BUALTHLENG MAWITU BUNG 16-20

Thangkungate inneih tukah chuan Chhuahchawnga leh Zehtet tlangval Rengliana te rawn zuitu bakah Bualthleng lama haw tur thenkhatte chu an haw ta a, Biakliani khawhar hnemah Niliani pawh chu la cham vein Runthanga leh Renglianate ruala haw turin thu an ti tlu a, Chhuahchawnga chuan cham duh ve viau rih mahse Thangkunga ber pawhin "i nupui a ngaihtuahawm tawh e mai, nau a hring mial tawh mai thei a sin va haw la, lo zin vat ka tum zawk ange a tih takah chuan phur takin a haw ve ta zawka, kalkawngah chuan Thanhranga leh Pu Zangaia nen hma hruaiin an hnungah Thansangate thian thum chu Val upa Ruma hoin an ri ve nawk nawk bawka Pu Zangaia nupui leh hmeichhe thenkhat chuan an rawn zui ve bawka Zehtet tlangval pakhat chuan an hnung rawn dawlin an nui ho dar dar reng a. Tluang taka kalin kar lakah zan hnih an riah hnu chuan a nithumni leng len ar khuan hunlaiin khua an thleng dawn ta reng mai.

Kawtchhuahah chuan thu thapin eng enge maw te an han sawia, chutia an lo titi nak nak lai chuan an lam pana mi lo kal thawm an hre ta, ngawi renga lo nghakin thawm pawh chu a rawn hnai zela, nakinah chuan mipa pakhatin nu pakhat a rawn hnuk phar dawr dawr lai chu an hmu ta a, zan thim hnuaiah hmel a inhmuh theih si loh nen; Pu Zangaia chuan ngaihthat loh rukna riau nei chung chuan "Mi nupa intithiam lo an ni ange hawh u i kal teh ang u en reng mi an ni lo e" tih pahin hma hruaiin a tho nghal tharh bawka. 

Midangte pawh chu tho ve sap sapin an lam pana lo kal mekte tawk zawng chuan an kal thei ta. Kawtchhuah thlen hma deuh khua atanga hmuh phak tawh chiah silohah chuan chupa chuan chunu chu a chhuk bih ngur maia, Thanhranga te lam chu a hnung chhawn tlat avangin chupa chuan a rawn hmu thei lo a, tlema an han kal hnaih leh deuh chuan chu nu chuan "Chawnga min chhan rawh" a rawn ti ta mai. Chhuahchawnga chuan chu nu chu a nupui ?hasangi nu Pi ?hathangi a ni tih a hre ta. Chu tlangval pawh chuan lo hmu nghalin rang takin tlan chhiat a rual nghal a, Silai hmehpuahna chi a ni bawk si lo Thanhranga chuan vawm tumin lung zawng kualin a han kun da da a, chutih lai tak chuan a thil ah vel chu che deuh lawih hian a hria a, rei loteah na tuar ri a hre leh nghal bawka a han en chian chuan Thansanga chuan afei, a pa'n a ah lawr vun chu pawt dawk zawkin chu tlangval chawnah tak chuan a han khawh fuh a lo ni. 

Chhuahchawnga chuan Pi Thathangi pawh buaipui hman loin chu pa lam chu thinrim engphiar chungin a pan chho ta. A han thlen chuan a samah kek dak awrhin "Tunge i nih?" a han ti a chupa hlau lutuk na ti bawk si chuan "Mi nun hram rawh ka sawi vek ang, lalpa Hrangthanmunga thihthu kha a unaupa Hrangchinan a hriat rual khan a pasal?ha Fangzaua hoin keini hi min rawn tir chhuaka tunah hian Fangzaua chu i nupui bulah a awm meka, fa a hrin hun hunah mipa anih chuan laksaka amah chu thah a tuma, hmeichhia anih chuan thah nghal veve a tum a ni, nangmah thah tuma lo kal ni mah i la i lo awm bo bawk nen heti hian kan che ta mai a ni"a han ti tuau a. Chhuahchawnga chuan "Engzat nge lo kal che u?" a han ti leh a, chu pa chuan "Mi sawmthum vel kan ni a, lal inah mi panga an awm a, a bak zawng chu khuaah hian kan insemdarha zawlbukah a tam zawk an riaka, in tlangvalte chu zawlbukah tho phuar hlawmin kan khung bet vek a ni, khawngaihin mi nun hram rawh" a han ti leh a. 

Chhuahchawnga chuan "Dam tlak i ni lo e, i thiante pawn an rawn zui thuai ang che" tih pahin a lu chu a chhawk nghal hmawk mai a. Khaw chhung lam pana kal nghal mai a tum chu Thanhranga chuan lo pawt dingin "Chawnga va kal ta la in lalpa emaw i nupui emawin an tawrh phah thei a sin rilru fim tak put tum hram hram rawh" a han ti a, mahse Chhuahchawnga chuan rilru fim reng reng a pu thei mawlh lo "ka nupui chuan nau lo nei tawh ta se a thi tawh mai thei a sin, i nupui chu ni ve se.." a han ti a mahse sawi zawm duh loin a ngawi leh ta zawk a. 

Pu Zangaia chu loin rawlh ve vatin "lal inah mi panga an awma hetah mipa puitling panga kan awm bawka, lal ina mite chuan zu leh sa an chen nasa hle dawn tih kha hria i la, khawi khua pawh run ila lal in awp beh anih hi chuan tih dan ?hin a ni reng bawka, an mut reh hunah kan lut anga lal in a awm te kan chin fel hunah zawlbuk lama tlangvalte kan chhan chhuak leh phawt ang, chumi hnuah chuan an pasal?ha chu kan bitum thei chauh dawn a ni. Ruahmanna fing tak kan hman loh chuan emaw kan fimkhur hle loh chuan lal emaw Chawnga nupui nunna hian tuar thei a ni tlat maia, chu vangin fimkhur a ngai a ni"a rawn ti a.

Chhuahchawnga chuan a nupui chu ngaihtuah hle mahse chu aia ruahmanna ?ha chu awmin a hre bawk si lo "ka that vek ang an vaiin" a rawn ti a Thanhranga pawh chuan lo sawi zawmin "Ni e Chawnga kan farnu kut thlak tu chu an dam reng kan phal bik hleinem rilru fim put tum hram hram teh khai, kan zingah a zuan zang ber i ni a nang ber kha tia i awm tlat chuan chaurau ek kan thai lo ang tih pawh ka hlau hlel love" a han ti a Chhuahchawnga pawh chuan "Ni e aia u te leh a hre zawk inawma ka hlauhthawnna pawh a zia deuh e, in thu rel a piang ka pawm vek a ni" a han ti a. Val upa Ruma chu lo tawng ve lehin "Hranga, kan naua te pathum hi kan hrual dawn anih chuan, a bul tan na'n hei aia duhthlan tur tha hi a awmin ka hre hauh lo mai a" tih pahin Dammawia leh Liansanga fei a la ah chu la chhuakin a han pe a. 

Thanhranga chuan "Mipa takin aw ka fate u, ka hnungah zel inawm ang a puitling pangai vek an nih tawh avangin a rualin pakhat in bawh zel ang, fimkhurna hi in thiantha ber a ni tur a ni" a rawn ti ve bawka. Thansanga te erawh chutia ral an han bei ve tur chu mak an tiin an lo suangtuah ruk fo an lo sawikhawm thin leh an chak em em chu a takah an tawng dawn chu a ni mai si a,an lawm rualin an zam em em thung a ni.

Ti chuan le thawm chhuah loin khawchhung lam chu an pan ta a, hmeichhe ho chu kawtchhuahah chuan an hnutchhiah bawka ti chuan lal in lam pan tumin an kal ta. Mahse an tum ang ngawt chu a lo ni lo hle pawih ho chu khawchhungah chuan an thianpa bo ta chu zawng kualin an lo la tei kual nasa maia. An thianpa lahin Pi Thathangi daikala hruai chu pawngsual tumin kawtchhuah lam a pan puia a nunnain a chan phah tawh tih reng an hre si lo. Dammawia chuan Thanhranga hnenah chuan "Ka pa tihdan ka hria e" tihpahin pawih tlangval ho lam pan chuan a tap der phei nghal a, Thanhranga te erawh thaw dep depin a thim chinah chuan an lo awma "Dammawia hi chu aw..." a ti vawng vawng maia. Dammawia chu pawih tlangval ho chuan lo hmu vatin. "Khalai naupang kha enge khatia zan rei tawhah te i ?aha haw vat rawh anih loh chuan ka vel ang che" pakhat chuan a rawn ti a Dammawia chuan tap der chungin "In thianpa pakhat khan anu a hruai chhuak daih a nia, min chhan sak rawh u" a han ti a, pawih tlangval pakhat chu lo kal hnaiin "Mama, i len tawh nen nen khawlaia tap rual pawh i ni tawh hleinem. Haw vat rawh, i nu chu nuam takin a awm mek tihna anih chu a lo haw ve leh mai ang" tih pahin ahan nui zui uar uar a. "I mut san teh ang, a hur vang tehhrepa kan buai nasat zia hi naktukah a hre mai ang" tih pahin a thiante nen chuan zawlbuk lam chu an pan ta nghala.

Rang takin lal inlam pan chuan an kal chhuak ve ta nghal zat bawka. Lal in an han thlen chuan dimtein dap chu Thanhranga chuan a han ?hiata lal inchhung chu a va bih ta a, bangkila lalpa leh a upate an phuar hlawm reng chu hmuin chhuat laiah chuan pawih tlangval panga zu rui chu an lo chatthla phung bawka chu veleh thawm dim taka chhoin lal inkawngka chu a han hawng leha midang chu loin an inzui lut ta dam dama pakhat ?heuha chan insemin chung pawih tlangval chatthla mekte chu an tho leh ngai tawh dawn lo a ni. Lal leh upate chu an han phelh sawk sawka lalpan Chhuahchawnga hmel a hmuh chuan "Chawnga min ngaidam hram teh khual?ha emaw tiin khual ?ha thlenin ka lo thlenga ka tihsual lian tak a ni" a han ti a Chhuahchawnga chuan "E lalpa i thiam lohna a awm miah lo a nia, nakina sawi ?hatah khek rih i la tunah chuan zawlbuk lama ka ?hiante chhanchhuah leh phawt a ngai a ni" tih pahin a chhuak leh ta a.

Zawlbuk tual an zu thlen chuan zawlbuk bang thlang lama pawih tlangval sawm rual vel lo mu chu an hmu a, bang kil lama an khaw tlangval an phuar hlawm mekte chu an hmu bawka. Dim takin Thanhranga chu a zu luta pawih ho silai fung riat chu zu laksak phawtin Zehtet tlangvalte an phuarna chu an phelh ta. An han phelh zo fel meuh chu a ruala zawlbuka riak pawihho chu chim hukin a tu amahin hmel hmuh tlak pawh an pu tawh lo a ni. Ti chuan Chhuahchawnga chuan hma hruaiin an inlam chu a pan leh nghala Thanhrangate pawh chuan rawn zuiin Chhuahchawnga te in an va thlen chuan a lo reh thiapa a chhungah chuan thawm dik takin a va luta a nupui bul lawka Pasaltha Fangzaua lo mu a hmuh chuan a thinrim kher mai. Thanhranga chuan Fangzaua muhil lai chu a silai kawmin a bekah an chhu chawrha rawn phu deuh zawk mahse ni khaw hreloin a awm chhun zawm leh nghal bawka. Thasangi chuan Chhuahchawnga chu pawm nghalin a tap nghal char char bawka. Ti chuan Fangzaua chu phuar hlawmin laltual lam chu an pan pui ta a. Lal inah chuan an thlen hma lawk chuan pawih tlangval khawchhunga lo insem darh sawm rual vel chu lo kalin "in miman kha inhre lo a ni chhuah rawh u. Anih loh chuan in thi vek ang a rawn ti a" an vaiin silai an keng vek bawk nen an huai ve kher mai. Mahse, Thanhranga chuan "Kan chhuah lo ang a, invai khan inthi bawk ang. A ngam fa chuan Pasaltha Thanhranga hmaah hian inngen mu chu han sur tir ta che u, thihpui tham pawh a ni ve meuh angem chu" a han ti a. 

Chu hming an han hriat meuh chuan pawih ho chu an zam rilru hle mai. Pasaltha Thanhranga leh Chhuanthanga te thiandunin hona hnuaia Pasal?ha Runthanga te thian hoin Dapzeh khua awlsam taka an lak dan te, Pasaltha Rengliana chu mi nunrawng rapthlak tak anih ziate chu khual ka atang ten an lo hre ve vek a ni. Thanhranga chuan "In silai inpaih dawn nge inhotupa hi a thi dawn" a han ti a. Chutih lai mek chuan an hnung lam atangin "Mi Dawihzep ho, insilai chu dah u la i han insam ang u hmiang a fawng vuantu ni mah ula Pasaltha Chhuahchawnga hian ka chhuah chuang loang che u" a rawn ti ve leh a. Chung pawih tlangval ho chuan Chhuahchawnga chu an thah tum ber a ni tihte an hre chiang hle, a thiante nena an zin thukhua an luh tirha an hriat bakah Chhuahchawnga an bula a awm tawh si chuan Runthanga leh Renglianate bakah Thangkunga leh Hrilkunga pawh khawi emaw laia awm ve turin an ring nghet ta bura. An silai chu an dahthla ta sap sap a. 

Chhuahchawnga chuan la khawmin a lakkhawm kim hnu chuan pawih tlangval pakhat lo awm hnai ber lu chu a'n sat tir nghal tawl maia. Lalpa Puithanga chuan a leihkapui a?angin "ka keipui chhaihkawlh chu thihna a ni a sin. Chawnga an vaia lu kha ka duh e" rawn tiin a inher nghala "lal meuhin an thi tur ka thlir liam chuan an chan a la sang dawn lua emai" tih pahin a nui nghal vur vura Chhuahchawnga pawh chuan an lalpa fiamthu duh zia leh fiamthu a, a lal nihna uan pui a chin ?hin zia te, mahse thinrim emaw chapo vanga a lal nihna a sawi ngai hauh si lohte chu a hrechiang em em a, "ni e mawle tih pahin pawih tlangval ho chu an chem chu a han pe diat diat a. Thanhranga Val upa Ruma leh an khaw tlangvalte chu a bulah chuan an rawn ding ve bawka. Pawih tlangval sawm ?ha awrh te chuan an hlau hle mai.

Chhuahchawnga chu rang taka tlan phei pahin a chempui chu a vai nghal fua a pawih tlangval lo awm hnai ber thinhnunah tak chuan a bur nghal chat bawka. Pakhatin rawn sah a tum mek chu hmuhman mahse a insiamrem hman tlat lo, a bawh nghal buan buan mai chu pawi a ti em em a, mahse chutia a thihna tur a pan emaw a tih lai tak chuan fei rawn thlawk chhuakin a sah tumtupa bakah a bul hnai deuha ding pahnihte chu thal nghal tawpin a la dam zawng chu tlangval dangin an rawn bawh rawn nghal bawk nen, tel buai tawh loin hnung lam a va hawia Thangsangate ?hianthum lo nui var var chu a hmu a, "Ka nunna inchhanhim a ni e, ka va lawm tak em, ka naute u lo kal hnai teh u" tih pahin a hui a. Anni pawh chu lo kal hnai vekin an bulah chuan ?hu hniamin, "Rengliana te inneih dawnah kan ram chhuak ho ang nangni nen hian min lo nghak dawn nia aw" a han ti nghal bawka Thansanga te pawh chuan phur takin an lo aw sap sap bawka.

