin han sawi zung zungin afate chet dan leh a naute pahnih chet dan erawh a thup tlata, engkim chu Zehtet tlangvalte thiltihah vek a chhuaha, zinga chhuak leh tur an nih avangin mut hma a duhthu sawiin a thlen in lam a pan leh ta nghala, a thlenin a va luh chuan Val upa Ruma chuan "Kan naua te hi kaihhruai tan mai an tha zawkin ka hria a ni. Kaihhruai lam kan hma chuan puitlin lam pawh an hma ngei ang" a rawn ti charh charh a Thanhranga chuan "ka lo rilruk dan chiah chu a ni e khuaah han haw leh phawt i la"a ti a chutih lai mek chuan sakei zawntute chu an rawn haw haw chho mup mup bawka. Lal tualah chuan sakei chu nghatin lalpa chuan mikhual te vanga hriatthiamna ngenin sakei lu chu a aih tur thu leh a tlangvalte pawh chawimawi a tum thu chauh sawiin a tin tir ta a, tlangvalte pawh chuan hrethiam takin zawlbuk lam an pan ve sap sap a.
A tuk zingah chuan mikhualte chu kawt chhuah lam panin an inzui chhuak leh ta a, Rengliana leh Runthanga chuan Biakliani hruaiin Thasangi nau pai hram tawh tak chu an va tlawh leh zuaia, Biakliani nen chuan an han inhmelhriat tir sawk sawk a, Rengliana chuan "kan lo haw hunah lo nei hman tawh la aw" , a ti vawng vawnga tha taka inthlahin Thasangi chuan Biakliani hnenah chuan a puan pakhat pawih lalfanu anih laia pawih ram lama puan hlu berte zinga mi mina zawng neih phak loh chu a pe ve ta a, Biakliani tlawmngai chuan hlan let a han tum rawk a, Rengliana chuan "Inthlahrunna tur a awm hleinem kan ruk chhuah zana a inken bawr zia kha ka la hria alawm ka nupui neih hunah chuan a tha ber kha rawn thawn ang che" tih pahin a nui zui vur vur a, Thasangi chuan, "Teh reng mai, tluang takin va kal ula. Runa, Renga che nasa lutuk tur kha veng ang che" a rawn ti zauha chu veleh Rengliana chuan Biakliani en pahin "Nangni lawithat zan kha chu a aite chhinna chauh alawm anih, Biaki te hi chu a pui khawp ang" tih pah chuan a nui vur vura Biakliani lah chu a men nghal pur bawk a. Thasangi chuan Rengliana chu mitmei vatin Rengliana lah chuan hrethiam hek lo, an vai chuan an nui ho ta dar dar ringawta.
Kar laka zan thum an riah leh hnu chuan Darchhep khua chu an thleng ta mo chhungkua chu Biaklianin pa atana a va neih tur Chhuanthanga teinah chuan an thlenga Runthanga leh Rengliana chu Thansanga te pathum leh Zehtet a?anga zuitu tlangval pakhat pawih ho nen an insuatna rapthlak tak a thlen ?uma a tawp thlenga ding ve zinga mi nen chuan Hrilkunga teinah an innghat a Thanhranga leh valupa Ruma erawh khawnbawl upa inah an thleng thung a ni. A tuk nileng chuan Thangkunga te in lamah chuan buaiin an thlen pui pa Zehtet tlangval lah a ?awng duh chi a lo ni bawk nen Thansangate pathum chu an lar hat hat kher mai. A tuk lehah chuan nilenga ram vakin Sanghal sum sarih zeta lian Runthanga kah te, Rengliana kah Sakhi pachalte, Hrilkunga kah Sazuk pa, chal ve tan tawh tak te leh Chhuahchawnga kah Sanghal sum ruk zeta lian nen chuan behliang mun hun velah chuan kawtchhuahah awmin hlado an han inchham chhawk vang vang a.
Salu pawh lawmna hranpa nei loin a tuka Thangkunga te inneih ni chuan khawtlang hrainan an hmang ta zawka, lal leh upate bakah Thangkunga te chhungkaw lamin an ran vulh lai an thawh ve bawk nen, mipui pawh an tlaiin nuam an ti hle mai. Rengliana lah a phur tulh tulha nupa tuak tharte erawh Renglianan a nuih sun sun thin avang chuan an hma hun chu an huphurh dun hle mai. Lawi that zanah chuan Thangkunga chuan a thiante rualin zawlbuk bawhbel chu a bawh liam ve tete a ti chuan an mu ta, a ruahmanna anga Renglianan zu a intha duh hauh lo te chu a thinrim tun tawh a ni. Thanhranga leh Valupa Ruma lah chuan lalpa bulah chuan Rengliana chu danin awmzia a awm dawn loh thu leh tlangval nih leh a a chetla hmuhnawm tur tak lo thlir a dul dawm meuh a mittui per chhawk chhawk khawpa lo nuih chu an chak zia an han sawia, lalpa zu chu an dut pah kalh kalh bawk a.