Chhuahchawnga chuan a sir laia Fangzuaa ni khaw hrelo a awm lo harh ?an mek chu va hmuin an phuarna chu a phelh sak mawlh mawlh a, ti chuan a naute ruang bulah chuan a hnuk phei ta, ruang pakhat bulah chuan nghatin chempui lo awm hnai ber chu a han pe a "Ka nupui thah tuma ka fa lo piang mai tur pawh min laksak tumtu chuan min hmachhawn ngam em ang chu maw. Tho la rawn kal ta che" a han ti chher chher a, kun hniam pahin a han veh kual nghal bawka. Fangzaua chu zawi muanga rawn dingin a naute lo thi vek tawh leh amah hmachhawn chak a tuihal hmel tak takte a hmuh chuan ngaihdam dil loh chu a tan damchhuahna remchang a awmin a hre lo a, an ngaihdam thut chuan khua a?anga chhuakin zan mut reh hunah let leha khua hal a tlanbo lehnghal tumin ruahmanna verther zet chu a siam ta a, chutah ?hing?hiin ngaihdam a han dil ngar ngara, Chhuahchawnga pawh chuan thinrim hle mah se mi tlawm tawh khawih zui chu duh loin lal leh upate hnenah han kal la an thu thu ni teh se tih pahin an inlam pan a han tum a, mahse Val upa Ruma rawn tlan phei chuan Fangzaua ?hing?hi mek chu nghawng uai hnawp khawpin a han sata a chem chu en ngur ngurin "pawih mawngbal ho nghawng sahchhum nan pawh i tlak teh hrep loh chu le" tih pahin a thlawh nghal vawka. Chhuahchawnga lam chu hawi lehin "Chawnga ?awngkam hian min bum thei a ni mai thei a, mahse mitmeng hian rilru chhungril ber a pholan hun a awm chawk a, mi verther mitmeng hi hmuh kanin an ?awngkam nalah hian kan tawlhthlu fo thei a nia, hmelma i hmachhawnin i beng leh i mit kha a inzatin hmang kawp tawh ?hin ang che"a rawn ti a Chhuahchawnga pawh chuan "U Rum ka lawm e aia u te zawng tluk inhar ngang anih hi" a han ti ve bawk a. Lalpa Puithanga chu rawn chhuakin "Thanhrang helamah rawn chho teh u, Chawnga nang zawng i nupui zu ngaihven tawh a nau pai kha a hrin a hun tawh riau mai an tih kha" a rawn ti a Chhuahchawnga chu haw nghal vatin Thansangate pawh Kawtchhuah lama hmeichhiate va hruai turin an let leh ta a.

Lal inah chuan Thanhrangate ho chu ?hu ?hapin lalpa Puithanga chuan "I fate chet dante kha i zep kuala, ka tlangvalte khan min hrilh leh vek tawh a nia, nang zawng fapa i nei ?ha khawp mai, Pu Zangaia fapa lah a duai hek lo, an ?hianpa lah khu nichina a fei khawh kha a rang tehhrep an ti lehnghala hei ka lo thlir duh lo kual vel kha ka inchhir hnuhnawh hle mai"a han ti a, ti chuan titi khawchang sawiin Pu Zangaia chu lalpa Puithanga chuan hmana akhua a?anga a hnawhchhuah avangte khan ngaihdam a dil leh bawka Pu Zangaia pawh chuan hrethiam takin tunah chuan khaw khata leng ang vek tho an nih leh tawh thute chu a han sawia, Lalpa Puithanga pawh chuan Darchhep leh Bualthleng te nena an inpawh zia chu chhuang tih hriat takin "Zehtet tlang bawk hi a unau Bualthleng leh Darchhep te avang hian mi hriat reng a la hlawh ve ngei ang" a han ti a Thanhranga chuan "Lalpa ni lul lo e, nang ang lal ?ha an neih vang zawk hian alawm he khua hian hriat reng a hlawhnachhan tur chuca hanti a chutih lai mek chuan lalin kawngka chu rawn inphih hawng lawpin Chhuahchawnga chuan khumpui lama a pasalte titi lo ngaithla mek lalnu chu pawm lawpin "lalpa min hrethiam rawh, a vei ?an der a tih ngaihna kan hre hauh lo" ati a Lalpa lah chuan thinrim a hnekin Chhuahchawnga tlan liam mek chu thlirin "Chawnga i tluk pui reu reu ange, ka mitah chuan ?hasangi ai leta ?ha anih ve kha" a han ti a anui zui nghal huau huau bawka. A hnu lawkah Chhuahchawnga chu laltualah chuan rawn tlan chho lehin "U Thanhrang rawn chhuk ve bawk ta che mawle" rawn ti ?eng chhuaiin a kal san leh ta nghala. Thanhranga pawh chuan 'E lalpa ka naua hi a helhhawlh nasa mah mah a ni e ka zu tel pui mai loh chuan a khaw pumin a kaitho vek palh ang che u tih ka hlau hlel lo e" tiin Chhuahchawnga te inlam chu a pan ta a.

Chu zan pawih tlangval tamtak tana khawvel tawpna zanah chuan lusei pasal?ha lo la ni mai tur Chhuahchawnga fapa tan chuan khawvel in?an zan a ni ve thung a ni. Ni nga hnuah chuan Rengliana leh Runthanga pawh Niliani te nen Zehtet khua chu rawn thlengin Chhuahchawnga te inlam chu an pan nghal sawk sawka. Khawlaia lo teivak velten fapa anneih thu an lo hrilh tawh avangin an phur hle mai. Inchhung an va lut chu Chhuahchawnga chuan inva han rei em em ve a lo ti nghal bawrh bawrh a, ?hasangin a fapa duat taka hnute a pe lai chu an han thlir dauh dauh a. Runthanga chuan "Thangkunga fate vel tu tur ngei chu anih hi" a rawn ti a Rengliana pawh chuan "Lusei pasal?ha huaisen la ni tur anih hi" a rawn ti ve bawka Chhuahchawnga ve thung chuan "Lianmawia anih kha" a rawn ti a Rengliana mak ti hawi kual chuan ?hasangi chu a han ena ?hasangi chuan mittui tling pam chungin "U Liana khan a pian theihna'n a nun a chana chu vangin Lianmawia tih hi kan thlang ta a ni" a rawn ti a, Rengliana pawh chu insum hman lek loin a mittui rawn sur zung zung a "Lianmawi, rawn ?hanglian chho zel la i nu leh i pate ho hi min la rawn khum vek langin, ka nau Lianmawia'n a hming rei lo te a lo chher ve tawh hi nangin lusei ram mai pawh ni lo ?iau ral lehlama khaw awm zawng zawngte thleng tur khawpin rawn chher chhun zawm ang che" tihpahin naute kut chu a han vawn saka, chu naute pawh chuan a lo vuan ve chat bawk a.

A tuk nileng chu an han cham leh rih a Niliani leh ?hasangi bakah ?hasangi nu leh Chhuahchawnga nu chuan naute chu an inchuh char char renga. Rengliana pawm ve chak lutuk chu a pawm ve an la phal si lo a titau bur bur reng bawka. ?hasangi en pah chuan "fa ka neih ve hunah chuan pawm tir che u pawh duh mah i la laltupa meuh pawm tur chuan in insit awm si a aw" a han ti vel a ?hasangi lah duai bik hek lo "?iau ral lehlam khuaa khual thang hat khawpa lalfanu hmel?ha fapa Lianmawia pawm tur chuan i la sang tawk lo a ni" a han ti vela Rengliana ngei lutuk chhan ngaihna hre si lo chuan "Sangzuali nang aiin a hmel?ha fee zawk" a han ti ringawta midang ho chuan an lo nuih dar dar bawka.

Bualthleng an luh hnu chuan lo lam hnaah te buaiin an thawk mawp mawp renga. Rengliana leh Runthanga te chuan a hman zawk zawkin Thanhranga te ?hianthum chu hruai chhuakin nunchan an zirtir fo a, naupangte mah ni se an rawlthar chhuah hlimah meuh chuan pasal?ha inti ve nazawng tan hneh chi mai mai ni tawh lo tur khawpa ?hain chher chhuah an tum a ni. Liansanga chu Rengliana nen chuan an inhmeh fu mai. Tha hrui an ngah dunin chutia hah taka an han tal tam takah phei chuan Liansanga chu a ?hang duh em em maia, Dammawia erawh a te ber dawn tih a chiang hle maia mahse Dammawia hi a ?uanranna leh a huaisenna avang hian amah ringawt pawh hi khawkhat innghahna tham a la ni thuai dawn an ti fo a ni. Thansanga erawh a che zia vawi khat hrilh hnua tisual tawh ngai eih lo te, engkim an zir thar apiang a thiam nal hmasa ber a ni ziahte chu an zinga ti langsar biktu leh ti chungnung bik tu a ni.

Zan khat chu Rengliana zawlbuk lawi lut chu a nui vur vur maia Runthanga chuan lo hmu vatin a han zawt chianga Rengliana thusawi chuan Runthanga chu a ti phur kher mai. Sangzualin Rengliana hnenah "palai rawn tirh pawh i tum lo em ni, i thutiamte kha i hre tawh lo nge" a lo tih chu Rengliana chuan a tirh vat tur thua intiam ?ha lehin Runthanga chu a ruala nupui neih puiah a sawm a ni. Runthanga chuan chak hle mahse hmeithai fa anihna chu hre rengin "naktukah u Thanhranga i va rawn dun phawt teh ang ?hianpa kei zawng hmeithai fa ka nihna avang hian a nia palai tirh chungchang hi vawi khat mah ka la sawi chhuah ve loh' a han ti a Rengliana chuan" an phal loh leh Chawnga nupui ang khan kan ru chhuak ve leh anga a ni maia lawm"a lo ti sam eta.

Runthanga chuan mut hmunah chuan a rilru kawm melh melhin a tawpah chuan "Naktuk zingah U Thanhranga ka va rawn anga, haw pahin thing phurh puiah Niliani chu ka sawm bawk anga Niliani mi chhan dan a zirin palai pawh ka tir ve mai ang, Chhuahchawnga fa chu ngam pha dawn lo mahse Rengliana fa te tal ka faten an ngam pha ve tur a ni" tiin zan mu chu a chhing ta siai siai a.

A tuk zingah chuan Runthanga chu hma takah thoin Thanhranga te inlamah chuan va kalin Thanhrangate nupa hnenah chuan nupui neih a duh ve tawh thute chu a han sawi zung zung a. Thanhranga pawh chuan hrethiam takin Niliani ?awngka a zira palai tirh ?ha a tih ve thute a lo sawi bawka. Ti chuan Runthanga pawh chhuak ve leh vatin Niliani an kawtkaia buh lo ding turh turh chu pan pheiin a va pui sawk sawk a. Ti chuan thing phurh puiah te sawmin tuk ?huan ei turin a haw ta nghal a.

Chu mi ni chu Runthanga tan chuan hlimna ni a ni a Nilianin palai hmel hmu har a intih ve thu leh hei leh chen inzui ve tawh si a palai chungchang la sawi lang ngai hauh lo chu mak a tih tawh zawk te chu a lo hrilh fai vek bawk nen hlim kher mai. Zanah chuan Rengliana nen chuan han sawi dunin hmanni lawkah Biaklianin pasal a nei bawk nen favang awllen nghah chu an ti thlu ta a, ti chuan an lunglai luahtu te hnena chu thu hrilh hre tur chuan lal in lamah pakhat khawnbawl upa inah pakhat an kal ta a.

Lal in leihkapuia Rengliana Sangzuali nen an inkawm melh melh lai chuan hla taka an lam pana tlangval pakhat lo tlan chu hmuin Rengliana chuan ngun takin a lo thlir a a lo hnai deuh tihah chuan "E khai Darchhep tlangval a ni reng mai ka ti" tih pahin Hrilkunga lam pan chuan a kal ve ta vata. Chu tlangval chuan Rengliana a hmuh chuan "Renga lal inah sawi zawk teh ang hmanhmawh a ngaia ni" a han ti a Rengliana pawh chuan zawt buai loin lal inah chuan a luhpui ta nghala Lalpa Dohrangan chu tlangval hmel a hmuh chuan thil dik lo a awm tih hriain a lo be nghal sawk sawka chu tlangval chuan chuan a hahte a dam deuh hnu chuan "Hmanni deuh khan kan tlangvalte ram vak leh Lungzawl khaw tlangval ram vakte chu an lo inhmu thiam lo deuha kan khaw ram chin a lo ni ve bawk nen tharum thawh meuh a an buai takah chuan Lungzawl lam chu a chak lo an lo ni ta a. Thinrim eng phiara ruang nena haw chungin an lal hnenah an lo va zualko a ni awm a. An lalpa chuan a tlangvalte thlavang chu a lo hauh na ve kher bawk nen tunah hian kan khuaah chuan insamna rapthlak tak a thleng mêk lo ang tih pawh ka hlau hlel lo ve. U Chhuanthang'an he lam rawn pan vat tura min tih avangin ka rawn tlan nghala Chhuahchawnga leh tlangval sawmnga bawr vel chu nimin piah khan an chhuak a kei chu helamah ka la rawn tlang zel anih hi"a ti a. Lalpa Dohranga chuan "engzat vel nge an nih a" a han ti a Tlangval chuan "lalpa tlangval zanga rual zet chu an ni tih kan enthlatute sawi dan chuan a ni a, an zingah chuan pasal?ha tih hriat tak pawh pahnih an awm a ni" a han ti leh a Lalpa Dohranga chuan "Renga zawlbukah tlangval te lo zu hrilh hria la mi za lo thlang chhuak nghal ang che. Runthanga pawh hrilh bawk langin. Naktuk zing var?ianah in chhuak nghal ang. Mahni lusei puite pawh run duh khawp chu an khúa thlengin kan ram sak ngei tur a ni. Salah kan man vek bawk ang" a rawn ti ta a.

Chutih lai mek chuan Darchhep khaw chhungah ve thung chuan Lungzawl tlangval mi zanga rual zette leh Darchhep tlangval zahnih velte chu an insam bawrh bawrh maia.A ?henin in an lo hal bawka zanthim mah nise khaw chhung chu a eng deuh pup mai a ni. Ral lo kal an hmuh rual khan nunau te chu khaw pawn lamah an lo seng chhuak hman veka khawchhung chu mipa hlangin an lo nghak a ni. Lungzawl lam chuan an tam hneh em avangin Darchhep lam te chu an tawlh zela mahse Pasal?ha Chhuanthanga chuan hma hruaiin Thangkunga leh Hrilkungan a hnung an rawn dawl bawka an hma chu a kaw duai duai tho mai. Lungzawl lam hotu an pasal?ha Haudinga chuan lo hmuin Chhuanthanga lam pan chuan a inher rema Chhuanthanga pawh chuan lo hmuin a va pan ve nghal bawka. Pasal?ha phanchang uaithla lam tawh veve chu an in veh kual ta then then maia Haudinga chu rawn zuang thutin ran pawh a la rang fu. 

Chhuanthanga ban vei lam chu a vai kaksak ta duai mai a, mahse Chhuanthanga lo awn zeuh paha a chem vai chhuak chuan Haudinga malpui chu a tai kak ve chiang hle mai. Chutah a aia fimkhur zawka inveh tha lehin Haudinga'n Chhuanthanga zuan a tum leh chiahruala thil lo phe zuai chu hmu hman mahse a hmuh tawpna a ni ta. Hauding lu bung chu pet sawn pahin Thangkunga chuan "A rei mai mai a ni. Kan intam hneh si tih pahin hmelma lam bitnaah chuan a zuang lut leh nghal zata. Lungzawl tlangvalten an pasaltha lubunga let reng an hmuh chuan thinrimna nen Darchhep lam chu an bawh ta luai luaia Darchhep lam pawh an tawlh hawn hawn mai. Lalpa Saithanga chuan a tlangvalte tawlh mek leh a khaw kang hluah hluah chu lal in a?anga thlir reng a thei ta tlat lo. Sailo lunglian a ko chhuak tlat, a lalpuan phelhin a banglaia chempui chu pawt dawkin lal tualah chuan a ?um thla chhaka hmelma lam pan chuan a tlan ve ta. Chhuanthanga chuan an lalpa lo kal ve chu hmuin venhim tumin a pan phei nghala mahse a thleng hman hma chuan fei rawn thlawk chhuakin lalpa Saithanga thinhnunah tak chuan a bur ta va mai. Chhuanthanga chuan rang taka va pan hnaiin an lalpa lo khuh bawrh bawrh a ka a?anga thisen lo chhuak zawh zawih chu va bawih sawmin. "lalpa lo kal lo turin ka tih che kha i tello chuan engtin nge ni ta ang" a han ti a lalpa Saithanga chuan ?awng chhuah chu duh hle mah se, a thei tlat lo a chempui chu Chhuanthanga kutah chuan hmehbel nawkin a zal ta riai riai a. Chhuanthanga chuan an lalpa feia lo khawh tu lu Hrilkungan a lo khai far zawih zawih chu a va hmu nghal bawka.

Chutah "Darchhep tlangvalte u Zehtet tlangval inunaute kan lo thleng e" tih rikna lam a va hawi phei chuan Chhuahchawngan tlan paha hmelma lam tlangval pakhat lu a chhawk hmawk leh a hmaa lo ding dula na taka atlawh zawt lai chu va hmu nghalin a ni pawh chuan Darchhep tlangval te u zam loin an buzawl thlengin nawr ang aw a han ti a hmelma lam chu an nawr leh ta. An pasal?ha pahnih lai an chan tawh avangin an zam ru ?an der maia mahse an tam hneh em avangin a nawrtu chan an la chang tlat. Chhuahchawnga Hrilkunga Thangkunga leh Chhuanthangate inkawp chuan hmelma lam chu an suat mawlh mawlh a. Pasal?ha puitling pangai nei tawh lo chu rei lo teah an tawlh ve ta tlat. Chu chu Darchhep lam leh Zehtet lam chuan nawr ve nghalin kar loah an inpe ta mai renga Chhuanthanga chuan an lalpa ruang a enin a rilru a dam thei mawlh lo chutiang bawkin midangte pawhin. Intiam rual ang maiin an thawk lawka hmelma la dam inpe tawhte lu chu an la fai ta phiara zualko atan sawm vel an zuah thunga. An pasal?ha te lu chu ah tirin Chhuanthanga chuan "In vangkhua kan lo lawi lut dawn e, kan lalpa thihna avanga kan chet dan a rapawm deuh anih pawhin inthiam loh a ni tawh ang" tih pahin an vaia beng chu a hleh sak leha ti chuan a haw tir ta a.

Chumi ni nileng chuan Darchhep lamah chuan ruang seng hawiin an buai char char a,an inte chu a kang chhe vek bawk nen an rilru na chu an mittui a tla reng mai a ni. An lalpa ruang chu zah taka phumin Chhuanthanga chu khaw mite chuan an ngaichang ?hup maia. Khawnbawl upa la dam te nen an han rel ho hnu chuan Bualthleng lam rawn thlen veleh Lungzawl khua va chimih chu an titlu ta. Nunau ram lama an dah rawn letleh chuan an fapa, an unaupa, an pasalte thihthu an rawn hre ta. Khaw chhungah chuan ?ap thawm bak hriat tur a awm lo a Chhuanthanga leh midangte chuan mittui tla zawih zawih chungin an thlir reng mai a mi. Lungzawl lalpa chu a dam reng bik tur a ni lo tih chu an vaia rilru a ni.

A tuk zanriah ei hun lai chuan Darchhep khua chu Bualthleng val rualte chuan an thleng ve ta. Khaw chhung an va luh chuan Rengliana chuan "kan tlai hret a ni maw" a ti sapa. Zanah pawh mu eih lo a kal ngar ngar mah nise inbeihna an lo zo fel diam tawh si. Lal tual lama Chhuanthanga te an mahni lo thlir rengte lam chu an pan sawk sawk a. Rengliana chuan "U Thang a va pawi tak em kan tlai hret a ni" a han ti a Chhuanthanga chuan "inthlahrunna tur a awm lo e kar a hlaa in rawn thleng hma ngawt zawk alawm" a lo ti ve bawka Runthanga chuan "Phuba lak zai rel intum em enge lalpa thu chhuak te ni tawh reng reng?" a han ti a Chhuanthanga chuan chhan pawh chhang loin a kun san ta daiha Runthanga ngaih?ha loin Hrilkunga a va en chuan Hrilkunga chuan "kan tawlh zawk tlat maia, kan lalpa khan a hmu thei ngang lo a niang e, rawl tel vein a nunna a chan phah a ni. A thattu erawh ka chhiahhlawh ni turin pialralah a lawi tawh a ni" a rawn ti a. Runthanga leh Rengliana chu ngawi rengin hnuailam an bih tluk tluka an hnunga ding ve Runthanga leh Rengliana ten an dil sak avanga kal ve Thansangate ?hian thum pawh chuan ral hla tak thlirin a mitmengah chuan lungzawl khaw huatna a hmuh theihbhial a ni. Chhuanthanga chuan in lo thleng fel ta bawka naktuk lamah nunaute hi Zehtet lam pan pui sela tlangval ?henkhatin Bualthleng lama inbenbel duh zawkte pawh va hruai nghal sela a bak zawng khuaah hian naktuk nileng inbuatsaihnana hmangin a tuk lehah Lungzawl lam pan chuan kan kal dawn nia"a rawn ti ta a.

A tukah chuan nunaute chuan an khaw tlu chhe ta leh an lalpa lu nghahna hmun ngei chu an chhuahsan dawn ta, ral khat a?angin an khua chu an han thlira ?ap lo reng an awm lo. Hlim taka tual an lo chaina hmun, kutpui nuam taka an lo hman ?hinna, an lawmpa te nena an thingphurh dun ?hinna te chu ngaiin thlahlel hle mahse tunah chuan engkim a lo danglam ta si.

Darchhep lamah pawh Chhuanthanga te pawh chu inbuatsaih mawp mawpin a tukah chuan an kal chhuak ve ta nghala. Ni hnih hnu behliang mun hunah chuan Lungzawl khua chu ral khat a?angin an hmu pha ta. A khaw chhungah chuan mi veivak an tam hle a, an ralmuang thawkkhat tih pawh a hriat hle. Mahse awlsam taka luh chu an tan a theih bik tlat loh. Lungzawl lalpa chuan ralveng te dahin ?ha takin khua chu a veng ve tlat bawka. Ral an lo kal thut huna nunaute tlan chhuah vatna tur an khaw chhim lama kalkhanah thung chuan Darchhep lam te an rawn kal a rin loh vang nge a dah ve lem lo a ni.

Chhuanthanga te chuan ralveng te inhmuh tir loha luh theihdan an han ngaihtuah vang vang a a tawpah zanah Runthanga Chhuahchawnga Hrilkunga Rengliana leh Thangkunga te chu vak darhin luhna tur an zawng dawn a ni.

Ti chuan khua a?anga hla tawk takah inkulhin ei te an han rel sawk sawka an bar zawh hnuchuan rang takin Runthangate chu an chhuak ta a. An khaw kawt chhuah an thlen hma deuh chuan Runthanga leh Chhuahchawnga chu kal hrangin midang te pawh an kal lohna lamah chuan an kal ve ta bawka Runthanga te pawh chu chhim lamah chuan thawm dim taka kal zelin leng hawn ar khuan a?anga tuibur hmuamda velah chuan nunaute insasengna hmun tura an zuah chu an va hmu ta. Rem an han ruat zung zunga ti chuan an buk lamah an let leh ta a Buk an va thlen chuan an han sawi khawm nak naka Rengliana te erawh beidawng takin an rawn hawng ve thung a. Thutlukna an siam fel hnu chuan Zanlai arkhuan ruala che chhuak thei turin an insiam rem ta sang sang a.

Darchhep khaw kalna lama Lungzawl tlangval ralveng pangate chuan zanlai ar khuan hnu lawkah chuan an thlang lawka pa pakhat rawn lang chu an hmu ta. Kah an han tum a mahse chu pa chu mak tak maiin a let leha, a hnu lawkah rawn lang lehin a let leh nghal zela Lungzawl tlangvalte chuan mi pangai lo emaw tiin kah pawh tum tawh lem loin a che zia chu an lo en reng ringawt a. Mahse an hmuh loh lama ?angin an veh hnai mek tih an hre si lo. Tuibut hmuamda hun chhung a ral meuh chuan ralveng pangate lu chu Runthanga te chuan an khai far duah duah tawh a. Ti chuan tlangvalte chu zu ko nghalin Thansanga te ?hian thum bakah tlangval sawm hnih vel chu khaw luhkhan chhim lama awmah khan an va kal anga nunau tlan chhia apiang an lo man zel ang. An awm ?hat duh loh phawt chuan dim an ngai lo tih chu an lal thihna avanga thinrim em em te thuchhuak chu a ni tawp. Thansangate'n an awmna hmun tur an thleng ta maw tihah chuan Liansanga chuan apa silai a ken chu a kap puak ta dur maia chu veleh Chhuanthanga te chu khaw chhung lamah lut nghalin anmahni lo beilet tu apiang te chu an sai thlu nghauh nghauh a, mahse khaw pa ho erawh an tlangval laia ral lo bei ve fo tawh an ni bawka an chiai rei lo hle laltual lamah an tlan khawm vata an thlang lawka Darchhep Zehtet leh Bualthleng tlangval an in rawn hal chho mawp mawp tute chu thinrim takin an lo thlir mawp mawp a. Chhuanthangate lam lah chuan lalmuala pa ho chu an han sai leh dawp ?hin a, Lungzawl khuaah tlangval pangai sawmnga ?ha awrh chauh leh pa ho pawh anni ang zat awrh chauh ral bei thei an ni bawk nen rei loteah an hneh ta mai renga. Nunau tlanchhiate chu Thansanga te chuan silaia lo tinin an lo hnung khirh nghal zela. Khaw chhung lama silai ri a reh takah chuan kal an han siam dawna mahse, thawm an hre ta tlat an thlang lawka mihring tlan thla ri chu pakhat mai pawh a ni lo tih an hre chiang hle. Thansanga chuan khaw lamah lo va phei ula kan ?hianhoin kan zu um anga kan lo pawh vatang che u tih pahin thawm hriatna lam pan chuan an tlan thla ve ta a. Rei lo teah thawm pawh chu hnaih tial tialin Liansanga chuan a silai chu a han hmet puaka hmeichhe natuar ri chuan a zui nghal tlat. An zu thlen thlak meuh chuan nula tleirawl pakhat hian a nu ruang kuah chungin a lo ?ap mek a an tih ngaihna hre lo chuan an en reng ringawta an khawngaihin Liansanga phei chuan pawi a ti hle a ni. Kal san chi niin an hre si lo, tin nula chu han hruaibdaih chi niin an hre bawk si lo a meite an han nun a an nghak ta ringawta. Chutia mei engin a chhun takah chuan an hmaa nula pakhat a nu ruang bawh reng tu, a tlan chhiatna lama a puan bih inphelh nuai avanga a mal tawp dawn thleng thlenga lang var vau mai an han hmu chiah chu rawlthar ?an tir tisa chakna lama insum harsat vanglai tak hun hmang ?an mek pathumte chuan an chil chu an inlem rik chhawk kulh kulh maia.

Dammawia chuan lai deuh rut chungin ka pi kan hruai che angaia ni. A han ti a chu nula chuan "in hre khawp ang ka pa unaupa rawn er let hi nangni dawl zawh tur chi a ni lo" a rawn ti vin ?haka chuveleh a hmaa khawngaihna mitmenga an lo thlir kha lalfanu ani tih an hre ta. An hmel chu chawp leh chilha inthlakin Liansanga chuan lalfanu chu abanah phih lawpin kal ang le i nu ruang hi chu ramsa te chaw atan kan hnut chhiah mai angai ang a han ti a lalfanu lah chuan a hmaa dingte chu amah ai pawn an la naupang zawk tih a hriat avang chuan a hlau lo pang pang hle a ala vin let hlar hlar a. Liansanga ning ta lutuk chuan lalfanu chu a hnuk ta maia. Lalfanu lah a puan bih te chu tla nghal vekin mei eng hnuaiah chuan saruak ngal ngatin aw rawl tawp tawpa ?ap chungin a awm ta. Liansangate lah chuan khawngaih a hnekin Darchhep lalpa thattu te khaw lalfanu anihna avang chuan an haw telh telh bawk si. Dammawia chu rawn ding chhuak nui vur vurin, "kal i duh tlat loh leh nawmchennan kan hmang ang che ti nia" a rawn ti a lalfanu lah chuan amah aia naupang anih vanga hlau lo tih hriat takin "nanga nawmchen pui phak ka ni lo ve" a rawn ti a Liansangan a ban a chelhna chu tal chhuah tumin a ?ang nasa hle bawka a puan chuan a theih tawkin a kut lehlam pang hmangin a inhup ve bawka. Dammawia chuan "Kan en ang chu lalfanu pianmawi te' tih pahin a pan phei nghala Thansanga chuan rawn zui bawkin. Lungzawl lalfanu aw rawl tawp tawpa rak chu Thansanga leh Liansanga te chuan chelh betin Dammawia chu a kak puiah chuan a chuang ta.Tui bur hmuamda chhung aia rei mah a beih hnu chuan duh tawkin Liansanga leh Thansanga chuana n rawn inchhawk ve nghal bawka.

Lalfanu tal chau tawh pawh chuan au peih tawh loin an khawih ang ang chuan a lo awn tawha an pathuma lalfanu tleirawl taksa an duh tawka an chen hnu chuan a puante chu siam sak sawk sawkin lalfanu kut chu an phuara khaw lam pan chuan an hruai ta a. An chhak lawk a?anga lo thlir reng tu Thansangaten midang an um tih a hriat ruala rawn umzui nghal tu Runthanga leh Hrilkunga te chuan, an naute chet dan chu ?ha lo an ti hle maia,Runthanga chuan 'ka bula awm tir tur ka ni a sin mawle, an nunna in a tawrh ka hlauh luatah he ti hi kan thleng ta si a' a han ti a Hrilkunga chuan "Zir tur an la ngah hle mai hawh teh khaw chhunga kan hmel an hmuh loh chuan an lo hawi hai lutuk ange i kal teh ang" a rawn tih takah chuan an zui ve ta a.

Khatia Runthanga leh Hrilkunga te chhuak khan Dammawia lo su tlauh tlauh lai chu hmu hman in khap duh viau mahse khap chi niin an hre si lo an lo en tlawk tlawk ringawt mai a ni. Liansanga chuan Thansanga chu va hrilhru sur surin "Vawi khat ram mutnaah lalfanu kan thal der chu a nia a lehpekah chuan a aia tam thal ngei inbeisei ang aw" a va ti a Thansanga pawh chuan nui vur vurin " a bul ka ?an hmasa ve tawh ang" a rawn ti chhuak bawka Dammawia an thusawi hre pha rengtu chuan "A hrang ?heuh kan thal zawk ang chu mawle" tih pahin lalfanu an chhawm mek mawngah chuan a ben sak thlawrh a lalfanu chuana rilru tetein hetiang khawpa naupangte nichunga nunrawng nasa hi ka la hre ngai lo indamkhua zawng a sei mawlh lo ang tih pahin a zui ve hnak hnak bawk a.