Zawlbuk thawm pawh a reh rei ta, lalpa Saithanga chu tho thurhin khumpui lam a pana a lalpuan chu hlipin mipangai incheiin a rawn inchei ta mai, amah mak tih hmel taka lo entute pahnih chu nuih sun sun pahin "Kan Rengluliana che tla chu va en ang hmiang" tih pahin hma a hruaia a hnungah phur takin Thanhranga te pawn an zui bawka Thangkunga te in lan chian theihna lai hmun thim deuh laiah chuan an va thu ta kar a.
Thangkunga pawh chuan thawm dim takin bawhbel a lo bawh liam ve mek bawka Rengliana erawh a mizia dang ta thut chu Runthanga chuan a chhante a han zawta "Runa hlim ka duh luat avangin kha ti khawp khan Biaki pawh ka vau der nasa a, mahse Chawnga nupui neih zanah kha chuan ka nau a la awm ve a tunah erawh a awm ve ta lo chu a ni si a" a han ti chuai raih a, Chhuahchawnga chuan "Renga a dik viau mai tiraw mahse zanin chu hlim hun anih hi, va lang lo ta la, Thangkunga chuan mak a ti viau ngei ang che" a han ti a
Rengliana chu inngaihtuah chhuak thutin "Hmanhmawh rawh u, an in a thlen hman chuan a pawi dawn" tih pahin a tlan nghala tlan pahin bawlbel bul lawka a ramhrui dah thuhruk diam chu a la chhuak nghal bawk a. Thangkunga an in thleng ?ep chuan a hnunga a thiante rawn tlan hlawk hlawk a hmuh chuan ding meuhin a lo nghaka rum tawk takin a lo tlan hmasa ber Rengliana chu a lo melh bawka an rawn thlen khawm hnu chuan lungawi lo tih hriat fahranin "Enge khati fakaua mi rawn um zui hlawm che u a" a lo ti a Rengliana lah chuan man bet thutin chhuat laiah chuan a keuh thal nghal thuai a "Phuar vat rawh u, tuanmuang ho" tih pah chuan a nui dir nghal char char a.
Thawm a chhuah rin chuan Biaklianin a hriat phak a hlau bawk si, Thangkunga hmui chu Chhuahchawnga chuan a lo hup bet tlat bawka. An han phuar fel meuh chuan tlangval dangte chu an lo thleng khawm ve vek tawh a ni. Ti chuan an in lam chu an pan pui ta kawtah chuan Rengliana chuan midang zawng chu din puiin thawm dim takin inchhungah chuan a va lut ta, enge a tihdawn chu ni maw tiin an lo thlir thap a, Rengliana lah chuan Biakliani mutna bul lawka din reng pah chuan "Biaki ka lo haw e, i puan mi hlim khum rawh i pasal keimah Rengliana" a va ti ta mai, Biakliani zak lutuk chuan rawn thoin a samah chuan a rawn keh sak a, Rengliana lah chu a nui zuk uar uar bawk a. Rang taka tal pitin pawnah a tlan chhuak nghal a.
Thangkunga an phuar hlawm nui thei reng reng tawh lo chu pu lawpin Biakliani bulah chuan a va mut ve leha chutah pawnah chhuahsanin tlangval dang ho nen chuan in chu an sawi ta. An sawi pah chuan "Thangkunga chu a che na ngei mai hei an in pawh a nghing luai luai thei nia" tihpahin a aia uar chuan a sawi nasa zual sauh sauh bawka. Val upa Ruma awin "Renga a tawk e Thangkunga te inti mangang rei tawh e" a rawn tih takah chuan Zawlbuk lam chu an pan ta diaka. Val upa Ruma pawh lal in lamah a chho ve leh ta nghala.
Biaklianin Thangkunga an phuarna a han phelh zo a an han mu dun chu Thangkunga chuan zawi sapin "Nupui a la nei ve dâwn alawm mawl leh lutuk mai" tih pahin a nupui chu a nuih zui var var a. Chu zan reh tak rannung hram chiah chiah thawm bak hriat tur awm lohna, nupa tuak thar te tana bung thar kai zan duhawm ni bawkah chuan a hnuai zawka ?ang Biakliani mittui tling pam chu Thangkunga chuan nuai fai sakin, "kei pawh a thip ve lutuk tho, lo nghak lawk rawh a rei lo ang" tih pahin a sazu kaw thar ama hreuh kuak ngei chu a puk chhungah enge awm tih hriat tumin a lo ralmuan loh takah a ti nge rilru zawng zawng nen theihpatawpin chu kua chu a luh-chhuah ta ngar ngar a,a ralmuang tawk a niange, duh tawkin a nupui sirah chuan a zawi thla nghal hnawk a mahni chenna tur hreuh mah nise a hah ve hle a ni chek ang chu a thaw hlawi hlawi mai a ni.
Mahni chenna tur siam hi a hahthlak ber zawk alawm hahha
ReplyDelete