Zirtirna ?ha tak hnuaia seilian mah nise an thil zir tam ber erawh ral beihdan leh pasal?ha nun kawng zawh dan chauh a la ni si a, an la naupan em avanga hmeichhe laka awm dan mawi an la hrilh hriat loh annih vang nge hetianga an chet tak mai? Thansangate hi an naupan lai ata tawh mi huaisen tak ni mah se mi nunrawng takah an chhuak mai dawn em ni le? Lungzawl lal fanu hi salah an man ngei dawn a an che bawraw chhunzawm zel angem le? Ka la hre bik hauh lo

Khua an va luh meuh chuan lal fanu chuan lal tuala an khaw mi leh sa an lo phuar hlawm te leh a pa leh a khawnbawlte ruang chu a hmu ta a, a rilru na lutuk chu tap nghal zawih zawihin ka pa unaupa rawn er let tur hi indang zo dawn lo nang ni mai mai hian a han ti tuar tuar a. Hrilkunga leh Runthanga pawh rawn thleng ve nghalin chutia lal fanuin a apa unaupa a sawi chhen chu Hrilkunga ning ta deuh chuan "Nula i pa unaupa chu khawi khaw lal nge anih le" a han ti a mahse lungtum biak ang hlauh a ni leh ta si. Chutah mipui an phuar khawmte lam pan chuan kalin a chempui chu a phawrh chhuak zal zala "Tuna in lalfanu hnena ka thil zawh kha invaia hnena ka zawhna a ni nghal e" tiin a bul hnaia lo awm pa pakhat chhip samah chuan an tham a, a nghawngah a chempui chu a chuktuah nghal zat bawka. 

Hnung lama lo awm putar pakhat chu rawn tawngin "Kan lalpa unaupa chu Lalngurliana niin kan khua atanga ni nga kal a hlaah khua a din a a hming chu Rangte a ni"a rawn ti a Hrilkunga chu lalfanu en pahin a rawn tawng chhuak leh a. "Nakina rawn er let tur tho tho chu tunah hian anih nih kan va ni mai tur lah ni. Kei chu ka kal dawn e, min zui duh lo inawm anih pawhin ka hrethiam e, Rangte lalpa hnenah chuan thil thlen dan kimchang hi va thlenin a rilru sukthlek dan a zirin a khua chu kan chimih mai ta lawng" a rawn ti chhuak a, Lalfanu chuan huat hmel takin a lo en tlawk tlawk bawka. 

Chhuanthanga chuan Rangte khaw pasaltha Chawiliana lu kan khai haw dawn tihna zu nia a han tih chuan tlangval ho chu lo thum hukin Pasaltha Chawiliana leh a aihnahphahpui Kimluaia leh Thangvela te'n kut lawng ngata keipui an tukdawl thu te chu an han sawi leh sap sap a. Chhuanthanga chuan "In zam mai elaw kan pasaltha te hmaah hian tunge ding zo a in rina" tihpahin Runthanga te ho chu a han kawk a tlangval ho pawh chu rawn phur thar lehin kal nghal ang an rawn ti nawk nawk hlawma. Chhuanthanga chuan "Hei khawvar a hnai ta tlem tal mut i tum teh ang u kan mimante erawh veng tur kan indah anga, naktukah Rangte khaw lam chu mi za sawmnga in kan va pan ang abak zawng khuaah hian kan mimante vengin inlo awm ang' a ti ta a ti chuan kal ve lo tur chiang sa deuh ho chu thlang chhuakin an ni chuan an mimante chu vengin midang zawng chu an mu ta diak a. 

A tuk zingah chuan Thansanga chuan an piah lawka a hma zana an nawmchenna lalfanu lo ?hu kun lap chu a va hmu a va pan hnaiin a hmai chu a han kuai daka, lal fanu chuan hre awm pawha awm loin Thansanga chu a lo en tlawk tlawk a. Thansanga chuan a puan ven chu pawtthlerin a han tihuh a lalfanu hmai te chu an han hruk fai saka. Anihna takah chuan hmel?ha a ti ve hle a ni. Lalfanu lah chuan hre awm pawha lang loin Thansanga khawih ang ang chuan a awm a a kalsan hnu chuan a hma ang bawkin hnuai lam bihin a kun leh ngar ngar a.

Tuk?uan an han kil zo kal an siam tur chu lalfanu chuan Thansanga chu rawn auin "Ka unaunu hi ka pa unaupa te khuaah hian a zin mek a,chu bakah ka pa unaupa fanu ka laizawnte an awm bawka an chungah zahngaihna in lan tir hram ang chu tiraw" a rawn ti a Thansanga chuan lal fanu chu en vung vungin a han nuih vur vur a, a ?hiante pahnih chu a han en a an ni pawh chu lo nui vur vurin chhang lem loin an kal ta a, an kal liam tur chu lalfanu chuan ten hmel takin a en ngawih ngawih bawka. An kal liam meuh chuan "mi tenawm lutuk an fa ka pai vaih chuan ka intihlum nghal ang" a ti rilru mawlh mawlh bawka. A bula ?hu putar pakhat chuan hnem mawlh mawlhin lalfanu pawh chuan rei loteah chu putar chu ngaina vatin an titi a, a chang leh lalfanu chu a nui a a chang leh a ?ap leh rih ?hin, a unaute chu a ngaihtuah em em a, Thansanga te khan an va pawngsual leh mai ang tih a hlau a ni.

Runthanga chuan a naute chu zilh duh hle mahse hun remchang a awm si lo, chu bakah a naute chu ral runna kal ve annih tawh miau avangin an thutlukna leh an tum zawng lo dal sak tu emaw lo sawisel sak chu nuam a ti chiah bawk si lo "Tun tum chu induh tawkin han che phawt mai teh u, lo hruai malek tur cheu a nia" ti rilru vawng vawngin a kianga Dammawia nui huau huau chu melh pahin a khi suk suk a. A naute chu hmeichhe laka an awm dan tihlohah chuan sawiselna tur a hre hauh lo a ni.

Lungzawl khaw pa sawi ang ngei chuan Lalngurliana khua Rangte chu ni li hnuah chuan an hma lawkah a awm ta. Behliang mun hun anih tawh avangin buk sualna tur remchang an han zawng kuala an duh ang an hmuh meuh chuan unau hmelhai a ni der tawh mai. Chhuanthanga chuan a remruat dan chu a han puang dap dapa chu veleh tlangvalte chu che nghal sawk sawkin kar loah ei rel an peih ta. Chhuanthanga chuan a naute chu hrek ril?am duh loin a han bar thuai thuai a, an puar loang tih hlauin a puar pangai hle tawh hnu pawh chuan kham duh loin tlangvalte chu ei ?euh turin a fuih char char bawka.

Zanriah eikhamah chuan Chhuanthanga hoin Runthanga leh Chhuahchawnga chu lal inlam an pan dawn a ni. Thangkunga hoin khaw chhim lamah tlangval sawm ruk an kal anga khua an lo hual ang. Hrilkungan sawmruk tho hruaiin Thangkunga te kal lohna lamah kalin khua an lo hual ve bawk ang. Rengliana leh tlangval sawmthum bakah Thansanga te ?hianho chu khaw chhungah lo insem darhin. Lal inchhunga silai a rik veleh khua chu kil tin atanga halin an bei nghal ang. 

Chhuanthanga chuan tlangvalte chu a han en kual a, an hmelah chuan phurna a lang tih a hria a, amah pawh a hlim hle mai. Kawng tluana hah thlantui far zawih zawiha an kal lai pawha Dammawia fiamthu nuih pui uar uar thei reng Thansanga leh Liansangate kil khata lo ri leh rawk rawk tawh lam chu pan pheiin "Fate u, zanin hi pasaltha innih theihna'n a kawng inhawn zau hun lai tak a ni a, Rengliana zai ngai zelin che ula fimkhur takin aw' a ti a Rengliana chu lo ding chhuakin 'fimkhur takin kan bei tur a ni a thi te kha awm reng reng suh u, in lu pawh a hawn theih dawn lo a nia ram pilrila in lu uih vut vut hawn kha ka peih dawn teuh lo chuvangin fimkhur takin kan bei ang, inpawmchilh pui loh hram kan tum anga a theih chhung chu silai kan hmang ang inpawmchilh a ngaih tak leh fimkhur takin kan bei tur a ni'a rawn tih chuan tlangvalte chu lo nui dar darin ti chuan Thangkunga hote leh Hrilkunga hote chu kal chhuak hmasain tui bur hmuamda hnu velah chuan Chhuanthanga Runthanga leh Chhuahchawnga te chu khaw lam panin an kal ve leh a an hnung lawka Rengliana te chuan an lo zui ve bawka.

Chhuanthanga ten lal in an han luh chuan lalpa chuan hawihhawm takin a lo dawng sawnga an lokalna khuate a han hriat chuan a hmel chu danglam lem lo mahse a chhungril erawh a so but but mai a ni. Ti chuan an kal chhante an han sawi leh a tap lama lo thu, Lungzawl lalfanu naupang zawk leh Rangte khaw lalfanu te pahnih chu an lo ip chawih chawih a. Chhuanthanga te chuan an hawina lam apiangah anmahni hawtute lu an hmu zel mai a ni. Lalpa Ngurliana chu rawn ding chhuakin "Ka unaupa khua chuti khawpa insuasam hnuah a nunna inla la cheu amaw lal meuh nunna pawh zah sak lo chu pawnfen feng tlak vek zuk ni che u a" a rawn ti phiar phiar maia. Runthanga chuan aw nem dam dap, mahse chiang fak si hian "Darchhep khua khati khawpa an suasam hnuah i unaupa pasal?ha chuan Darchhep lalpa chu a that a sin" a rawn ti ve leh a. Lalngurliana chuan tlangaupa chu mit mei zeuhin tlangau pa chu pawnah chuan a chhuak leh vata mahse a hmaa lo ding silaia tin rengtu Rengliana'n 'lut leh nghal rawh' a rawn tih chuan phu deuh zawkin lal inchhung lamah chuan a lut leh ta a. 

Lal Ngurlianan chutia tlangaupa lo let leh a hmuh chuan rum takin a han melh a, mahse tlangaupa'n lalpa hualbeh vek kan ni tawh' a rawn tih takah chuan rang takin pawnah a va chhuak nghal vut a Renglianan silaia tin reng chungin "I sawi ang khan lal meuh nunna pawh kan zah zo lo a nia lut leh nghal rawh" a rawn tih chuan rang taka lutin inchhungah chuan a ang lut nghal bawrh bawrh a. Ka pasalthate tello chauha min hmachhawn ngam tute hi mipa zuk awm hauh lo che u a Darchhep lalpa pawh chu thi tlak anih chu a rawn tih takah chuan Runthanga thinrim chuan 'I unaupa taksa pawh kha bung rem rum awm tak anih ve tho chu tin i unaupa fanu pawh kan naute nawmchenna ni awm zuk ni a' a rawn tih chuan tap lama lalfanu te pathum chu loinkuah khawmin an lo ?ap feih feih bawka. Lalpa Ngurliana thinrim lutuk chuan "Ka pasal?ha te inhneh anih chuan kan buaina hi a tawp ang'a han tih chuan lal in pawn lama awm Rengliana chu rawn auin 'i pasal?ha te chu rawn ko ta che. U Chhuan ti khan nang ni chu lo awm mai mai teh u' a rawn tia.

Rengliana hian Thangsangate thianthum hian Rangte pasaltha pathum te chu an hneh a ring tlat peka chuvangin a hote zinga pahnih chu tir nghalin Thangkunga te lamah leh Hrilkunga te lamah inbeihna a thlen laia lo chhuak lo tur leh fin kherek chhuah apiang lo sai nghauh nghauh turin a chah ta a. Tlangaupa lal in a?anga rawn chhuak chuan rang takin an pasal?ha te chu a han zawng nak nak a leng len ar a khuan tawh avangin a zawng kual ngat ngata a tawpah a hmuh takah chuan thinrim eng phiarin Kimluaia chu rawn chhoin lal tualah chuan a inhrosa kuk kuk renga lal inleihkapuiah chuan lalpa leh a khawnbawl te bakah Chhuanthanga te pathum chu an ding bawk a. Kimluaia inhrosak kuk kuk reng lai chuan silai lo puak thawtin Kimluaia beng hmawr chu thi nghal ser serin Rengliana chuan kha le ka keite duat lai a rawn kal e tih pahin Dammawia chu rang takin Kimluaia lam pan chuan a phei ta a. Kimluaia chuan nuih za takin naupang ka that ngai lo asin han ti ve teh mah se Dammawia chu alam panin a rawn tlan par par tho bawk si, a han insiamrem a, Dammawia chu rawn tlan chak zual sauhin Kimluaia bul a thlen hma deuh chuan sang taka zuang kangin a chem chu a kapkarah chuan an vai nghal pawp a Kimluaia dar chu a kak nghal hlawih bawk a. 

A ran dan em em chu Rangte tlangval lo pungkhawm mekte chuan mak tiin an lo thum huk bawka. Thangvela chu rawn auin "Kima naupang mai anih kha han hlep ral vek teh" a rawn ti a Kimluaia chu zam ru viau tawh mahse a ?hianpa aw a hriat chuan phur thar lehin a han veh ve ta a. Dammawia lah chuan sakeiin a saseh tur zuan tum a awp hniam ang maia kun hniamin a veh kual den den bawka a chem chu zei takin a han vilik kual zaih zaih thin bawka. Kimluaia chu rawn che chhuak vein a chem chu Dammawia veilamah chuan rawn vai tleu phei puatin Dammawia erawh kun zawkin a lum nghala a chem chu a vai chhuak pah nghal bawka. Mipui pungkhawm te chu mak tiin Kimluaia ke leh lam bul chu an en tlawk tlawka hetiang khawpa mi tuanrang hi an la hre ngai lo a ni. 

Chhuanthangan "Pasaltha tawh phawt chu hmelma pawh nise kan zah tur a ni" a rawn tih takah chuan Dammawia pawh chuan Kimluaia lu chu la in Thangvela chu a en kalh a. "Rawn kal ve rawh le, naupang hi min hleh ral chu han tum ta che "tih pahin a awmah tak chuan Kimluaia lu chu a vawm chhuak nghal thlawrh bawka. Thangvela bula lo ding ngawi reng Chawiliana ve thung chuan Dammawia hneh tur chuan a chem hmanna lam pang zawk saw man beh sak emaw amah che thei miah lo tura pawm beh a ngai a ni ti rilru nauh nauhin a pen chhuak chhat chhat a. 

A bulah Thangvela pawh chu rawn ding ve in an thianpa ruang chu an thlir ngawih ngawih a. Dammawia'n chutia an ni pahnih a han veh leh tan chiah tihah chuan pahnih leh pakhat chu a va dik dawn lo ve rawn ti tu lam chu hawi thupin Liansanga lo ding reng chu an va hmu leh ta. "Dammawi chawlh a hun e hei chu kan chan pual ve" tih pahin a bihrukna hmun a?angin Thansanga chu rawn tlan chhuakin Chawiliana chu a en ding ngar ngar bawk a. Chawiliana pawh chu lo insiamremin Thansanga chem rawn thlawk chhuak a bum rualin a chem chu a han vai ve nghala mahse a thelh ve tlat tho mai. Liansanga erawh chuan Thangvela chu a tham lo kher mai "Ka vawrh reuh dawn che maw ni le" tih pahin Thangvela lo zuang kang a chem humna lam a lo man sak chat paha a kawnga a chawi kan lai mek chu tual charah chuan an theh thal ?huai a, ti chuan a chempui chu phawrh chhuak vein a veh ve ta a. Thansanga ve thung chuan Chawiliana chu pasal?ha tawk tak ani tih hriaiin fimkhur takin a veh a. Liansanga erawh chuan Thangvela chu a pawi lo tawk vela thai zeuh zeuhin Thangvela na ti chu a ?hen sak sak tawh maia. Thangvelan a a nghawng zawna a chem rawn vai chu bumin a chem chu Thangvela dul zawnah chuan an vai ve nghal pawp a mipui ho chuan rap tih hriat takin Thangvela ril tla nuaih chunga chhuata mu reng chu an en tlawk tlawka.

Lalpa Ngurliana pawh a mang ang tan tawh hle ral khata an valupa silai keng chu mit mei zuk zukin chet lak dan tur a mit hmang chuan a han hrilh a mahse kil khat atanga lo hmuru reng tu Thangkunga naute chuan chu pa lam hawi chuan lung an han vawma an valupa in lunga lo vawm tute lam a han en chuan tlangval tam takin silaia an lo tin rawn mek lai chu a hmu ta si a tihngaihna hre lo chuan an lalpa chu a hmu lo der ta ringawt a.

Rawlthar thaza lulai lutuk chu an hah har deuh nge nge a niange Chawiliana chuan a dar hliam hup chung chuan thingthiin ka tlawm e. Naua ka hneh nang lo che a ni. Tih pahin a thingthi ta a chu veleh silai lo puak nghal zawih zawihin lal Ngurlianan tlangval dang a lova mitmei hmante chu an thal nghal zawih zawih maia, silai ri a reh fel meuh chuan tlangval sawm vel zet chu an thal phung maia. Thangkunga chu rawn auin a ngam ngam chu han che leh u la a rawn ti a. Lal Ngurliana thinrim lutuk chuan Chawiliana chu kawkin nang mi dawihzep naupang laka tlawm kha ka mamawh lo che khua a?ang hian chhuak nghal rawh a rawn ti tuar a. Chawiliana rilru na lutuk chu a mittui a far fap fap a. Kil khata amah enkawl seiliana nu leh pa nih fawm tu a nu lam chu a han hawia Thansanga hnenah chuan ka nu saw min lo enkawl sak dawn nia hnawhchhuah kan tawk ta si a, ka lu hi la rawh le a han ti a. Thansanga chuan "Ni lo ve. Phuba chu i duh tawkin i la thei ang. Tin, Bualthleng khuaah i tan hmun a awm bawk e" a ti a. 

Chawiliana pawh chu ding chhuakin lalpa Ngurliana lam hawi pah chuan "Lalpa i khua leh tui hun kha leh chen ka lo muan ve na te min theihnghilh sak ta mai hi hriat thiam har ka ti hle mai. Diakkawn khua in i khua an chimih loh chhan kha thingluang zawha inbeihnaa hnehna ka chan vang a ni tihte i theihnghilh ta mai hi a na ka ti khawp mai. Tunah chuan Bualthleng khúa leh tui kan ni ta" tih paha lalpa chu kawkin "I lu kha ka duh a ni" tih pahin a pan ta chher chher mai chu veleh Rangte tlangvalte chu rawn tlan khawmin Chawiliana chu beih an rawn tumta mahse silai rawn puak leh zawt zawtin silai puak a reh rual chuan hmun tin a?angin Thangkunga naute leh Hrilkunga naute bakah Rengliana te ho chu an rawn che ta. Dammawia chuan meichher pakhat chu la lawkin lal in chu a hal ta hmiah maia. Chhuanthanga te ho pawh rawn chhuk thla sap sapin Dammawia chu "Kan awm lai renga i hal mai le' tih pahin an rawn nuih sun sun a. Chawiliana pawh an lalpa lam pana kal zelin a bul a thlen chuan eng khaw sawi set set loin Bualthleng hmelma chu ka hmelma tih pahin a tlawh thal thuai a, a lu chu la zui nghalin lal inkang hluah hluahah chuan a vawm lut zui nghala. Rangte tlangval mi sawm riat vêl te pawh kar loah an inpe ta thuaia.Chhuanthanga te lam erawh renglianan thih a khap vang nge hliam nei mi sawm thun dawn awm vein nunna chan an awm lo hlauh.

Lalin chu a kang nasa telh telh a. Runthanga chuan thil hre chhuak thutin Renga Chawnga lalfanute pathum kha tih pahin a tlan nghala Rengliana leh Chhuahchawnga te pawh chuan umzui ve nghalin lalin kang khu luai luaiah chuan va zuang lutin lal fanute pathum nikhaw hrelo a lo awmte chu an han pawm lawpa an chhuah pui leh ta a.

Lal inkawta Rangte khaw mi leh sa te chu Chhuanthanga chuan kan hmelma te anni ve lem lo bawka tiin an duhna lam pan tur emaw lal inthar leh lal thar neih an duh anih pawhin an khuaa la inben bel chu phal sakin an kal ta a. Lalfanute pathum leh Chawiliana te nufa chuan an zuia kal kawngah chuan Chawiliana chuan an khaw tana a thil lo tih tawhte chu sawiin amittui a khap per sak sak renga. An lalpa'n nupui a sun hnua a mize danglam sawt zia leh thin butut a neih nasat sawt zia te chu a sawi bawka. An buk an han thlen chuan lalfanute pathum chu an han bawihsawm sawk sawka kar loah lo harhin lalfanute pathum chuan an hlau hle mai. Mahse engtin mah an tih nat dawn loh thute hrilhin Chawiliana nu kiangah chuan an ?hut tir ve ta zawka. Khatia lal in hal anih khan khawchhung lam lah an buai mup mup bawk si nen lalfanu te thlaphang au aw chu an lo hre thei lo a lo ni.

Lalfanu te pathum chu Thansanga te thianthum chuan an han hnaih leh hriau hriau thin a, Runthanga chuan lo hmu ru rengin Hrilkunga chu an mit mei zauhva Hrilkunga pawn lo hrethiam nghalin 'A va zawngchhang thlak awm ve aw" a ti rilru vawng vawnga. Chhuanthanga an buk bula lo thu chu va panin Thansangate thian thum chet dan zawng zawng chu a va hrilh ta veka Chhuanthanga chuan lal inchhunga Runthanan a sawi zauh kha a hriat tawh avangin "A va zia lo ve le aw, Thanhrangan hria se a fapate kaihruai tur hian mi ring ngam tawh nang" Tih pahin Thansangate pathum chu koin a hruai hrang ta a. An chet dan avangte chuan zilh melh melhin infarnu te emaw innu te chunga thleng turin in duh em ni. Tuna kan lalfanu chhawmte phei hi chu inrual pui te lek anni leh nghala kawm tlangnel a ngaihngam taka kan bula awm tir thei tu tur inni zawk a sin a han tih chuan an rilru a hneh tlang hle maia. An tih tawh loh tur thute hrilhin ti chuan midang awmna lam pan chuan an kal leh ta a.An mut dawnah lalfanu te chu phuar vekin an mut san ta a.

Zing lam khawfing chah hunlai vêl tak chuan Thansanga chu harh hlawlin pawn lama hmeichhe insut ri chu a hre ta a rang taka va chhuakin an buk bula an lalfanu phuar hlawmte lam pan chuan a kal ta a. Rangte lalfanu naupang zawk chu a lo ?ap feih feih maia. Thansanga chuan a khawngaih hle mai a farnu Thangliani chunga thleng ni ta se tihte a han ngaihtuaha, mahse Darchhep lalpa thihna leh Lawngzawl lalfanu vauna awka avanga khawngaih duh loin an phuarna chu a han phelh sak mawlh mawlh a a beng bulah chuan kun hniamin thawm chhuah suh eng tin mah ka ti na dawn lo che min zui rawh a ti a lalfanu pawh chuan thuawih takin a zui ve mai bawka. An buk bula luikawr chu zawh thlain a thlang lawka lungpuiah chuan lalfanu chu a thut pui ta a "Nula i hming han sawi teh le" a ti a lalfanu pawh chuan "Parmawii" a lo ti ve sap a. 

Thansanga chuan zawt lehin "Anih i unaute saw" a han ti leh a "Ka u khi Biakmawii a ni a, ka pa unaupa fanu erawh Herliani a ni" a han ti leh a Thansanga pawh chuan engmah zawt tawh lem loin a thut ngawih pui ta reng a. Parmawii chuan "K'u Lianthangi chuan pawngsual chu a tawk tak tak em ni?"a rawn ti chhuak ta phawng a. Thansanga chuan chhan ngaihna pawh hre loin a ngawi reng a. Parmawii bawk chuan, "Nangmah leh i thiante pahnih ngei khan in pawngsual ti raw? "a rawn ti leha Thansanga tih ngaihna hre lo chuan."Tunge hrilh che" a han ti a Parmawii chuan "Buka kan awm laia i thiante nen min en duh dan kha ka hmu vek alawm. Mahse hruaihrangtu pa che u khan a zilh che u anih ka ring in danglam leh daih a, pa fel tak a ni ngei ang" a rawn ti a. Thansanga chuan engmah pawh sawi lem loin a ngawih san leh ta vung vung a Parmawii chuan "Chho teh ang ka unaute kha an harh ve vek tho va, nangmah avangin thawm an chhuah ngam lo anih kha, chuan inkhuaa min that dawn a nih chuan ngen duh che ka nei a chu chu ka pa ram chin ngeia thih hi ka thlang zawk a ni, ka pa kha lal fel tak ni lo mahse ka tan chuan ka nu tello a min chawi liantu, ka neih chhun a ni"a rawn ti a. 

Thansanga chuan a khawngaih hle mai lalfanu banah chuan vuanin in thi dawn hleinem, i duh anih chuan ka farnu angin kan inah pawh i awm thei e. Ka pa hi Pasal?ha Thanhranga a ni a sal neih a duh ngai lo a sal ang chuan kan en hauh lo ang che"a ti a lal fanu chuan "Pasal?ha Thanhranga chu ka paten a hming an sawi ?hina sin mi nun ngil leh huaisen tak 'khua leh tui bakah hmeithai leh pachhiate tana pasal?ha' tiin an sawi a sin a fapa ni awm lo tak i ni" a han ti a Thansanga chu, chu lalfanu huaisen tak ?awngkam avang chuan a zak em em maia chhan pawh a chhang ngam lo a ni. An piah kil thim laia lo enthla ru reng tu Runthanga pawh chuan chu lalfanu chu a ngaisang ru hle maia. Buk kawt an thlen chuan khaw var a hnai tawh bawk nen Thansanga chuan meite nun sawk sawkin ei a rel nghala lalfanu Parmawii erawh a unaute bulah chuan thuin a unaute hnenah chuan hlauthawng lo turten a fuih mawlh mawlh a

Thansanga ei rel mawp mawp lai chuan hla takah silai a puak dur maia, Thansanga chu hawi phawk hruin buk atangin Chhuahchawnga chu lo chhuak vatin "Sangte engti zia nge? Khawnge Runthanga?" a rawn ti a midangte pawh chu rawn chhuak ve sap sapin an han inrawn khawma Chhuanthanga chuan "Tuk thuan hmeh tur zawngin a chhuak a ni mahna silai ri dang a awm tawh lem lo bawka ngaichang teh ang u" tiin an piah kawr te lamah chuan pheiin a va inphih fai sawk sawk a. Tuibur hmuamda hnu velah chuan Runthanga pawh rawn thlengin Sanghal a kah thu leh amah mai chuan a phur zo bawk si lo a, midang a rawn pun a lo ni. Rengliana leh Thangkunga hoin tlangval thenkhat te chu an va kala rei lo teah rawn kir lehin Sanghal sum sarih zeta lian a ngho pawh sei tha tawk tak mai chu an rawn hawn ta a. Thansanga chuan Runthanga chu "U Runa nge nge tlukloh rim i nam thin teh e, i va tho hma bik ve" a han ti a Runthanga chuan "Nang alawm tluk loh rimnam chu" tihpahin Parmawii chu melh zeuh in "In titi ring lutuk a ka harh ta mai alawm le" tiin a nui suk suk a Parmawii pawh chu lo nui ve sukin Thansanga erawh a lai chhe hle mai.

Ti chuan tuk ?huante kil sawk sawkin Chawilianate nufa pawh chu an tlangnel ve tawh hle maia a kum lamah chuan Runthanga te ai hian a nau hret a an puamrua erawh a intiat tlang fu. Thangkunga leh Rengliana hi an lawr fal deuh a Chhuahchawnga leh Runthanga erawh an intiat fu mai. Hrilkunga a te bera mahse pa vantlang pawl chu a ni pha ve tho a ni.

Kal an han siam leh takah chuan Thansanga te ?hian ho chuan lalfanu te pathum chu a hnung lamah chhawmin Dammawia che zia avang chuan an rawn nui ve leh suk ?hin. Mahse an tawrhna a na em a rilru chhung ril tak tak a nui thei tur chuan hun an la mamawh deuh a ni.

Hmeichhia nen an nih tawh avangin karah zan nga lai an riaka a ni rukna tuk?huan kil hun velah Lungzawl khua chu an lut leh ta. Chhuanthanga chuan nau riltam huna chhuah leh mai a rawt a. Chu tiang tur chuan an han inbuatsaih sang sang a, lalfanute pathumin an u Lianthangi hmai dang lip lep chau tih hriat taka lo awm an hmuh chuan a tu amah insum thei awm loin an ?ah khum bawrh bawrh mai a. Kal an siam leh tan dawn lai tak chuan Dammawia chu rawn kalin Lianthangi hmaah chuan a rawn ding a, "Khawngaih takin min ngaidam thei angem? A pawi ka ti khawp mai ka thiante kha khatiang kha lo tih pui miah lo tur ka ni a sin" tiin a bul tantu anihna avangin ama thiam lohah a puh vek a. Lianthangi erawh chuan chhang loin lei lam a bih sana a mit atangin mittui a rawn luang nghal zawih zawih a. A thil tawn khan a nghawng na thaw khat hle tih chu a hriat a ni. Thansanga leh Liansanga pawh rawn kal hnaiin Lianthangi chu ngaihdam an rawn dil ve bawka mahse Lianthangi erawh a mittui sur chuan kian zai reng a rel thei mawlh lo a ni.

An inpeih fel ta maw tihah chuan kal chhuah an han tum ta a chutia kawt chhuah lam pan a an kal mek lai chuan an mahni tawk zawnga rawn kal tlangval sawmhnih bawr vel an hmu ta. Chhuanthangate chuan ding meuhin an lo nghaka an lo hnai zela Lalfanu Lianthangin a hmahruaitu pa hmel ahmuh chiah chuan "U Kapa" tiin a lam pana tlan chu a tum ta mai. Mahse Liansanga chuan lo chelh betin "Lal fanu nghak lawk rawh buaina lian tak thleng thei a ni tlat" a han ti a.

Chu mite chu lo hnai zelin Chhuanthanga te nen chuan an inep ta thap mai. Darkawn pasaltha Kapthanga chuan Chhuanthanga chu a han en vang vang a, a bula ding Runthanga leh Chhuahchawnga te mai bakah Rengliana Thangkunga leh Hrilkunga te chu en lehin, khawi khua tak ni ang che u maw in vangkhua chu inva muan hneh dawn tak em ti rilru in Chawiliana kianga Thansangate ?hianthum lo ding chu enin "Anni pali pawh hi an la naupan avanga zuam chi chu an ni hauh lo ang" ti rilru niap niapin Chhuanthanga amah lo en reng tu chu a pan a. "Darkawn pasal?ha Kapthanga ka ni a, Rangte lam atanga chanchin kan hriat veleh kan rawn kal ta a ni. Lalfanu te hi min pe kir thei angem?" a rawn ti a Chhuanthanga te ho chuan Darkawn pasaltha Kapthanga hming chu an lo hre ve a Runthanga te nen an inrual viauin Chhuanthanga chuan a ring a ni. Mahse Runthanga te khing tur em chuan a pianzia enin a ring zo lo a Chawiliana emaw Thansangate nen chuan an inkhing tawk viauin a ring thung chutah aw nem dam dapin. "Darchhep pasaltha Chhuanthanga ka ni a, ka kianga mi te hi Darchhep, Zehtet leh Bualthleng tlangvalte bakah an pasal?ha te an ni, lalfanute hi kan lalpa thu lo chuan tu kutah mah kan hlan thei lo a ni,he Lungzawl khaw lalpa vang hian kan khua chu khaw ram mai a ni tawh a, tuna helaia Darchhep mipa te hian in leh lo pawh buai pui hman loin a sin he lai hmunah hian kan kal"a han ti charh charh a.

Kapthanga chuan an tlem zawk bakah pasaltha anihna avanga hawihhawm taka mi be thin mi a nihna chu rawn chhawm chhuak lehin "Anih in Lalpa chuan tlan chhuah a phal angem?" a han ti leh a Chhuanthanga chuan "A phal ngei chu ka ring" tih pahin a bula ding Chhuahchawnga chu a bawh thlu nghala Kapthanga rawn hruaite zinga pakhatin Chhuahchawnga a lo tin ru zal zal chu a hmu hman hlauha. A bawh thluk rual chuan silai mu rawn thlawk chhuak nghalin Chhuahchawnga hnung lama Liansangan a bana a lo chelh beh mek Lianthangi awm chu a verh ta siah mai. Chu veleh silai chu puah zawm nghal thuai thuain Chhuanthangan a tawk atih meuh chuan Kapthangate lam chu amah leh tlangval panga bak an dam tawh tlat lo Chhuanthanga te lam pawh pariat lai an tlu hman tlat. Hrilkunga chu a banah silai silai mu a tang ve bawka. Dammawia pawhin a beng thi sar sar chu khawihin "Teuh hle mai a" tih pahin a nui suk suk a. Chhuahchawnga chuan amah kah lo tum tu pa tual chara let reng chu a samah ?ham lawpin "eng vanga min thah tum nge i nih" a han ti hrawka chu pa chuan thei leh thei loin "Pasaltha Chungkeuva farnu fapa ka ni" a rawn ti chhuaka Chhuahchawnga chuan he thil thleng zawng zawng hi nangmah vang vek a ni tih pahin a lu chu a chhawk sak nghal hmawk a.

A sira Chawiliana'n a nu ruang lo kuah lai chu va pan vatin Chawiliana nu chu ngenmuin a lo deng fuh ve chu a lo ni khatia silai arik takah chuan a khawi lam veve pawh khan an hmet puak hman fe si a thi tam lutuk lo mahse hliam tuar erawh an awm nual a ni.

Kapthanga erawh Lianthangi lu chu a mal chungah chuan nghatin Lianthangi ka atanga thisen rawn chhuak chu a hui fai mawlh mawlh a. Lianthangi thi tur inleng kual vel chu tap zawih zawih chungin a kuah bet bawka. Chhuanthanga pawh chuan Kapliana leh Lianthangi inkara awm chu a hre ta a pawi a tih pui hle mai.

Ruang nen an nih tak nuai siah chuan kal chhuah an tum chu ?hulh lehin khaw ram mai a ni tawh bawk nen a rem deuh laiah chuan thlan an lai sawk sawka Lianthangi ruang chu a unaute leh Kapthanga chuan an ?ah khum deuh renga an han inphum fel meuh chuan chawhnu her a ni ta maia. Ti chuan kal chhuah leh ting tang tum tawh loin Lungzawl khaw hmun hluiah chuan a rem dan ang anga Rangte an pan hlana khaw hmun nghaktuten buk an lo sak veah chuan awm khawmin, an thil tawn chuan a ?hawng bawka inbe thei mumal pawh an awm lo a ni.

Parmawii te unau Lianthangi ruang an phumna zawna thu reng chu Thansanga te ?hian thum chuan awm pui ve in "Pialralah tal chuan min lo ngaidam em ang chu maw" tiin Liansanga chu a rawn tawng chhuak sap a.

Tlai lam ei rel a lo hun chuan tha tho lo zetin tlangvalte chu an che sap sap a. Kapthanga pawh rawn pangai chho lehin Chhuanthanga bulah chuan lalfanu Lianthangi nen an intawn dante chu a hrilh ta vek a. Chhuanthanga chuan "Eng pawh ni se in lalpa hnenah thu dik tak min han thlen sak la in tlangvalte thihna avanga chawi tura min tih zat zat chu kan chawi ngei ang" a ti a Kapthanga chuan "Ni lo e kan thiam loh ani a kan lalpa hian kan diknaah lo chuan tumah beih a phal ngai lo a, vawin thil thleng hi hre ngat se zawng a thinrim viau ngei ang. Mahse a hriat ngei chu a ngai si a nangni lam pawh in inchan ve tho a chu vangin heti hian kan inthathen zawk thei mai lo a mi. Kan thiamlohna a ni tih a hriat avang hian kan lalpa chuan in phut apiang a ti hlawhtling hreh hauh lo ang"a rawn ti ve a.

Zanriah te an han bar sawk sawk a, bukah chuan thu thapin Parmawii te unau pawh Thansanga te kiangah chuan thu vein an tawng tlem hle a, an chhung leh kua te an khua te an channa chuan a nghawng na hle mai. Mahse Parmawii chuan a naupang ber mah ni se a u te pahnih rilru chu thiam taka hminin a ti paukhauh thei tlat a ni.

Thansanga bula thu ve Chawiliana chuan zawi sapin "Tunah chuan neih ka nei ta lo. In khuaah rawn kal pawh ni ila, van laia tla ang mai ka ni tawh dawn si a" a rawn ti chuai raih a. Thansanga chuan "Chutiang sawi a ngai reng reng lo, min kaihruai tu tur u ka awt ve em em ?hina chu vangin kan hnenah i awm thei ang ka pa chu pasaltha Thanhranga a ni a a lo lawm viau chein ka ring a ni" a han ti charh charh a.

Chu zan thla eng mawi tak hnuaiah chuan Chhuanthanga te ho erawh chuan hlimna tur an hmu lem lo hle mai. Sal nen an nih nuai avangin an buaiin an hah tlang hle bawk a. A tuk vartianah chuan kal chhuakin Kapthanga te nen pawh chuan tha takin an inthlah a, sal nen hmeichhia nen an nih tak nuai avang chuan hun pawh an duh rei hle mai. Zan ruk hnuah Darchhep khaw ram chu an thleng ta hlawl a. Thansanga chuan "Darchhep khaw awm thinna anih hi, a nuam teh a sin, kan inpawh tlangin U Runthanga te thianzaho phei hi chu an zin nasa hle a ni" a rawn ti charh charh a. Parmawii chuan "Khaw thum pasaltha infin khawm chu hneh an harin nunrawn pawh a awl hle anih dawn hi" a rawn ti a, Thansanga chuan a u an pawngsual sakna avanga nunrawng tia a sawi mai chu a la na hle mai. Mahse engmah sawi chhuak loin a kal ve zel a. Darchhep khaw ram vek tawhah chuan chhun chaw te fakin an chhuak leh nghala ral khat atangin Chhuanthanga leh Darchhep lam mi te chuan an khaw hlui chu enin Chhuanthanga meuh pawh insum zo loin "Aw, engtikah mah khang hlim lai nite kha kan thleng leh thei dawn tawh si lo. Inrun hi a va han tha lo tak em' tih pahin a mittui luang chu a nuai fai sawk sawk a" Min hrethiam teh u, kal i siam ang u le'a rawn tih takah chuan midangte pawh chuan zui ve leh nghalin an kal chhuak leh ta a.

Zan nga hnuah Zehtet khua chu thlengin Lalpa Dohranga pawh a tlangvalte lo hmuak turin Zehtetah chuan a lo awm daih tawh a lal inah pasaltha te leh lalpa te pahnih bakah khawnbawlte nen chuan ro an han rel sap sap a. Lalpa Dohranga'n lalfanu te chu a enin an la naupang si a a lainat hlawm hle maia. Chuvangin inthenhran tir ai chuan 'ka hnenah awm mai se la?' ti a a dilna chu lal puithanga pawh chuan lo pawm sakin. Sal chungchang chu an han rel leh a. Lalpa Dohranga bawk chu rawn tawng chhuak lehin "Kawng hla tak rawn kal tawh te an ni a, chuvangin he lamah hian a tam zawk hi chu awm mai se" a han ti a. 

Lalpa Puithanga chuan, "A lu nunga thawk chhuak tam zawk in ni a, chutiang ngawt chuan ka ti thei lo ang" a rawn tih ve leh tak tlatah chuan salte chu an awm duhna zawk an thlan tir ta. Chhungkaw bil tetea awm khawm tirin Zehtet lamah chuan chhungkaw sawm nga dawnin awm an duh a Bualthleng lamah sawmhnih velin awm an duh thung a. Ti chuan eng eng emaw an sawi khawm leh hnu chuan ?in darhin Hrilkunga leh Thangkungate chu Zehtet pasaltha an ni tawh anga Chhuanthanga leh Darchhep khawnbawl Zehtet lama awm te chu lawm takin lal rorelna tawm pui turin Lalpa Puithanga chuan a rin lut nghal bawka. Sal te pawh in leh lo an nei ve anga fathang erawh khaw mi hlunte aiin an chhung tam zawk dawn a ni. Sal ni mai tura inngai te tan chuan chu baka lawmna tur chu a awm lo a ni. Lal Dohranga pawh chuan lalpa Puithanga rorel dan chu ?ha a ti em em a, a khaw lamah pawh tih ve ngei a tum a ni. Darchhep mi leh sa tam tak leh An sal man chhungkaw tam tham tak te nen chuan Zehtet pawh in zali nufa lai an lo ni ve ta. Bualthleng pawh inzaruk nufa lai an ni ve tawh dawn bawk a ni.

A tukah chuan Bualthleng lam mite chu an haw ve leh ta a,nilenga kalin khua an va thlen chuan leng hawn ar a khuang al al tawh a, lalpa Dohranga chuan mi puite hmaah chuan sal chungchanga a rem ruatna Zehtet lalpa tih ang chiah chiah chu sawiin Darchhep khawnbawl lo ni ?hinte pawh a khawnbawl ni tura rin lutin an khaw mi leh sa Pasaltha Thanhranga pawh Upa Thanhranga nihna a hlan nghal bawka. Mipuite chuan an lal rorel dan chu tha a tiin "Lalpa dam reng rawh se" an rawn ti rual thap thap a, Lalpa chuan thu rawn sawi ve lehin Lungchuan leh Rangte lalfanu Parmawii leh a unau Biakmawii leh Herliani te chu a fanu tharte an nih thu a sawi nghal bawka.

Mahni inlama haw loin tlangval te leh sal tura an hruai haw an khaw mi leh sate chu lal tualah chuan zanriah rel mawp mawpin khaw mite pawh chuan an rawn pui sawk sawk bawka. Ti chuan puar el euha eiin khaw chhunga inah te chuan insem darh rihin chu zan chu an hmang ral ta zawka. A hnu ni thum chhung ngawt chu khawtlangin inthar sak hna an thawk mup mup mai a. Tunah chuan Bualthleng leh Zehtet khua chu lusei khaw tam tak tan chuan do ngam loh an ni ta. An pasal?ha ?angrualte ringawt pawhin awlsam takin ?iau ralah hming an chher thei a chu ringawt pawh chu Bualthleng leh Zehtet leido nih ngam lohna chhan tur a tling a ni.

Ni khua a lo rei a, fur pui rawn thlengin khua a hnawng churh mai a upate chuan sapui chet duh hun lai anih avangin mipuite chu fimkhur turin an chah mawlh mawlh a. Lo lam hna ?ul an chawlhsan thei si lo mipuite chuan sapui a lo che ang tih mawlh hlauin an hun an hmang a ni. Lalfanu thar pathum te pawh Lalfanu Sangzuali leh Lalpa Dohranga te nupa chuan hmangaih taka enkawlin tunah chuan khaw tual mi dik tak anga inngaihna nei tawhin hlim takin hun leh nite chu an hmang ve zel a.Chawiliana pawhin a nu leh pa tharte leh a nau tharte pahnihin an chhungkaw mi leh sa dik tak anga an ngaihna avang chuan a thla angamin, "pa te bulah zawng thla a muang duh hle mai" a ti rilru vawng vawng zel a ni.

Zan khat chu leng hawn ar a khuang ta maw tihah Zawlbuk kawtah chuan nu pakhat a lo lang hlawl maia, Runthanga chuan lo hmu vatin a va pan hnaia chu nu chuan a pasal feh kal a lo la haw loh thu leh a mangan thu te a rawn sawi ta a. Chu veleh Runthanga chuan chu nu chu hnem mawlh mawlhin zawlbuka tlangvalte chu chanchin hrilhin sawm vel inthlang chhuakin lo lam chu an pan dawn ta a ni. Chawiliana pawh silai la tura hawin in a va thlen chuan a chhungte chu an lo la meng ?hapa mak ti hmel takin an lo en a Chawiliana chuan chanchinte hrilh sawk sawkin silai leh ipte pui lain a chempui a ak bawka ti chuan a chhuak ve leh ta nghal a. Lo lama kal turte an kim ta maw tihah chuan meichherte siamin an kal ta a, chu mite lo an zu thlen chuan hnuhma awm ang an han zawng kual zung zung a, nakinah chuan lo mawng lama hnim lo pe deuh hun leh a bula iptepui leh chempui lo let reng bakah thisen ro tawhte chu an hmu ta. 

An hlauh ang ngeiin sapuiin chet a rawn thawh tih chu inhrilh nawn an ngai lo hle mai. Ti chuan thisen chu an theih ang angin an han chhui zui a, thla lah chu lan tikni reng nei loin a bo hmaka khawpui a ri dur dur reng leh nghal bawk nen. A dawhzep tan chuan ngaih?hat lohna tham lawih a ni. Lo fing hnih ang vela zau an chhui hnu chuan an mi zawn pa ruang darh sarh nuai chu an va hmu ta a. Sakeiin a seh tih an hre chiang tlang hle mai lakhawm sawk sawkin khaw lam chu an pan pui ta a. Khua an thlen chuan khawfing chah hun an hnaih thuak tawh a. Ruang chu sar thi anih avangin an phum nghal sawk sawk a, khawhar inah chuan nula leh tlangvalte chuan khawhar chhungte chu hnemin tlawmngaihna chu nasa takin an nunah an lan tir theuh a ni. A tukah chuan lal inah chuan ro an han rel leh a, a hnu lawkah tlangaupa chu rawn auin "Feh tur zawng zawngte a huhoa kal zel tur a ni a, tlangval silai kengte venna hnuaiah zel kal tur a ni ang, sapui chet hun lai anih avangin haw lamah pawh a rual tlanga haw zel tur a ni e" a rawn ti a.

Khaw mipuite chu ral ti hle mah se an hna an thulh a thiang bawk si lo. Phur lo takin an feh leh ta hnak hnak hlawm a. Mahse chu mi ni chu sakei chuan chet a rawn thawh lo hlauha, hmeichhiate leh naupang deuhte chu an thla a muang huai thei a upa lamte erawh an ngaih a tha lo zual sauh thung. A tuk leh zing chu khua a thiang nuamin ni rawn chhuak chuan Bualthleng khua chu a rawn chhun no nghulh maia. Khaw lai chiau per pur te chu rawn en roin feh turte pawh phur takin an chhuak khawm hnak hnak a. Runthangate thiandun pawh Chawiliana nen Niliani leh nula tlangval dangte nen an inzui hnak hnak a. Feh kawng tum zawh zelin an infiam nui dar dar renga chutia an hlim hlut lai chuan an hma lam ral khata hmeichhe rak ri an hre ta. 

Runthanga chuan ngawi tura midang chu hrilhin thawm chu an han ngaithla chiang a. "Min tanpui ru' tih ri chuan an beng a luh tlâng ngang a ni ngei ang. Hmeichhia zawng chu lo awm tura hrilhin an kal san ta diak a. An hnaih zela rak ri pawh chu ring tial tialin an va thlen dawn hnaihah chuan a tawp ta hmuk bawka. Runthanga chuan thawm dim taka hma hruaiin hma lamah chuana pen phei zela, chuta a thil va hmuh chuan a ti phu zawk hial a ni. Upaten Sairal an lo tih thin sakei thankin tawh a lu pawh arbawm tiat lawih turin an khaw nula ni ngeia an hriat a lo ei bawrh bawrh lai leh a bul vela tlangval mu hlawm reng panga te bakak a piah leh deuh thingkunga nula pakhat lo thu khur hlawk hlawk chu a va hmu ta a. Runthanga chuan "Ruang saw ka va chhuh sak anga min lo veng dawn nia, tih pahin a chem pui chu la chhuakin a silai chu a daha a pan phei ta mai. Tlangval dangte chuan hlauthawng takin an lo thlir a Rengliana meuh pawh a hlauthawng ve tlat a silai chu a hum thlan dup mai a ni. Chu Sairalin Runthanga a lo hmuh meuh chuan a lo rum khum chher chher maia, tlangval ?henkhat phei chu an hmulthi a ding sur sur thei hial a ni. 

Runthanga chuan hnaih phei zelin "Kan feh kawng tum meuh pawh min zah sak loh bakah, kan unaunu nunna min lak saka, a ruang tal kha chu min pek a ngai ang" tih pahin chu nula ruang chu a keah a chelh ta. Chu veleh chu Sairal pawh chuan seh ve leh nghalin Runthanga chuan an phih hrawk rawn ben a tum ta mai. Runthanga chuan a mitah tak enin "Thlah rawh" an ti tuar a mahse thlah a la tum aw zawng lo Runthanga chu melhin a rum chhur chhur a. Runthanga ning ta deuh chuan "I thi ve ngei ang" tih pahin hnung lamah chuan a zuang dawrh a "Kap rawh u" tih pahin a bawk phek nghal thlarh bawka chu veleh silai vawi nga rawn puak in, chu Sairal pawh chu huk tuarin a bawk nghal thlawrh a mahse thinrim taka rawn ding chhuakin Runthanga chem pui nena a hmaa ding chu zuan tumin a awp hniam ta suai suai a. 

Rengliana leh Chawiliana rawn pen chhuak chu tlangvalte chuan an rawn zui ve nghal bawk a, mahse ramhnuai pasaltha chuan a hlauh loh zia lan tirnan Runthanga chu a rawn zuan ta. Ngen mu panga dawng tawh mah ni se a la rang ve fu mai Runthanga chuan lo lum sawn pahin chu sairal ke hma lam chu a sak ri chawk a, a ban bul pawh rawn thip ve nghal sawkin thisen thar lam rawn luang nghal zawih zawih chu enin a nui saka tlangval dangte pawh Rengliana leh Chawiliana te nen rawn thlengin chu Sairal rawn zuan leh rual chiah chuan Chawiliana chuan Sairal hnuaia lum lut chungin a chem chu a vai chho fua maia. Chu Sairal huk tuar chuan a tum thleng loin Rengliana hmaah tak a va dinga chu veleh Rengliana chem pui chuan a thluak pawh hawk khawpin a luah a lo sat ta a, zawi muanga awp hniamin a thi tur chu a rawn inleng awrh awrh a ti chuan mihring seh leh tawh ngai lo turin BUALTHLENG MAWITU pasaltha te lakah chuan a fam ta

Ti chuan Sakeiin a seh hlum tak an khaw nula ruang leh tlangval hliam tuar panga ngawt mai nen chuan feh ?hulhin an zawn hawng ta a, a dam awm chhun thing kunga nula chu chanchin te an han zawta chu nula pawh chuan hlauh vanga la khur hlawk hlawk chungin he ti hian a sawi ta a "Khatia feh tura kan kal kha titi khawchang sawiin kan ri thla ve bawrh bawrh a khua a thiang nuamin kan hma lawka sapui kut kan khuain a tuarna te pawh kan mangnghilh hman hial a ni. Min rawn hmuhna hmun a kan kal lai khan chhak lam a?angin sakei kha rawn zuang thlain ?hiani kha a rawn bawh thlu a, a seh nghal sawk sawk bawka kan ?hiante khan chhan tumin kei chu thingkungah khan min hlang kaia, silai keng an awm loh avangin chem pui nen an va bawh ta ringawt a mahse rei lo te chhungin sakei khan a lo thal vek hmana ti chuan ?hianni ruang kha a ei ta a ni"a ti khur hlak hlaka a mittui a sur zung zung bawka.

An khua hi khaw lian ve tawk tak anih tawh avangin hming inhre lo pawh an tam tawh hle a favang awllen hunah hi chuan zawlbuk pawh a dang sak belh an rel nghe nghe a ni. Ti chuan ruang nen hliam tuar nen sakei ruang nen chuan an hawng ta a. Sairal a lu pawh arbawm tiah lawih mah nise mihring nunna a laksak hman bakah hliam tuar an awm ve nual bawk nen a lu pawih aih lo mai an rel ta a.

Fur boruak hnawm zualpui a han reh a mitinte chuan an hma lawka favang awllen lo thleng tur chu an nghakhlelin rim takin an thawk ?auh ?auh a, an hma lawkah a ni tawh tho bawk nen Runthanga leh Rengliana chuan palai an tir ta, favang awllen rawn thlen vela a rang lama an lunglai luahtute an thai chantir chu an duh dan a ni. An inzui dan khawtlang hriat annih tawh avangin an palai te pawh hlawhtling taka hawin rei loteah Runthanga leh Rengliana chuan nupui an nei dawn ta der mai. An phur dun surh surhin lo lam hna an thawh pahin inlamah an theihtawpin an inbuatsaih a, an inneih niah chuan khawtlang hrai ngei an duh bakah Zehtet lam pawh a tam thei ang berin chhim pui ve tura sawm an duh bawk nen,favang awllen hun a thlen vela ramvah a sa a tam thei ang ber kah chu an ?hian dun tum dan a ni.

Thansangate ?hian thum pawh rawlthar thaza tih takah lo lamah an thawhhlawk em em tawh a Chawiliana chu an hotu en deuh bikin an u rual vel a lo ni bawk nen an pali chuan tu dang reng ngai loin hlim lai par an chen a ni. Chawiliana hi an khaw hlui lamah chuan zawlbuk kai ve tawhin a huaisenna leh a theihna te chuan Rangte pasal?ha anih tir der tawh kha a ni a. A ?hiante pahnih nen a keipui an beih thu phei chuan khual a thang ve hat tih pawh kan sawi tawh kha. Mahse a la naupangin a fing bawka a chapo loin aia u te thu a awih em em a, Thanhranga fapa ni awm reng a ni tiin a nun mawi tak chu miten an sawi ?hina Thanhranga te nupa pawhin an fapa dik tak anga enin an hmangaih em em a, a lunglen lohnan te kawmin an fuih reng peih bawk a ni.

Thansanga te ?hian thum bula Chawiliana an tal tam tak hnu phei chuan an inpawh tlangin unau ang chiaha inenin an bula awm pawh nuam a ti hle mai a. Chhun lamah hahthikula hna thawkin zan lamah Liansanga u Zathangi te inlamah chuang kaiin Zathangi leh Val upa Ruma te fa neih chhun Zasangi chu awmin Val upa Ruma te nen titi tlangin an ri ve le lu ?hin a. Tunah chuan val upa Ruma pawh zawlbukah a riak khat tawhin zawlbula ro reltu te zinga mi la ni mahse Runthanga leh Rengliana te kutah chuan zawlbuk chu a dah ang a ni tawh a Runthanga leh Renglianan ten an rawn belh changa thu a lo rawn ?hin tih bak chu a inrawlh duh tawh meuh lo a. Val upa niin inhre tawh lo mahse tlangvalte koh dan a la nih reng tho avangin a hmingin Val upa Ruma tih chu a la ni reng a ni.

Zan khat chu fur ruahtui zahngaihna hnuaiah thla eng mawi tak rawn lang chhuakin khua lah a thiang ?hain nula tlangvalte chu thlà eng lawmin leihkapuiah rawn chuang chhuakin hla an sa dap dapa, lo nui ri bawrh bawrh thawmin a rawl pawlh zawm bawka, tual laia naupang tual chai inum kawi zawr zawrte nen Bualthleng khua chu a hnawh khat hneh hle. LalDohranga leh a khawnbawlte chu leihkapuiah zu bel nen rawn chuang chhuakin thla eng lawm a a khaw nula tlangvalte hlim thawm chuan a ti hlim tlang hle a ni. Vanglai nun chanchinte sawiin an ri ve le lu a. Thanhranga chuan afapa te pahnih bakah Liansanga leh Dammawia te lo la haw lo chu a ngaih a ?ha tawh lo hle maia. Leng len ar khuanna la rei lo mah se, fate ngaihtuah zawng a lo na duh a niang e Pu Zangaia lam chu a va hawi pheia Pu Zangaia pawh chu a ngaih a ?hat loh hmel kher mai. Mahse chutih lai tak chuan kawt chhuah lamah hlado chham vang vang thawm an hre ta. Ngun takin an han ngaithla a Thanhranga chuan a fapa Chawiliana aw ngei a ni tih a hre ta.

Naupang tual chai te pawh kawt chhuah lam pan chuan an kal ta a, rei loteah sazuk chal ?ha zet a ki pawh hreu bum tawh mai lu nen chuan an rawn inzawn ta le lu mai. Lal leh a khawnbawl te chuan ding meuha lo enin Lalpa Dohranga chuan "Khutiang khawpa sazuk lu ropui khu ka la hmu ngai hauh lo mai" a rawn ti chhuak phawnga khawnbawl upa dangte pawh chuan an rawn tuihnih ve sap sap bawka, a hnung lamah chuan Chawiliana leh a bula Liansangan zawng patuai a rawn paw bahlat leh Thansanga leh Dammawia rawn kal ve hnak hnakte chu an hmu ta a. Sa lu chuan Thanhranga te in a lawi luh takah chuan Pu Zangaia leh Thanhranga chu haw thlain Chawiliana sazuk kah bakah Liansanga Zawng patuai kah chu an han puah sawk sawk a, a sa chu salu rawn zawn tute leh en tute chu lo hleh ve zelin rei loteah patling ho chu zu bel nen rawn inpu lutin salu chu an rawn lawm ta a.

Thansanga chuan zanriah an unaua an bar zawh hnu chuan lal sa tura an fun hran chu lain Liansanga te inlam chu a va pan phei ta a. Liansanga pawhin a zawng kah sa lal hnena pek tura an dah chu la vein Dammawia rawn thlen rual chuan lal in lam panin an chhuak ta nghala. Lal in an han luh chuan lalpa Dohranga chuan hawihhawm taka lo dawng sawngin Chawiliana sazuk kah leh Liansanga zawng kah te chu lawm takin a lo dawn sak a. Zu te lo zukin a hnu lawkah chuan lalfanu Parmawii te chu koin Thansanga te kawm turin a ti ta mai. Chu tia an ni Zawlbuk em pawh la kai lo lalsachhiah pe a kalte lalfanu te nena lalpain a han inkawm tir mai tur chu an zak ru hle mai. Mahse lalpa Dohranga erawh chuan "Anni pathum hi rawn puitling se la ka fanu te leh ka khua hi ngaihngam taka kalsanin min thlahtute kiangah ka cheng ve thei tawh ang" a lo tih diam tawh avangin Thansanga te ?hianthum chu a ring em em vek a ni.

Thansangate pawh leihkapui lamah chuan an va inzui chhuak hnak hnaka. An va thleng chiah Lal fanu Sangzuali bula Rengliana lo ?hu vun chuan lo hmuin "E kan pasal?ha te an lo thleng a ni maw hawh teh u thla eng khi a mawi a nia rawn thlir ve hlawm teh u" a han ti a Dammawia lah pek chuan "Thla eng aia hmuhnawm tih i nei tih te zawng kan hre lutuk thla en loh lai pawhin i birh tluk tluk zela lawm" a rawn ti a midangte pawh chu lo nui dar darin Rengliana chhan ngaihna hre lo chuan "Runthanga te phei chu an inbirh tluk tlukna a rei tawh zia in hriat kha" an ti thla rawk ringawta midangte chu a hma aia lo nui nasa zual sauhin Thansanga te pawh chuan ?huthmun te rem vein an han ti ti ho sap sap a.

Thansanga chuan thla engin a kianga thu lalfanu Parmawii hmai a rawn chhun no suk chu hmuhnawm ti takin a thlir leh dauh dauh thin. Lianthangi kha nalh a tiin Dammawian kakpui lawn a rawt phei kha chuan a phur hle kha a ni a mahse Parmawii hian Lianthangi ?hatna zawng zawngte kha a hliahkhuh hneh hlein a hria a ni. Chutia a lo en deuh deuh lai tak chuan Parmawii chuan rawn en vein "Sangte hmuhnawm deuh hlek a awm em ni?" a rawn tih takah chuan Thansanga chu a zak hle maia mahse inti pachang luiin "I hmuhnawm reuh em a mawle" a han ti a Parmawii ve thung chu lo hawi sawn leh tawhin van lam chu a thlir dauh dauh a. Liansanga leh Dammawia te chuan Parmawii u te pahnih chu an fiam nui uar uar reng bawka Sangzuali leh Rengliana tan pawh chu zan zet chu biahthu di infahna hun a awm thei thlawt lo a ni ber e. Parmawii chu rawn tawng chhuakin "Sangte nula i rim ve tawh thin reng reng a mi?" a rawn ti leh a Thansanga chuan chutiang zawhna Parmawii meuhin a zawh takah chuan Parmawii chuan a ning angah ngaiin zak tak chungin "La rim hauh lo, lal sa tur kan rawn dah vang kha a ni e, keini pawhin hetiang hun hi a thleng ang tih kan ring bik lo chhuah leh vat tum kha kan tangkhang rei ta deuh a ni e, ka haw phawt mai ange ka ?hiante erawh an duh hunah rawn haw ve mai rawh se" tiin thawh an tum a mahse Parmawiin "A la hma em hi, inah salu lawm ho kiangah i muhil thei dawn chuang lo la awm rih rawh" a rawn tih leh tak siah chuan haw tuma a rilru a siam tawh kha a sut leh ta hnu hnu a. Parmawii nen chuan titi dunin kar loah an inpawh chho ta em em a.

Thansanga chuan Parmawii chu a hmaa a lo rindan lalfanu tawng tlem leh induh ve tak ni a a hriatna kha Parmawii zia a ni hauh lo tih hriain Parmawii chu a ngaina ta hle mai. Mahse Parmawii chu chawp leh chilha rawn danglam leh thutin "Ka u chunga thil thleng avang khan hnaih che u hi tun thleng hian ka la hreh a ni" tih tawngkam chuan Thansanga chu a deng na hle mai. A inchhir vawng vawng hial a ni. "Siamthat theih ni se a thleng hauh lo ang, ka damchhung hian ka inchhir tawh dawn a ni" a han ti a Parmawii erawh a hma ang bawka nelawm loh rawn ni leh tawhin "Siamthat theih a ni tawh lo, vawi khat tih sual hian damchhung a nghawng thei a sin" a rawn ti a. Thansanga chuan chhang tawh lemloin hnuai lam a bih san ta daih a Parmawii chu rawn tawng chhuak lehin "Kar lovah he khaw innghahna in rawn ni chho anga ka nu leh pate kaihza vengtu ber leh he kan khaw muantu ber hi inrawn ni chho thuai anga, nula tam takin an ngaihmelh che u anga, tlangval to tak innih hunah meuh chuan ka u chunga in inchhirna khan a kian san leh mai ang che u. Pasalthate chu khawi khaw nula lakah pawh in to vek si a, ka u kha chu in theihnghilh thuai ang"a rawn ti a. 

Thansanga chuan nuam lo a ti rilru hle a Parmawii chu rawn nelawmin ngainat awm ve hman viau mahse a chhungrilah chuan an thian thum huatna nasa tak a la awm tih chu a rin dam a ni. Parmawii en kalh pah chuan "Ni lo ve, i u chunga ka tih ang kha tu chungah mah thlen tir ka duh tawh lo a ni. Khuanu malsawmna zara nupui tur ka la hmu ve te anih chuan chu ka nupui tur tan chauh chuan ka invawng tawh dawn a ni"a han ti a Parmawii chuan awih lo tih hriat takin amah en rengtu Thansanga en chung chuan a ner sak a. Thansanga chuan Parmawii chu hnaih hlekin "Min ring lo a ni mahna mahse, ka thutlukna chu kha kha a ni e. Ka thutlukna sawh sawn tur khawpa mi nep ka ni bawk hek lo" a tih takah chuan Parmawii pawh chuan a ring tih lan tir nan bu nghut chungin a rawn nuih saka "Chuti si i haw tum kha i va thu leh rang si ve, i lo nep hle mai" tih pahin a nui nghal her her a. Thansanga chhan ngaihna hre lo chu a hawi kual ruai ruai ringawta a khi leh suk thin bawk. 

Parmawii chuan nui sang chungin "Thu tlukna thlak hlawkna tur khawp chu ka ni ve reng a ni" fiamthuin a rawn ti a. Thansanga pawh chuan "I ni ngei alawm" tih pahin Parmawii mitah tak chuan a en ta siah mai. Parmawii chuan Thansanga thusawi tawite chuan thu tam tak a sawi tel tih a hria a Thansanga mitah tak chuan en ve ngar ngarin mahse a u Lianthangi bawk chu hre chhuak lehin a hawi sawn ta daih a.

Thansanga inthlahrung chuan "Ka tihpalh a ni"a rawn ti sapa Parmawii pawh chuan" Min hrethiam rawh ka unaunu ka sunna hi a la reh lo a ni. Hlim taka inhmuh leh intiam kha kan inhmuh leh meuh khan khati kha a ni ta si a" a rawn ti chhuak ve bawka. Thansanga pawh chuan hrethiam takin thudangah a pakai pui ta thuaia. Leng hawn ar a khuan takah chuan Dammawia te nui bawk bawk pawh chu tawpin inlam an pan ta sang sang a. Parmawii chuan Thansanga thusawi tawite kha a bengah a ri nawn tluk tluk rengin a hria a. He khawvelah hian pasal a la nei ve ngei anga a pasal ni tura a duh zawng zawng nei tu Thansanga chu a haw hauh lo mahse a u Lianthangi thlarau a zah em avang leh a u Lianthangi chunga an thil tih kha rapthlak a tih em avangin a rilru a pe duh lo mai chauh a. Chu bakah a pa dik takin a hrilh ?hin tleirawl lungmawl hmangaihna in a zem nasat lai hun an tawng dun mek a. Rilru a pek nasat viau hnua an inhmangaihna a thamral leh si chuan amah bawk chu na tur a ni tih inhriain Thansanga chu hnaih loh zel phawt a tum ta a ni.

Hun leh ni a liam zela kar loah favang awllen hun chu a rawn thleng ta Runthanga leh Rengliana chuan Zehtet lamah palai tirin an nupui neih tur thu chu an va thlen tir a Lalpa Dohranga pawhin Zehtet lalpa hnenah chuan palai a tir ve bawk a. Khaw inhnaih tak annih avangin a tuk maiah chuan Chhuanthanga hoin Chhuahchawnga te nupa leh an fapa Lianmawia bakah Hrilkunga chu an rawn thleng nghal maia Chhuahchawnga te chhungkua chu Thanhranga teinah innghatin Hrilkunga chu Khawnbawl upa dang inah thlen tirin Chhuanthanga erawh Upa te anih ve tak avangin lalinah a inghat thunga. Rengliana chu chutia Chhuahchawnga'n a fapa Lianmawia a rawn hruai tel tak siah chuan Thanhranga teinah chuan a lut chhuak reng maia Lianmawia chu a pawm chawt reng mai a ni. 

A hnu ni nga a ral leh meuh chuan Zehtet lam atang chuan mikhual an rawn awm chho zel bawka Thangkunga leh a nupui Biakliani rai puar ve tan mek pawh chu Pu Zangaia te inah innghat ve tawhin Biakliani pawhin a chhungte kianga a awm leh chu nuam a ti hle maia a u Zathangi fanu chu a la phei chhen bawk a. Mikhual an tam bawk nen Thansangate thian thum pawhin Chawiliana hoin sa pel in an chhuak nitina an kut a hmui tlang bawk nen lalpa Dohranga pawhin Thanhranga hnenah "I fapa thar hian a naute pathum hi eng ang fakaua pasaltha ni turin nge a rawn puitlin chhoh pui ang le? tiin Chawiliana a chu a fak chhen bawka Thanhranga pawhin nuam a ti ve hle mai. Rengliana leh Runthanga te chuan an chhungte khual khuaa awmte pawh chah khawmin Lalpa Dohranga pawhin a fanu upa zawk Damdep lal fapa hnena hun rei tak liam tawha khiang an lo awih tir Sangliani leh a pasal hnenah chuan palai turin Chawiliana leh Thansangate thian thum chu tirin an chhungkua a a nau te inneihna chu rawn chhim ngei turin a ti bawk a.

Chawilianate pawh chuan Damdep khua, zan ruk zet kala hlaah chuan rang taka chanchin thlen turin an kal chhuak ta nghal a. Khaw kar kawngah tluang takin an kal zela Damdep khua an thlen hma an khaw kawtchhuah an han thlen chuan Chawiliana chuan ding meuhin khaw chhung lam chu a en a thawm riva hriat tur a tlemin naupang dai hnaia thing fawm leh sava veh takngial pawh hmuh tur an awm loh avanga angaih that lohna chu rawn sawi chhuakin a naute chu fimkhur turin a chah mawlh mawlh a.

Ti chuan khawchhung lam pan chuan an kal leh ta a. Khaw chhung an va luh chuan tual laia veivak an tlem hle maia. Chutia lal inlam pan a rawlthar pathum leh an hmahruaitu tlangval chhuak hlim hlawt an han hmuh chuan mipuite chuan an en duh hle mai a. Chawiliana chuan lal in thlen hma deuh a en reng reng pawha pasaltha in a ni tih hriat zet mai salu tam tak intar thluahna hmunah chuan a luh pui hmasa tete a. Inchhungah chuan nupa lo awmin tha takin an lo chhawn a. 

Chawiliana chuan an kal chhan zawng zawngte chu chip chiar takin a han sawia. Chu pa pawh chuan tha taka lo chhawnin 'Tun lai chu sapui a hnai riau maia kan ran vulh a rawn lak pawh duh tawk loin ruang pawh panga lai min hnutchhiah tawha, kan mang a angin feh kal ngam pawh kan awm meuh lo a ni. Pasaltha han tih tur lah kan nei hek lo a a hminga pasaltha kei lah sapui meuh han pel tur chuan ka kum hian min delh rit tawh bawk si a kan mang a ang hle a ni. Chu tia Bualthleng lam mite innih chuan Pasal?ha Runthanga te thian ho inhria ang chu maw? An ni thianho kha han awm ngat se zawng he kan sapui hian a nun a channa a rei tawh viau ngeiin ka ring" a rawn ti charh charh a. 

Dammawia chuan "Ka pu lungngai mah ta che. Kan u te chu kan tluk dawn hauh lova, mahse kan cham chhunga a rawn huangtau anih chuan kan nunna chan huamin kan bei ngei ang. Kan u hi in lo hre ve mai thei a, Rangte pasaltha tuna Bualthleng pasaltha ni ta, Chawiliana a thiante pahnih nena keipui kut lawng ngata hnehtu kha a ni e" a han tih chuan inneitupa chu meng phawk hru chungin Chawiliana chu a han en vang vanga "I kum a la naupang dawn si a, i ngaihsan awm hle mai ka ti" a han ti a. Chawiliana lah zak bawk si "Ka pu an sawi uar mah mah a nih kha, kut lawng zawngin kan bei ngam teuh lo mai. Mahse ka nau sawi ang khan kan cham chhunga a rawn chet vaih chuan kan thih thleng rawkin kan bei ang" tih pahin Thansanga darah chuan a han beng thak thak a nui sukin "Pasaltha Thanhranga fate hi kan hnungtawlh ngai lo e" a han ti charh charh a. Liansanga lam hawi lehin "Pasaltha Zangaia fapa a nih hi" a ti leh bawk a. 

Inneitupa lah chu meng phawk nasa tulh tulhin pasaltha tuai tirte anih laia lusei khuate deng chhuak tu a mi ngaihsan pasaltha Zangaia leh Pasaltha vanglai nun a hman ve laia an khua leh a vel zawng zawngten an sawi huai huai thin a kum rualpui vel mi Thanhranga mi huaisen hming a hriatte leh a hma lawka an fate thu a han hmu chu a meng phawk hru maia. Rawn inngaihtuah harh leh vatin "E kan sapui chu rawn che lo se te ka ti mah mah tawh e a, a rawn che anih chuan a thi ngei dawn anih chu. Ka ti tangkhang rei ta deuh che u a ni lal in lamah chuan han chuangkai tawh u, khawnge keimah ngei hian ka han hruai ang che u" tih pahin a tho thurh a lalin lam pan chuan an kal ta a.

A nu leh pate an thih tak avanga kum hmasa lam atanga lalna lo chelh ve tan Damdep lalpa Ngurthana chuan a mikhualte chu tha taka lo dawng sawngin hah zu te a han zuk a, lalnu Sangliani chuan Thansanga chu mit la sawn lek loin a lo en ngat ngat bawk a. Chutah "Nang hi U Tialthangi fapa i ni ngat mai" a han ti vei rawk a, Lalpa chu lo nuiin "Ramtea nu i ti mah mah emai a" a rawn ti a. Chawiliana chu rawn tawng chhuakin "Lalpa zahawm lalnu sawi ang ngei kha a ni e. Pasaltha Thanhranga leh Tialthangi te fapa chu a ni e" a rawn ti a chu veleh Lalpa chuan "E hee, enge in khaw lam chanchin te? He lai thleng thleng rawn kal chu chanchin pawimawh tak rawn thlen tur innei a ni ngei ang chu maw?" a rawn ti a. Chawiliana chuan "E kan lalnu leh kan lalpa te chu an dam tha e" a rawn ti a. 

Tialthangi chuan Thansanga chu enin "I nu i ang hle mai ka ti. I nu ngai hian vawi tam ka tap a sin, kan naupan tet ata kan zui kawi reng kha a ni ve a" a rawn ti ve bawk a. Chawiliana chu rawn tawng chhunzawm ve lehin "Lalpa sawi tur a tam khawp mai. Kei hi hmanah chuan Rangte pasaltha Chawiliana tiin min hre thin a, mahse khuanu remruatna chuan he khawvela ka neih chhun ka nu min lak sakin nu leh pa thar atan Pasaltha Thanhranga te nupa hi min pek bakah lal thar leh khaw thar ka neih phah ta a ni. Tin, ka kianga mi te hi Thansanga Dammawia leh Liansanga te an ni bawk a, ka naute nen hian kan lalpa chuan in chhungkaw hnena thu thlen tur hian min rawn tir a. Tun favang awllen lai ngei hian kan lalfanu sangzuali leh kan pasaltha Rengliana te chu an inneih dawn bakah hemi rual hian Pasaltha Rengliana thianpa Pasaltha Runthanga leh hei ka nau Liansanga u hi an innei ve dawn bawka. Kan lalpa chuan 'khaw kar te a hla thama tun bak chu inhmuhna hun kan nei tawhin a rinawm si loha an chhungkuain rawn kal teh se ka tute pawh ka hmu ve chak e' tiin thu min rawn ken tir a ni. "a rawn ti a. 

Lalpa Ngurthana chu muk taka inngaihtuahin tuibur hmuamda vel a ngawih vang vang hnu chuan" Kan farnu chu khiang awi rualte a lo ni ve tawh a ni maw? A lawina tur lah helai thleng thlenga a hming kan lo hriat a ni a, a aihnahphahpui Runthanga bakah Chhuahchawnga te Hrilkunga te Thangkunga te nen hian an chanchin hi kan lo seprawtui ve nasa a sin. Kal ngei pawh tha ka ti khawp mai. Amaherawh chu kan khua hi a ral muang loin sapui huaisar tak kan kawl mek a ni a. Ka khaw mi leh sate thinthi a an mut theih loh laia khual khuaa kal chu ka thei lo a ni. Ka pi leh pu leh Sangtei hnenah chuan ngaihdam min lo dil sak mai a ngai dawn a ni. Ka nupui leh ka fate erawh inrualin kal selangin ka aiawhin ka upa te zinga pakhatin zui bawk che u sela he sapui kan tukdawl velah hian ka pi leh pu hmu tur chuan ka rawn zin ngei ngei ang"a rawn ti a. Chu veleh Lal ina Thansanga te hruai tupa chuan thusawi ve rawn dilin "Lalpa kan sapui huaisar chanchin hi kan khualtha te hnenah hian ka lo thlen tawh a. An cham chhung hian kan sapui hian chet a rawn thawh loh hlauh chuan a thihna tur a pumpelh tihna a ni ngei ang"a han ti a. Lalpa Ngurthana chuan a pa hunlaia an khaw daingul ber ni ve thin. A hunlaia pasaltha ve tak an khawpa mitah tak chuan a han en a, an khaw pa chuan Chawiliana te chu a ring zo hle tih a hmuh chuan a ngaih pawh a ngam ve ta a. 

Tichuan lal inah an pali a innghah tirin zan lamah chuan lalpa chuan a khawnbawl te kiangah a mikhualte rawn kal chhan te chu a sawi a Chawiliana te erawh leihkapuiah ?huin lalfapa Ramtea zawhna mawl mang tak tak avang chuan an ri leh dar dar thin. Chawiliana chauh zawlbuka la kai anih avangin lal inah chuan an vaiin riah tlan mai an rela mutna siam pah chuan lalnu Sangliani chuan Thansangate chu an khaw chanchinte a zawt char char a. Thansanga te chuan ning hmel pawh pu miah loin tha takin an lo chhang let zel bawka. Lalpa'n "Ramtea nu i zawt tam lutuk dawn" tih paha a rawn nuih tak huau huauah chuan lalnu pawh chuan duh tawkin an mutna tur a siam fel ta bawka mu turin an intintuah ta. Mahse chutih lai tak chuan khaw mawng lama "Sa a tla e" tih thawm an hre ta